روايه: الجريمه والعذاب

البارت الثاني والعشرون

#روايه_الجريمه_والعذاب
--------------

تجرحني واشوفك بس ابريك ،
و اوصيك استغل جروحي غشمه

ايهاب المالكي

.....................

دانحظر اشياء لان راح نطبخ ونسوي عزيمه بمناسبه رجوع اخواني

انفتح الباب داسمع صوت السلام والكلام

نزلو من سيارة جساس الي جان يسوقها جرهم

ام جساس ، يا هلا بسورها ونورها يابعد طواي..

شافت ايده وعاطت
ام جساس ، ولك يمه هاي شنو ايدك

جساس ، لتخافين ماكو شي همزين

ام جساس ، جا شلون ماكو شي وانتَ ايدك برگبتك

وهذا الحجي كله وكرايبنه وعمامي وخوالي عزهه كلهم هناك موجودين وهي داتلطم وتعاتب بي

عاد استحى لان البقيه بس باسو راسها وسلموا على الخطار واستأذنوا يرتاحون اله جساس بقى واكف من طنطل عرف

باس راسها رأسََا وطب جوه اني لحگتهم بوستهم

جمانه ، هاي شصاير بيك جساس شنو جنت تحارب وهيج راجع وجهك مشخط وايدك مكسوره

جساس ، لا والله جنت دالعب بالزحليگانه ونجرحت

ضربني بمؤخره راسي وضحك
جساس ، شوكت تكملون غده راح اموت من الجوع مماكلين شي

جمانه ، والله مادري اصعد ارتاح

هز راسه وصعد جان البيت كله فرحان يرجعته وسوالف النسوان وجايات طالعه وجايات طابه وسلام وكلام ونميمه

شويه ونزل جرهم كال حروح اجيب مرتي ونزل ورا جساس مبدل وريحة العطر تعط عط باوعت بطرف عيني حچيت بداخلي

جمانة ، هذا لو عاشگ لو عاشگ يا اما عاشگ غير هل خيارين ماكو

طلعوا واني صعدت لغرفتي علمود اجيب تلفوني لگيته دازلي مسج

صامد ، مراسّيلك دوة مـن أشتـاگ أرد الهـا

عقدت حواجبي
جمانه ، شنو

صامد ، شنو شنو مداتفتهمين لو اصلََا متفتهمين التلاميح

جمانه ، لا مافتهم التلاميح

صامد ، چا خوش مشتاقلج

ضليت صافنه
جمانه ، الحمدلله على سلامتك

صامد ، هههههه الله يسلمج

جمانه ، حروح اساعدهم

صامد ، ماشي بويه

يااععع شجاه اوي مادري شبي هذا خاف طمعان بتخصيي معقوله بس احنا هم بس مال مخابيل اكيد فرق

نزلت اثرم زلاطه وحالتي تبجي الصخر طبت علينه تمر وعطر يهف وراها وهذن الحيايه يباعنلها من طرف عينهن اجه شاورني جرهم