اسكريبت قديم بس بحبه.💚
_ عارفين لما تكونوا تايهين وسايبين الحياة تمشيكم علي هواها ! مكنتش راضية عن حياتي أبدًا ، عمري بيضيع في اللاشيء ، علاقتي بربنا أكاد أقول إنها بتنهار ، حاولت كتير أدور علي سبب اللي أنا فيه ده ومش لاقيه ، أو يمكن أنا عارفة السبب وبكابر ، أتعرض عليا أروح لدكتور نفسي بس أنا شايفة إنّ محدش هيطلعني من اللي أنا فيه ده غير نفسي.
_ يونس ليه حياتي كل يوم بتنهار بالشكل ده ، كل أما أخرج من ابتلاء ربنا يبتليني بحاجة أقوي ترجعني للصفر تاني ليه!
= لازم تعرفي يحبيبي إننا جينا الدُنيا دي عشان نُبتلي ربنا جعل الدُنيا دي دار ابتلاء واختبار ، وليست دار راحة وطمأنينة ، بس للأسف إحنا بنتعامل مع الإبتلاء ده علي أساس إنّ ربنا غضبان مننا أو من الذنوب اللي عملناها ونفضل نسخط ونحزن وننسي ربنا وننسي إن الإبتلاء نعمة مش نقمة وإنّ ربنا إذا أحبّ عبدًا ابتلاه.
_ بس الإبتلاء صعب أوي وأنا مش هقدر استحمله !
= نسيتي آية " لا يُكلف الله نفسًا إلا وسعها" ربنا مبيحملش عباده طاقة هما مش قدها ، إحنا بنقول مش هتعدي ، وصعب ومعرفش إيه بس في الحقيقة كله بيعدي " سيجعل الله بعد عُسرٍ يُسرًا " ، لازم نرضي ونقول الحمدلله ومتنسيش إنّ ربنا إذا أحب عبدًا صب عليه البلاء صبًا بل زاده ، فإذا دعاه العبد وقال رباه . قال له الله عز وجل : "لبيك يا عبدي لا تسألني شيئًا إلا أعطيتك . أما أعجله لك في الدنيا ، وأما أدخره لك في الآخرة".
_ المشكلة إني عارفة كل الكلام ده ، ومستغربه من ردة فعلي والله ، بعدت عن ربنا يا يونس ، بصلي بس مش بخشوع ، القُرءان بقرأ بعيني بس ، حياة مُملة مش حاسة بأي حاجة غير إني طاقتي بتخلص كل يوم .
= ربنا خلقنا بالفطرة كده نزعل علي أيّ حاجة بتروح مننا ، أو حاجة كُنا بنتمناها ومتحققتش ، وممكن بسبب ده نبعد عن ربنا وعن العبادات ونحس إنّ كل حاجة تقيلة علي قلبنا ، والمفروض يحصل العكس وهو إننا نلجأ لربنا في وقت المِحنة دي ، ربنا غفور رحيم بس استغفري وقولي الحمدلله ، لعله خير يحبيبي ، ربنا أكيد هيعوضك خير .
_ الحمدلله ، ممكن تاخد بإيدي عشان حاسة إني تايهه ومش عارفة أعمل أيّ حاجة ، أنت الوحيد اللي بقيلي في الدُنيا دي بعد موت بابا وماما ، أوعي تخذلني وتسبني أنت كمان!
= أنا مستحيل أتخلي عنك ، مفيش حاجة هتبعدني عنك أبدًا ، ربنا يرحمهم أكيد هما في مكان أحسن من هنا بكتير ، يلا يستي هاتي إيدك وتعالي نصلي القيام ، قال اسيبك قال هابلة أنتِ!
_ تعرف أنا لو هشحت مبحبش قدك ، آخر مرة صليت القيام من إسبوع تقريبًا فات كتير أوي!..
= مهو عشان أنتِ مهزءة أنتِ إيه ؟
_ طب يا عم خلاص عرفت إني مهزءة وسع كده خليني أتوضي ، هرمونات الساعة 12 دي غريبة جدًا.
_ أتوضينا وصلينا ومش عارفة يعني أنا عملت إيه في حياتي عشان ربنا يرزقني بزوج كل حاجة فيه تتحب بالشكل ده ، صوته مُميز ، أنا بصلي وبعيط من تلاوته ، عاقل ، بيعاملني بما يُرضي الله في كل حاجة ، لو حصل مُشكلة حتي لو أنا اللي غلطانة بيراضيني ، زوج ولا في الأحلام يبلاش بربع جنيه.
أنت تقرأ
اسكربتات ᥫ᭡
Short Story"دار الكتابه" 《دا اسم جروب على الفيس عليه كُتاب معروفين وفي مُبتدئين بس حقيقي كُل الاسكربتات جميله جدا، فحبيت اجمعهم هنا 》♡.
