عبدالله:ده نصاب وحرامي هو و أبوه
أحمد :مش فاهمك فهمني كويس
عبدالله : دا مصطفي ابن صاحب الشركه اللي كان السبب في ضياع شغل ابويا
احمد: ااه يا ابن النصابه لعبها صح الواد دا
عبدالله: يلا معلش مصيره يتربي
احمد: متزعلش نفسك يصحبي بكرا تاخد الاحسن منها
عبدالله: علي الله بقا
احمد : طيب خلاص فكك بقا
عبدالله: طب انا ماشي عايز حاجه
احمد: سلامتك يصاحبي
"وبعد الوداع أتجه كلا منهما في طريقه صادف عبدالله حادث كان يودي بحياه امراه جميله"
عبدالله: انتي كويسة ي انسه
البنت: شكرا جدا ي.......
عبدالله: عبدالله اسمي عبدالله
البنت : شكرا ي عبدالله
عبدالله : وتكاد القلوب تخرج من عينيه محلقة في السماء : لا شكر علي واجب انتي كويسه ي انسه
البنت: اه الحمد لله
عبدالله: محتاجه حاجه اوصلك
البنت: لا متشكره خالص
عبدالله: بجد والله
البنت : لا شكرا جدا عن إذنك
عبدالله : تمام اتفضلي
"بعد ان انصرفت عنه بخطوات وركبت التاكسي"
عبدالله: ياااا........ ي انسه....... انتي ي استاذة .. ي ست انتي
"ولكن غادرت السياره"
عبدالله: طب وبعدين هعمل اي في الشنطه دي ..؟ طب افتحها ولا اي.. لا يمكن يكون فيها حاجه خاصه هي ناقصة بقاا استغفر الله العظيم
"بدت الحيره علي وجهه ولكن رن هاتف في الحقيبه"
عبدالله في تردد: ارد ولا لا... لا هرد بقي وخلاص
عبدالله:. السلام عليكم
المتصل: وعليكم السلام استاذ عبدالله معايا
عبدالله: ايوا حضرتك مين
المتصل: انا صاحبه التليفون والشنطة حضرتك انا نسيت....
عبدالله مقاطعا: ايوا ايوا انا فضلت انادي عليكي كتتتير بس انتي مردتيش
البنت: مسمعتش متاسفه كنت مستعجلة ف مشيت بسرعة
عبدالله: طب شوفي حضرتك هنتقابل فين عشان تاخديها
البنت: لا انا هبعت اخويا ياخدها
عبدالله في صوت خافت: اخوكي اي ده كمان انا عايزك تيجي انتي
البنت: الووو... الووو حضرتك سامعني
عبدالله: اه سامعك هو هيجي امتي
البنت: بكره ان شاء الله
عبدالله: طب ممكن تديله رقمي نتواصل
البنت: حاضر
"جاء المساء ولا يزال عبد الله يفكر في حل ليراها وكان قلبه قد تعلق بها كالطفل"
عبدالله محدثا نفسه: هي جميله ومحترمه اوى..... ايه ي عبدالله انت سرحت ولا اي. مالك كدا اهدي دا انا حتي معرفش اسمها ولا بيتها ولا فاضيلها اصلا اي اللي انا بقوله ده
"جاء الصباح ورن هاتف البنت مره اخري لكن هذه المره لم تكون هي بل كان .......... "
المتصل: الو ايوا ي حبيبتي بكلمك من امبارح انتي فين ووحشتيني جدا برضو من هتديني ريق ي حلو ياااا...
عبدالله مقاطعا: حبيبتك!! انت مين
المتصل: ايه ده انت اللى مين
"اغلق الهاتف في وجه عبدالله بسرعه"
عبدالله: الو.. الووو
عبدالله في حيره: اهي طلعت مخطوبة ... بس مكانتش لابسة دبلة .. معقول تكون مخطوبه.. بس هو خطيبها هيخاف ويقفل السكه ليه... معقول تكون مش محترمه؟؟ وبعدين انا مالي انا هستني اخوها يجي ياخد الفون وخلاص انا مالي اصلا .
أنت تقرأ
أبدلني الله حورية
Espiritualلم يكن ملتزما ولا محبَا لصلاته ، ولم يراعي الله في عباداته. فرآها فجذبت قلبه بعفافها وقلبها الحنون. فهل يجتمعان أم للقدر رأي أخر؟!
