اسكربتات ᥫ᭡

عزة العمرووسي♡.

" بس دي أخلاقها مش كويسة! "

واحد سأل صاحبي عن بنت عاوز يخطبها وانا كنت واقف معاه وقتها وكنت عارف البنت دي، كانت معايا في الجامعة والحقيقة مكنتش كويسة خالص، سيرتها كانت على كل لسان وبين كل الشباب وكل واحد بيحكي للتاني إنه كان بيكملها.

حرفيًا كانت مقضياها مع الشباب حب وخروج، لكن لما العريس سأل عليها حسيت لساني اتربط، حاجة منعتني أتكلم عنها بسوء،
افتكرت إن عندي بنات فسكت، ولما صاحبي قاله: معرفهاش.

لاقيتني برد وأقوله: محترمة وكويسة وأهلها ناس كويسين.

معرفش ليه قولت كدا، لساني نطق لوحده وكنت حاسس بالذنب وقت طويل بسبب إني مقولتش الحقيقة.

بقيت كل ما أشوف الشاب ده في مكان اتهرب منه، وكان بيراودني شعور إني اسأله أتجوزها ولا لا.

لحد لما قابلته صدفة السنة اللي فاتت في رمضان في الحرم المكي هو وزوجته، زوجته كانت منتقبة!!

معرفتهاش!

شديته على جنب وسألته عن البنت اللي سألني عليها، قالي ما هي قدامك أهي يابني؟ بقت مراتي انتقبت بعد الجواز.

وكمل كلامه وقالي رد صدمني:

أنا مطلعة العمرة دي عشان ختمت القرآن الكريم! ♥

بصيت للسماء وكل اللي في بالي:

لو ذُكر أمامك عيب فلان قل عفا الله عنا وعنه واصمت فليس بينك وبينه سوى الستر ♥

#حدث_بالفعل