روايه: الجريمه والعذاب

البارت الثالث والعشرون

#البارت_الثالث_والعشرون
———————————

طَشيتهن وتلملمن
ولميتهَن وأطشَرن
يَوم الردتهن مالفن
يَوم العفتهم چودرن
شنهو السبب بس ماحچن
جروحَي حيل أستهترن
رگصن رگص مَثل الغجر
هَزن خُصر مايستحن
...........................
بكل مره يصير عندي يقين انُ رب العالمين جايبنه للدنيا علمود الامتحان مو علمود نرتاح
چنت طالعه ومخبوصه عندي قضيه بالمحكمة وره ماتخرجت وبلشت اراجع بالمحكمه واستلم قضايه وعيني بالتلفون وامشي انضربت بشخص وگع التلفون من ايدي زفرت بغضب رفعت راسي صغرت عيني واني مركزه عليه هو باوعلي نظره كأنوا ممهتم رفعلي حاجب

جساس ، كسرتي ضلوعي اعتذري

ابتسمت ابتسامه جانبيه واني اعدل سترتي نزلت جبت تلفوني من الگاع حجيت بهمس
رولان ، المسامح كريم واني سامحتك
ورجعت حجيت بصوت اعتيادي
رولان ، وحاليًا اني مستعجله مو مشكله اني الم غراضي
لميتهن ومشيت برهاتي حسيت بعيونه تلاحگني
طبيت لگيتهم واگفين چنت احجي ومنفعله وافهمهم على امور بالقضيه واشياء لازم ينتبهولها بنص هالهوسه والشرح سمعت صوت خشن حچة

جساس ، انت المحاميه رولان

باوعتله بتعجب شكله مينسي باوعت بعيونه واردفت
رولان ، اي نعم اخي تفضل

جساس ، ولو قاطعتج عن كلامج بس ممكن دقيقه
يحجي ويرفعلي حاچب كأنُ يگلي امشي

ف اني ترخصت من الناس ومشيت ورا سرعت مشيتي وصرت امشي بصفه سابقته بخطوه صرنه بمكان فارغ

اردف بغرور
جساس ،اعتذري

باوعتله مصدومه
رولان ، عفوًا انت جايبني مناك لهنا ومخليني اعوف شغلي علمود تگلي هالكلمة !

باوع بعيني وحجة
جساس ، والله حسب ما ادري مو اني الي حاط عيني بالتلفون وامشي مثل العميان واضرب بالناس واكسر ضلوعهم براسي الي جنه رگية مدوحس وشكبره

عززههههه اباوعه مصدومةةةة شنو شيحس هذا حجيت بغضب
رولان ، اولًا احترم نفسك ثانيًا انت من شفتني اني ممنتبه انت انتبه ووخر ماله داعي ثنينه غلطانين وانت لاحگني مناك لهنا علمود تگلي هالحجي معرفتك هيج فارغ يا سياده الضابط

ابتسم ودار وجهه ورجع حجة
حساس ، هسه شنو تعتذرين لو لا

حجيت واني امشي
رولان ، مغلطانه داعتذر

مشيت وعفته وهو صاح
جساس ، ههييننننن

امشي واني مزعوجة شنو من بشر شلون جنت اشوفه حباب !
استغفرت ربي ومشيت رجعتلهم وخلصت محكمتي ونزلت ادور على تكسي ارجع بي للبيت
واگفه بالشمس جان توگف سياره عاليه سوده مضلله نزلت الجامه اليمي
زفرت نفسي بغضب ردت اعيط بي بس استعديت شخصيتي البدلوماسيه