روايه: الجريمه والعذاب

بارت الأول

#روايه_الجريمه_والعذاب

جرحٌ في ظهر الخيل تحت السرج مُتداري
لا الخيل تشكي ولا الخيال دَاري ..

الي قارين هل بارتات بس صوتوا حبايبي
.............

كاعده بل مطبخ اثرم واخدم مرت اخوي الجبير الي يسمو سند ، وجنت افكر بحياتي الي نهدمت بعد مرض ابويه بالسرطان ومطول غير تسع اشهر وتوفى ومن بعدها انتكاس امي من قهرها على ابويه واخواني الي مدايرين بال علينه وملتهين بنسوانهم

اله واحد منهم وهذا جان ملتهي بل بوگ والسرقه والنهب والشرب ويضحك على بنات الناس وميفكر بعدها حيجي يوم والله يطلعها باخته او بامه او بمرته او ببناته الي مالهن ذنب هوه ابوهن او زوجهن او اخوهن او ابنهن

جنت دافكر واني داثرم البصل وعيني جانت تبجي مـادري اذا جان من البصل او من قهري ، اني ابد ممتعاجزه من الشغل بس كاسره خاطري نفسي اخدم بيت اخواني ونسوانهم مدندشات بل ذهب ومكملات دراسه وعايشات حياتهن وفوك كل هذا خدامه ببلاش وميصير نحجي اذا نحجي تنكلب علينا

هذا جان وضعي كل مره وكل يوميه مجنت اعرف شنو مصيري اهم شي عندي هيه امي وصحتها الي صارت بل نازل بعد مرض ووفاه ابويه الي اخذته عن حب الصغر والي جنت عايشه بضله شكد مجان قاسي مجان ينطي بيه كدام احد حتى اخواني بس جان دائما يضرب بمكان ميريده يبين علمود اخواني ميستقون عليه الله يرحمه <اذكروت محاسن موتاكم >

ماكدر اذكر الشغلات الي جانت تصير ويايه ويه ابويه محالل وموهوب
بس جان هوه سبب ضعف شخصيتي الي اني بيها هسه ماكدر احجي اي كلمه والي يريدوا اني اكلهم تم بدون نقاش ولو كان بسيط
فزيت من صفنتي على ضربه بايدي

رفعت راسي شفت مره اخوني عباس ايمان مره اخويه الجبير هه ، وهي تكول

ايمان: بت النعال صارلج ساعه تثرمين بهل بصل اهلي بل طريق شأوكلهم بت الفگر صارلج ساعه تثرمين واني داشوف تاليها وياج اصبريلي

فجأة بدون سابق انذار ضربت نفسها وكفشت شعرها وكامت تعيط وهيه تكول

ايمان: لججج رولان عوفينيي شسويتتلللجج يبوووو الحكولييي ييممهههههه الحكولييي

ضليت مفهيه هاي شبيها ومن الصدمه وكعت السچينه وكمت ابجي بعد ماسمعت اخويه عباس اجه يركض ويكلها

عباس: شبيجج ايماني شبيج شصار

ايمان: اختك جنت داريد اساعدها بل طبخ كتلها رولاني خلي اساعدج بشي ماريد ابقى كاعده واذا تريدين روحي رتاحي وردت اطلعلها فواكه شو ماشوف غير هجمت عليه وكامت تضرب وتكول كله منكم حرمتوني من حبيبي وماعرف كامت شتكول واني ماعرف شتقصدك ، حبيبي تعرفني شكد احب رولان ليش هيج ويايه هي

ماشوف غير سحلني من حجابي وطلع شعري وهوه كامشه
بكل قوه وطببني للمخرن كام يضرب ويكول