روايه: الجريمه والعذاب

البارت الرابع والعشرون

#روايه_الجريمه_والعذاب
——————————

والفرح طَر المدينة
وانطه للناس التريدة
ودگدك البيبان كلها
مَن وصلنه انشلت ايده
آخ ياحزنك يَگلبي
جمرة مضمومة بجريدة
————————

وراها بنص ساعه انفتح الباب ودخل جساس وهو علامات البروود كلها على وجهة

امي گامت بحيلها وحجت
ام جساس ، هاي وينك اربع ايام ملافي تلفونك مغلق ومنوصلك وهاالبت هالمحبوسه فوگ اكل ولا شرب

هو چذب امي تنطيها اكل بس تريد تصحي ضميره جان يحجي بكُل هدوء الارض
جساس ، الي بالغرفه متصيرلي مرة بعد

ام جساس ، شكو يمه ليش وهذا الولد ياهو فهمني لا تخبلني

بلش يشرح وكل شي شافه وعرفه وامي كل شوي لاطمه على صدرها وتصيح يااااعععع

انهى كلامه وغلغل ايده بشعره رفعه وحچـى
جساس ، وهاهيه وهسه انه صاعد اوديها لأبـوها
واحچيـلى كُل شي دار وصار وبعد هو وايده
لان انه حـتى ايدي ما اريد انگـسها بأمثالها

نهى الحچـي وگام بهدوء گمت اراقبه شفته صعد للغرفه
فتح الباب ومانسمع غير عياطها وبَچـيها

مرح ، ليش حابسسنننييي شسويتتت علمود تحبسني
اكرهك ما اريددكككك الله ياخذك وديني الاهلي

نسمع بس عياطها هو چَـان هادء حچى بهدء
جساس ، گومي لبسي بسرعه لا تظلين تعوين براسي مثل الچَـلب
لا وحق الحق وحق النيه الي واگفه عليها ادفنچ بمكانچ لا تطولينهااا ولييي بدلي

گال اخر كلمتين بصياح وگمنه نسمع بس دعاويها وكل شويه امي تريد تهد عليها
تگول شلون تدعي على ابني هيج

وداها جساس لأهلها ومن عرف ابوها ماخلى بقعه بجسمها صاحيه وامها العرمه تتحسبن على اخويه
تم الطلاق بينهم ومن بعدها انقطعت علاقتنه بيهم بس عمي بقينه ويا بس امها وهي موصلنه عنهم شي

اخر شي عرفنه مرح تزوجت وخلفت بنيه واتطلگت والبنيه عند ابوها

فزيت على تلفوني يدگ رفعته بملل وچنت متوقعه صاحب الرساله

صامد ، حَتى الطارش الوَديته الك حَباك

فتحتها وصرت تقريبًا متعوده
بين فترة وفتره يدزلي هيج شي
ماعرف حلمان بيه
رغم حتى صدفه ما اصادفه

بقيت اتأمل المسج وجان فچأة يدك توترت وضليت صافنه ردت اجاوب
چـان ينگطع الخط
شوي ورجع دگ جاوبته

حچيت
جُمانه ، الوو

سمعته چر نفس ورد بهدوء
صامد ، يا بعد كال الاغاني

جُمانه ، شنو مفتهمت الاغاني شعليها

صامد ، بعديييننن تفتهمين