مر اسبوعان كاملان على اختفاءها كان يشعر بالانهيار في بعدها عنه بحث عنها في ارجاء المعمورة وضع المنشورات في الشارع لصورها والمنشورات على مواقع التواصل الاجتماعي اخبر الناس ان من يجدها سيعطيه مليون جنيه فعل كل ما يمكن فعله ولكن بلا جدوى حتى رن جرس هاتفه
" الو "
ضحك نادر " تصدق وحشني صوتك "
" انت مين!! " تحدث ممدوح
" مش مهم تعرف انا مين " تحدث بسخرية ثم تابع " بنتك معايا "
" فريدة!!..سمعني صوتها!..عايز مني ايه ملكش دعوة بيها كلامك يبقى معايا انا "
" الحقني يا بابا " صرخت بقوة وهى تبكي " عايز يقتلني يا بابا الحقني انا مخطوفة عايزة اروح وحشتني اوي " تحدثت بانهيار
" عايز ايه قولي المبلغ الي انت عايزه وهدفعولك ونبي ما تيجي جمبها انا مليش غيرها ونبي " تحدث بقهر وقلبه يكاد يقف من الرعب ضحك نادر بقوة واغلق الهاتف
" جدعة "
ابتسمت بحزن " كان خايف عليا اوي..صوته قطع قلبي كان بيعيط "
حاول اخفاء سعادته كان يتمنى ولو يخبرها انه يتلذذ بتعذيبه نفسيا ولكنه قرر تحترام مشاعرها وصمت تماما
ذهبت وغسلت وجهها بالمياه تنهدت واغمضت عيناها قليلا ثم عادت اليه
" هو انت يعني كنت بتحب روان اوي كدة.."
" ايه السؤال الغريب ده؟ "
" يعني بسأل.. اصل عمري ما شوفت راجل بيحب مراته اوي كدة " تحدثت بحرج
" عشان هى مكانتش مجرد واحدة متجوزها كدة وخلاص دي كل حاجة في حياتي من يوم ما وعيت على الدنيا قولتلك قبل كدة "
" انا محبتش قبل كدة ولا ارتبطت على فكرة " تحدثت بتوتر
" ماشي " تحدث بلامبالاة
" ماشي؟ "
" مش فاهم مستنية ايه؟ "
" يعني بفتح معاك كلام ما هو مش معقول وشنا في وش بعض بقالنا اسبوعين ومش بنرغي! "
" وانا ارغي معاكي ليه!؟ " تحدث بذهول
" يا سيدي نسلي بعض كلها اسبوعين ومش هتشوف وشي تاني " تحدثت بضيق
" نفسي مشوفهوش النهاردة قبل بكرة " تحدث بكره
شعرت بغصة في قلبها ونظرت اليه وتحدثت بحرج " شكرا..انا هريحك خالص ومش هطلع من الاوضة " ادمعت عيناها وهمت لتدلف للداخل فأمسك بمعصمها وتنهد
" انا اسف متزعليش..مكنتش اقصد حتة بس ان هو ابوكي مضايقاني "
" طب انا ذنبي ايه يعني ما انا بحاول اساعدك اهو عشان مبقاش وحشة زيه " بكت بقوة
وضع يده على رأسه" خلاص انا اسف متزعليش والله ما كنت اقصد " تحدث بندم
" لا تقصد الكلام الي بيطلع من غير تفكير ده بيبقى اكتر كلام حقيقي بس عندك حق انا لو مكانك هبقى قرفانة ابص لبنت الشخص الي قتل مراتي "
