أبدلني الله حورية

الفصل الخامس عشر

*وتشرق الشمس من جديد لعلها بداية الفلاح والفرحة*

عبدالله : اي ده كله
علي : ايي !!
عبدالله : اي كل الكتب دي
علي : دي كتب تفسر وحاديث وقران كله ديني يعني وكده
عبدالله : مش بتزهق من ده كله
علي : لا خالص بالعكس ازهق من اي
عبدالله : يعني من كتر الاحكام والكتب دي بحسها مملة
علي :  مملة!؟ لا دي حلوة خالص بتعرف امور دينك ولو تعيش معاها كمان ياه
عبدالله : ااه طب كويس
علي : امسك كده الكتاب ده
عبدالله : مش بحب اقرأ
علي : يعم امسك بس هتحبه انا متأكد

" بعد دقائق"
" حبيبة تُنادي علي زوجها مِرارا ولكن لم يسمعها "
عبدالله : يبني في واحده بتنادي عليك
علي : ااه دي مراتي انا قايم اهو
حبيبة : مش انا من بدري بنادي عليك
علي : معلش مسمعتش كنت مندمج مع الكتاب
حبيبة : ولا يهمك يحبيبي اتفضل بألف هنا وشفا
علي : الله يهنيكي يا حببتي

" عاد علي إلي عبدالله "
علي : يلا تعالي بسم الله
عبدالله : تعبت نفسك والله وتعبتها معاك
علي : يعم تعبك راحة اهم حاجه اكرام الضيف
عبدالله : الله يكرم اصلك يغالي
علي : تعالى كده هناكل وتحكيلي عن نفسك كده شوية
عبدالله : ماشي يسيدي
علي : يلا احكي سامعك اهو
عبدالله : بص يسيدي طبعا انا كنت بحب واحده اسمها فرح
علي : دي غير اللي حكيلتي عنها ولا هي
عبدالله : لالا دي غيرها
علي : مممم كمل
عبدالله : المهم يعني حبيتها وكنت هتقدملها بس هي اختارت الفلوس وباعتني
علي : مكانتش من نصيبك الحمدلله .. كمل
عبدالله : الحمدلله .. بس يسيدي بعدين اتعرفت علي ملاك دي وبرضو كنت خلاص جهزت الشقة بس مش كل حاجة فيها يعني كانت خلصت شوية واتعينت ف شركة محترمة وبعدين هي اتوفت و صاحبي اهو زي م انت شايف والدنيا بدأت تتقفل ف وشي تاني
علي : متقولش تتقفل
عبدالله : مش فاهمك
علي : بداية طريقك لسه مبدأتش كل اللي فات ربنا قفل ف وشك الابواب دي عشان تقرب منه
عبدالله : فعلا .. انا كنت تايه خالص
علي : ودلوقتي
عبدالله : مش عارف
علي : دلوقتي هنفتح صفحة جديدة مع ربنا
عبدالله : هيقبلني !
علي : طبعا
عبدالله : ازاي
علي : هساعدك
عبدالله : متشكر جدا
علي : الشكر لله احنا خلاص بقينا اخوات واصحاب
عبدالله : طبعا
علي : مش عارف والله ازاي كده يعني انا ارتحتلك من اول م شوفتك مع اني مش طبيعتي
عبدالله : مش طبيعتك اي
علي : مش طبيعتي اتعرف علي حد
عبدالله : منعزل يعني
علي : لا مش بالظبط .... يعني بحب اقعد مع نفسي واختلي كده واقعد مع ربنا كتير مش بحب اقعد مع البشر كتير
عبدالله : اي يعم انت هتخوفني منك هههه
علي : لالا متخافش هههه ده انا زي الفل
عبدالله : طبعا اومال
علي : طب يلا كمل اكل عشان ننام ونصحي نصلي قيام الليل والفجر
عبدالله : قيام الليل
علي : اه قيام ليل انت متعرفهوش ولا اي
عبدالله : لا مصليتهوش قبل كده
علي : ده جميل جداا جداا جدااا
عبدالله : بجد والله
علي : اه طبعا تعالي اقولك سر
عبدالله : قول
علي بصوت منخفض : بيحقق المعجزات
عبدالله : يااااه للدرجة دي
علي : تعرف ان قيام الليل جوزني الانسانه اللي بحبها !! وكرمني ف شغلي وف حياتي كلها كمان
عبدالله : ياااه كل ده
علي : والله يصاحبي زي م بقولك كده واكتر كمان
عبدالله بحزن : يعني هيشفي صاحبي !؟
علي : يعم ااه والله هيشفيه انا واثق ف ربنا
عبدالله : يارب يشفيه
علي : يارب