كريم: بص بقا يسيدى
عبدالله: ها
كريم : مصطفى ورا كل دا
عبدالله: انت بتقول اي .. ازاي مش فاهم
كريم: والله زي ما بقولك كده حتى هو اللى زقنى عليك علشان يخلص منك
عبدالله: يخلص مني انا؟ ليي هو مش خلاص خد اللي هو عايزه عايز مني اي تاني
كريم : ماهو بعد م انت هروحت عشان تهرب فرح هو كان متفق معايا اخلص عليك لكن والله غصب عني
عبدالله : طب وانت هتستفيد اي وغصب عنك ازاي يعني
كريم : مش هستفيد حاجة انا أهلي هما اللي هيجوا ف الرجلين .. ماهو مصطفي هددني انه يخلص علي اهلي لو انا معملتش اللي يقولي عليه
عبدالله :طب هو عرف مكاننا ازاى
كريم: انا سمعته وهو بيتكلم فى التليفون لما فرح هربت اول مرة قبل ما انت تيجى اصلا لحقها قدام باب الشقة وحاول يصالحها وجابلها سلسلة
احمد: طب واى علاقة دة بالموضوع انت هتحور
كريم: ابداً والله هكملك
احمد: اتفضل لما نشوف اخرتها
كريم: السلسلة دى فيها Gps عرف لما اتحركتوا من مكانكم وخلانى مشيت وراكم وعرفت مكانكم ووقعت بينك وبين صاحبك وحصل اللى حصل
عبدالله غاضباً: وكنت عايز تموتنى انا كمان
كريم: استنى بس نزل ايدك .. انا عبد المأمور معرفتش اقوله لا ومقدرتش اعمل غير اللى قالى عليه
عبدالله: دا انا هشرب من دمه
كريم: لا ارجوك هيموتنى لو عرف
عبدالله : لازم اخد حقى
كريم: لا لا ارجوك ده شرانى ويقتلنى ارجوك بلاش
احمد: طب روح انت دلوقتى ولو عرفت ان ليك يد فى اى حاجة ضد عبدالله تانى هموتك انا وهتكون نهايتك علي ايدي انا مش هو
كريم: حاضر ... بس فيه مشكلة
احمد : مشكلة اي كمان
كريم : اقوله اى لو سألنى
احمد: اسمعنى كويس...
كريم : هاا
من ناحية اخرى
ملاك لنفسها: وبعدين بقا احمد مش بيرد عليا ولا عبدالله اعمل اي.. وبعدين انا مالى اصلا شاغلنى فى اى بس عبدالله انقذنى مرة بس انا رديتها لما دفعت الفلوس بس برضو واجب اقف جمبهم انا هجرب اتصل تانى
"اتصلت ملاك ب احمد"
احمد : الو ايوة ياملاك
ملاك : اي يبنى عملت اي
احمد : شوية وهكلمك افهمك كل حاجة
ملاك : طب ماشى
"بعد دقائق ذهب كريم إلى مصطفى وخرج احمد وعبدالله إلى السيارة"
كريم: مصطفى باشا
مصطفى: ها عملت اي
كريم: بص انا كنت هتكشف بس ربنا ستر وهربت قبل محد يعرف
مصطفى بغضب: انت غبى ومش...
كريم مقاطعاً: بس خليته مدمن وكرهته فى فرح متقلقش وبعدين لو قتلته ممكن فرح تكرهك متنساش انها كانت بتحبه انا عملته اللى قولتلى عليه ومش مصلحتنا قتله وفكر فيها
مصطفى: انت كمان هتقولي اعمل اي ومعملش اي
كريم : لا مقصدتش والله بس
مصطفي مقاطعًا : طب اخفى من قدامى دلوقتي
كريم: حاضر
مصطفى لنفسه: الواد دة بيتكلم صح طالما خلاص بعد عننا خلاص مش مصلحتنا قتله
"سمع كريم حديث مصطفى لنفسه وقام بالاتصال بعبدالله"
عبدالله: ها عملت اي
كريم: كل اللى اتفقنا عليه تمام
عبدالله: طب كويس جداً اتمنى متحاولش تتعرضلي تانى اتفقنا
كريم: اكيد طبعاً واسف كمان مرة بس والله غصب عني حقك عليا ربنا سترها برضو ومحصلش حاجة
عبدالله: خلاص مفيش مشكلة الحمدلله ربنا سترها
كريم : الحمدلله يلا هقفل انا مع السلامة
عبدالله : سلام
احمد: ها طمنى
عبدالله: حصل اللى احنا عايزينه
احمد: طب كويس محدش كشفه يعني
عبدالله : لا عدت علي خير
احمد : طيب الحمدلله
عبدالله: انا اسف يصاحبى انى شكيت فيك حقك عليا
احمد: خلاص يصاحبى حصل خير
عبدالله: حقيقى انا اسف بجد
احمد: خلاص بقا يعم مش زعلان متكبرش الموضوع
عبدالله : لا انا غلطان ومعرفش عملت كده ازاي ولي بس والله ملقيتش حل قدامي غير كده اصل محدش كان عارف المكان غيرك انت مشيت من هنا وهو دخل من هنا يعني كل حاجة كانت متخططة صح
احمد : انا عارف عشان كده مزعلتش منك وبعدين مقدرش ازعل منك يصاحبي ده احنا عشرة عمر مش موقف اللي هيخسرنا بعض برضو
عبدالله: طب الحمدلله اهم حاجة انك مش زعلا ن خلاص
احمد : لا يعم مش زعلان
عبدالله : صحيح قولي انت عرفت مكانى ازاى
احمد: ياااه دى حكاية طويلة
عبدالله: طب استني نجيب حاجة نشربها ونقعد نرغي شوية ع الكرنيش وحشتني القعدة والله
احمد :طيب تعالي نجيب من هنا
أنت تقرأ
أبدلني الله حورية
Spiritualلم يكن ملتزما ولا محبَا لصلاته ، ولم يراعي الله في عباداته. فرآها فجذبت قلبه بعفافها وقلبها الحنون. فهل يجتمعان أم للقدر رأي أخر؟!
