أبدلني الله حورية

الفصل الثالث عشر

* وطرق الحزن علي باب قلبه المُهشم ولم ينتبه علي تلك الندبات والخدوش بداخله*

الدكتور : اصل احمد.......
عبدالله : ماله احمد
الدكتور : اهدي طيب وهقولك
عبدالله : بالله عليك ي دكتور قولي فيه اي قلبي هيقف
الدكتور : اهدى طيب وصلي ع النبي
عبدالله : عليه افضل الصلاة والسلام
الدكتور : انت عارف ان ربنا مش بيجيب حاجة وحشة
عبدالله : ونعم بالله طبعا
الدكتور : يبقى كل اللي يجيبه اكيد فيه خير حتى لو مش هيرضينا
عبدالله بحزن : ايوة
الدكتور : من غير لف ولا دوران كتير عايزك تستحمل وترضى بقضاء الله
عبدالله : ونعم بالله يدكتور فيه اي طيب
الدكتور : احمد دخل ف غيبوبة
عبدالله : دخل ف غيبوبة؟!!
الدكتور : ايوة ...كنت بناديلك من بدري تلحقه لكن انت اتأخرت
عبدالله : الحقه !! الحقه ازاي
الدكتور : هو فاق وبص حواليه واتكلم معايا بتمتمه مش فاهم منها حاجة بعدين .......
عبدالله : بعدين اييييييي !!
الدكتور : بعدين حصل اللي حصل ده
عبدالله صامتًا : ..........
الدكتور : صلي ع النبي انا عارفك راجل وهتستحمل
عبدالله : استحمل اي ولا اي ي دكتور بس
الدكتور : ما ضاقت الا وفرجت افتكر كلامي كويس واهدي ادعيله ربنا يقومه بالسلامة لسه فيه امل متقلقش
عبدالله منهمرًا بالبكاء : هقول لأمه اي دة انا قولتلها انه عند المدير وطالع مش عارف هتستحمل الصدمة ازاي اقولها اي ولا ابوه كمان دة راجل كبير مش هيستحمل الصدمة اعمل اي بس يارب
الدكتور : استهدي بالله بس كل حاجة هتبقي كويسة

" ضم الطبيب عبدالله وكان قلبه حزين ومرتجف لا يقوي علي فعل شئ سوى البكاء"
الدكتور :اهدي وصلي علي النبي قوم صلي وادعيله يلا
عبدالله : اصلي !! ااه ااه هقوم اصلي

"من الناحية الاخرى"
" بينما يتحدثون ويضحكون يرد هاتف مصطفى"
المتصل : صباح الخير يا استاذ مصطفى
مصطفى : صباح النور
المتصل : حضرتك فاضى
مصطفى : ايوة فاضي في حاجة ولا اي
المتصل : حضرتك احنا كنا مستنين صفقة تيجي من باريس
مصطفى : ايوة بالظبط والمفروض توصل نهردة
المتصل : هما بقا بعتولنا انهم مش هيقدروا يبعتوا حاجة غير لما العقد يتوقع
مصطفى : ايوة منا عارف وعشان كده بعتلهم مندوب من الشركة
المتصل : بس اللي حضرتك متعرفهوش انهم رجعوه تاني وقالو ان لازم حضرتك اللي تيجي
مصطفى : هو شغل عيال ولا اي منا اتفقت معاهم وهما وافقو
المتصل : ايوة حضرتك انا كلمتهم وهما قالو انهم بعتوا لحضرتك ان الباند اتغير
مصطفى : ممكن يكونوا بعتوا ونا مشوفتهاش طيب خلاص كلمهم وقولهم هحجز طيارة بالليل وهروح انا وخلاص
المتصل : تمام حضرتك مع السلام

" اغلق الخط وتغير وجه مصطفى"
حسن : اي يبني مالك
مصطفى : والله يعمي لو قصدهم يشلوني مش هيعموا كده دي صفقة باينه من اولها
حسن : طيب اسافر انا مكانك
مصطفى : لالا يعمي متتعبش نفسك انا اللي هسافر وبعدين اصلا انا اللي اتفقت معاهم ف لازم انا اللي اروح يلا حصل خير
حسن : طيب هتسافر بالليل
مصطفى : ايوة ان شاء الله
حسن : طيب تمام ان شاء الله تيجي بالسلامة
فرح بصوت عالي : خدي معاك ي مصطفي بالله عليك
حسن بضحك : هههه تروحي فين يعبيطة هو رايح يصيف !! ده رايح شغل ..انتي هتقعدي عندنا لحد م هو يرجع بالسلامة
مصطفى مقاطعًا : تروح فين يعمي .. ومين قال اي هسيبها
حسن : يعني ايي
مصطفى: هاخدها معايا
حسن : تاخدها معاك ازاي انت رايح شغل مش رايح تتفسح
مصطفى : وفيها اي لما ناخد كام يوم هناك اهو منها نغير جو برضو
حسن : تصدق فكرة حلوة مجاتش ف بالي ..
فرح : روح ياخي الهي تحج ههههه
مصطفى : هههه يارب وبعدين انتي مفكرة هسيبك هنا
فرح : طب الحمدلله فكرتك هتخليني قاعده هنا لوحدي
مصطفى : لا هاخدك يلا قومي حضري الشنط
فرح : حاضر