أبدلني الله حورية

الفصل الثالث والثلاثين

*الكذب لا يخفي الحقيقة إنما يؤجل انكشافها*

احمد : لوسمحت خلي فاطمة تيجي عشان يبقى الكلام قدامها
فاطمة : بلبس النقاب وجاية اهو

"حضرتك فاطمة وكانت متفاجئة من المنظر"

احمد : دول سبب طلاقك انتي وعبدالله
فاطمة :ايي
البنت : انا هفهمك والله بس بلاش السجن
فاطمة : تفهميني اييي
هاشم : استني يبنتي خلينا نفهم
فاطمة : حاضر
البنت : بصي يا استاذة انا في واحد كلمني واداني فلوس وقالي روحي المكان اللي فيه شقة جوز حضرتك وقالي انا هكمل الباقي بعدين جيت وعملت اللي انتي شوفتيه وبعدين مشيت علي طول

فاطمة : بس عرف ازاي ان صاحب عبدالله مشي منها

الولد : انا هفهمك هو فضل ورا عبدالله لحد م عرف ان عنده شقة وصاحبه فيها وحوارات كتير و اتفق معايا علي الشقة اللي صاحب عبدالله يروح يقعد فيها عشان يعرف يكمل الخطة بتاعته ونا كنت مأجر الشقة من واحد ومشيت قبلها ب فترة عشان ميشكش فيا بس صاحب الشقة قال انه هيجي بعد فترة لكن هو جه فجأة كده و هو ده اللي حصل

احمد : عشان ربنا يفضحكم ويبين لعبتكم القذرة دي
الولد : احنا ملناش ذنب والله
احمد : ملكمش ذنب ! اصبر بس انت مش كفاية الضرب اللي اخدته ده هحبسك
الولد : ارجووك لا
احمد : اقسم أبدًا
فاطمة : يعني عبدالله مكانش بيخونني
احمد : منا قولتلك لا
هاشم :الحمدلله ظهرت الحقيقة

" اتصل احمد بالشرطة وتم نقلهم للسجن للتحقيق في القضايا وجلس احمد و أروى يكملان الكلام معهم "

هاشم : بس انت عرفت كل ده ازاي

احمد : اروى حكتلي انهم شافوا البنت دي وشوفت صورتها دورتها ف دماغي وعرفت اجيبها واجيب الواد اللي معاها وكمان عرفت مين ورا الموضوع كله بمساعدة واحد صاحبي ف المخابرات واتضح كمان ان عليهم قضايا سابقة نصب وسرقة بقا و موال

هاشم : طب الحمدلله ان عبدالله برئ
فاطمة : مين اللي ورا الموضوع مين مين
احمد : الولد اللي عبدالله ضربه ف الجامعة فكراه
فاطمة : ااااه بقى هي كده
احمد : متقلقيش ده كمان هيتقبض عليه
فاطمة : يستاهل
احمد : المهم انك عرفتي ان عبدالله ملهوش ذنب
فاطمة بحزن : ااه
هاشم : طب ايي هتروحي تعتذريله طبعًا
فاطمة : ايوة ي بابا طبعًا إن بعض الظن إثم ربنا يسامحني وهو كمان يسامحني
هاشم : احنا لازم نروحله
احمد : ماهو .. ماهو.... فهم كل حاجة بس للأسف مش راضي يرجع ل فاطمة
فاطمة بحزن : ده حقه خلاص مش مهم اكيد ف بعدنا خير
احمد : بس انا مش هسكت
فاطمة : متحاولش يا احمد
احمد : يستي ملكيش دعوة

*لكل داءٍ دواء يستطب به ، إلا العشق اعيىَ من يدوايه*

" بعد ساعات"
عبدالله : احمد !! انت بتعمل اي هنا
احمد : لا مفيش جاي اقعد معاك شوية
عبدالله : ومين اللي معاك ده
احمد : لا ده المأزون متشغلش بالك
عبدالله : انت عبيط يبني مأزون مين انت هتتجوز علي اروى ولا اي هههه
احمد : ااه هتجوز عليها اتفضل يا مولانا
عبدالله : وكمان عم هاشم وسليم اي ده مين دي وفاطمة كمان اهلا وسهلا في اي بقا
احمد : شكلك مش ناوي تيجي بالأدب لازم اتصرف تصرف تاني
عبدالله : انت بتقول اي
احمد : عم هاشم ، سليم ، انت كمان ي مولانا اتفضلوا برا ثواني عاوزكم