روايه: الجريمه والعذاب

البارت الثامن عشر

#الجريمه_والعذاب
............................

‏صوتك ماي
سولفلي اعله كيفك
مشتهي اتبلل

الگاطع

-------------------

ندكت الباب طلع حسن واجه يكول

حسن ، سوو طريق جرهم بالباب

اني طفرت عدلت شعري وغسلت وجهي ومشطت حواجبي خليت كلحه بهايه عيني وجريتها مثل الايلاينر سويت احمم احمم عدلت صوتي وطبيت للهول لگيته كاعد بس مبين بوجهه تعبان سلمت وطلعت اسوي جاي رجعت كعدت يمهم وامي طلعت بقيت بس اني ويا حجه

جرهم ، تقربي تمر

رفعت راسي بسرعه
تمر ، هاه

اشرلي بوجهه تعالي تدنيت يمه هوه جرني وتقرب يمي وحط راسه على عظمه الترقوه صار خشمه على رگبتي حسيت راح يتبدل جلدي كد ماكزبرت بده يحجه وشفايفه بأثناء كلامه تتحرك على رگبتي وصوته مبحوح

جرهم ، تمر تعبان داحس الدنيا تقاسطني كأنو نهايتي كلشي مدايمشي ويايه حتى الشوارع والنفس احس راح يغدرني وينگطع حيل تعبت مادري المنو اروح مادريت غير رجلي ساحبتني البيتچ ماكدر بعد اضم تعبت حيل هواي دامثل دور القوي بس روحي تعبت كلما اكول نصلح حالي ترجع الاشياء الي وبأنكس حال كل ما اكول گمت تنكسر رجلي وكلما اكول نجحت اعيد سنه مداكدر اتحمل اني هم بشر اتعب حالي حالكم ليش يحسسوني اني اقوى مخلوق بالدنيا تعبني مرضي وكلش مداكدر اعوفه وبالجذب اتقرب سم الناس واني متنگس منهم وهل مره مصيبتي مصيبه

سكت وكمت اسمع ب حسراته

تمر ، ليش شكو شصاير

جرهم ، اكو شخص خطف جمانه ....

هو گال هيج لو اني بگت طن هوه
تمر ، وهي هسه وين

جرهم ، مندري بس نعرف منو وره السالفه ونخاف نتحرك لايسوي بيها شي

تمر ، زين وانته شعليك ليش مشيل نفسك الحمل

جرهم ، اني كتلك اخو وهو بصريح العباره كال اريد انتقم لدم اخوي من عائلتكم وفات لهاي السالفه سنتين عبالنه نسى واحنا هم نسينى ماتوقعت يجي هل يوم وابو ايهب يخطف اختي بسببي وماكدر اتحرك ولا اسوي شي لايسويلها شي ويكسرني بس لو يرجع بيه الزمن راح ارجع اسوي الي سويته بأخو عذا قانون ويمشي على الكل ماكدر استثني احد بس هم ماكدر اوصل الاذى بواحد من اهلي صعبه تمره صعبه

تجرأت ورفعت ايدي على راسه وبديت امسد على شعره

تمر ، ان شاء الله تهون لا تخاف متضيگ اله تفرج وربك مينسى عبده هذا كله امتحان يريد يشوفكم كدها لو مو كدها

جرهم ، هل يمتحني بكلشي بس لا بأهلي هذول عزيزين گلبي هذولي افدي روحي الخاطرهم تمره والله لو روحي اكدر انطيها اله ويرجع جمانه انطيهيا والله ماكدر ومادري شبيدي صرت لا حول ولاقوة صرت انتظره يعطف علينه ويرجعها وطلب رقم جبير الحمدلله لمن جمعنه فلوسنه يادوب كبن والحمدلله مداينه ولا نجبرنه نبيع البيت ولو انجبرنه نبيعه ولا منيه احد وميغلى على جمانه يروح يت يجن عشره ولا علمود الفلوس ضايج لا وبالله بس ضايج لان مسكدر ياخذ حقه مني وسروح يغدرني بأهلي مثل الجمل ينتظر فرصه علمود سنتقم من حقده وكرهة ومينسى وياريت انتقم مني وكاتلني ولا متقرب الوواحد من اهلي