*و إنّي اراها بعين قلبي جنّة .. فهي التي بها مّر الحياة يطيبُ*.
عبدالله : طب اتوكلي علي الله بدل م اقوم اخبطك ف الدولاب
فاطمة : بقولك طلقني
عبدالله : حاضر لما اصحى
فاطمة : لا دلوقتي
عبدالله : الساعة كام دلوقتي
فاطمة : الساعة ٧
عبدالله : ٧ الصبح
فاطمة : ايوووة
عبدالله : حاضر اول م اصحى هطلقك اديني ساعة كمان وهطلقك
فاطمة : لا دلوقتي مليش دعوة
عبدالله : حد يطلق حد الساعة ٧ الصبح
فاطمة : اومال امتى
عبدالله : عيب الناس تقول علينا اي
فاطمة : ناس مين وبعدين يقولوا اللي يقولوه انا عايزة اطلق مليش دعوة
عبدالله : ربنا يصلح حالك سيبيني انام
فاطمة : طب لما تصحى هتطلقني
عبدالله : ايوة
فاطمة : متأكد
عبدالله : ااه متأكد جداا
فاطمة : طب امتى
عبدالله : شوية كده لما اصحى تكون المحكمة فتحت سبيني انام دلوقتي
فاطمة : ماشي لما نشوف
" مر بعض الوقت وعادت تصيح فوق رأسه"
فاطمة : لاااا انا مش قادرة استنى طلقني بقا
عبدالله : يوووه بقاا مفيهاش نومة هي انا عارف... قريتي الاذكار
فاطمة : ااه وخلصت الورد بتاعي برضو
عبدالله : لا ده انتي فضيتي خالص بقا استعنت علي الشقى بالله
فاطمة: اي هتعمل اييي
عبدالله : هوريكي هعمل ايي
فاطمة : انزل من فوق السرير نتكلم بالعقل انت خطوة وهتلمس المروحة انزل
عبدالله : طب وسعي كده
فاطمة : هتطلقني طيب !
عبدالله : ينهااار ابيييييييض
فاطمة : في ايي
عبدالله : اي الحلاوة ديي
فاطمة بخجل : حلاوة اي
عبدالله : الفيو وراكي تحفة بصي بصي كده
فاطمة بغضب : انت عاجبك الجو طب انزل اتفضل
" وهمّت بالرحيل فشد ذراعها مداعبًا"
عبدالله : استني بس بهزر معاكي
فاطمة : ممممم طيب
عبدالله : اي بس القمر ده.. هو في قمر يطلع ف النهار كده
فاطمة : مش انا طلعت
عبدالله : ااه
فاطمة : يبقى فيه
عبدالله : ههههه واحلى من القمر كمان
فاطمة : اه منا عارفة
عبدالله : طب بعيدا عن التناكة دي قوليلي انتي كنتي زعلانة من شوية بقا ليي وعامبة قلق وشغالة طلقني طلقني زي البغبغان
فاطمة : ااه فكرتني انت نسيت يا استاذ الاتفاق بتاعنا
عبدالله : اتفاق اي
فاطمة : انت قولتلي اول م نيجي هنا هتجيبلي قنوات الكرتون بتوعي ونا صدقت وفجأة بفتح التليفزيون لقيت قنوان مسلسلات وحاجات من دييي هااا انت كنت بتضحك عليا
عبدالله : استني استني هو مين قالك اني جبتلك الكرتون ع التلفزيون
فاطمة : اومال اي
عبدالله : امسكي يست البنات التليفون كله كرتون محمل ٣ جيجا كرتون عشان تتبسطي
فاطمة : اي ده بجد
عبدالله : طبعا اومال اي
فاطمة : خلاص انت كده براءة هههه
عبدالله : طيب الحمدلله هههه ... اسكتي يبت ده انا جايبلك كرتون انما اي حلو وممتع بيتكلم عن الراجل اللي دبح مراته عشان مش بتسمع كلامه
فاطمة : ايييييي انت بتقول اييي
عبدالله : بهزر معاكي
فاطمة : طب وريني وريني
عبدالله : اهو ع التليفون بصي كده
فاطمة : هاا يلا نسمع
أنت تقرأ
أبدلني الله حورية
روحانياتلم يكن ملتزما ولا محبَا لصلاته ، ولم يراعي الله في عباداته. فرآها فجذبت قلبه بعفافها وقلبها الحنون. فهل يجتمعان أم للقدر رأي أخر؟!
