أبدلني الله حورية

الفصل الثاني عشر

- عبدالله : في اي ي دكتور قلقتني
- الدكتور : بصراحة ي عبدالله صاحبك عنده ورم في المخ وبصراحة كمان امل ضعيف انه يقوم من المرض دة لأن الحالة متأخرة
- عبدالله : ازاي ي دكتور دة عمره م اشتكي من حاجة
- الدكتور : سبحان الله.. دة الحالة متأخرة ازاي مكانش بيتعب طيب او متابع مع دكتور ولا حاجة
- عبدالله : لا خالص ي دكتور والله انا صاحبه من ٢٠ سنة مفيش حاجة خالص عنده وديما بكون معاه مش معقول هيخبي عني حاجة زي كدة
- الدكتور : ادعيله...امر ربنا الحمدلله على كل حال
- عبدالله : الحمدلله
- الدكتور : طيب هستأذن انا عن اذنك
- عبدالله : اتفضل يا دكتور

"ظل عبدالله في حيرة يتساءل ما الذي يحدث له لماذا هو بالذات لماذا حدث كل هذا في وقت واحد وماذا سوف يحدث بعد لا يعرف ماذا يتخطي غياب حبيبته التي كانت ستصبح زوجته ام لأبنائه ام صاحب عمره الذي اهدر عمره لأجله وبينما هو في حيرة يلمح الفتاة ذات الثوب الأسود والنقاب الأسود"
- ويقول في نفسه : هو انا شوفتها فين قبل كدةة ومالها عاملة كدة لي هي حد هياكلها ولا تكون جميله ومدارية جمالها او وحشة ومدارية شكلها ..اسكت اسكت يا عبدالله انت ف اي ولا ف ايي دة انت كمان رايق

"تقترب الفتاة بكل تردد"
- فاطمة : السلام عليكم
- عبدالله : وعليكم السلام
- فاطمة : متعرفش الدكتور مصطفي فين ؟
- عبدالله : ااه دةة لسة ماشي حالا ممكن تسألي الممرضة اللي هناك دي
- فاطمة : شكرا خالص
- عبدالله : أأأأ يياا استاذة ممكن اعرف اسم حضرتك باين عليكي شابة صغيرة
- فاطمة بغضب وحزن : هو حضرتك مالك اصلا قول يا أمي زي باقي الجهلة اللي زيك انا سكتلك لما هزأتني من شوية لكن مش هسكتلك تاني ونا غلطانة اني جيت سألتك لكن اعمل اي ملقيتش غيرك ف وشي
- عبدالله : هو انا اعرفك اصلا
- فاطمة : حضرتك لسه مهزأني من شوية
- عبدالله: انتي بتقولي ايي...؟ هو انتي بتاعت العربية اللي مركونة ف نص الطريق ومش عارفة تحركيها بتسوقي عربيات لي بقا ماهو اكيد من الخيمة اللي لبساها ديي مش عارفة تتحركي منها
- فاطمة : لولا اني متربية كنت رديت عليك السلام عليك يا محترم
- عبدالله :وعليكم السلام ياست الشيخة

" رحلت فاطمة والحزن يملأ عينها وظلت تفكر ما الذي حدث وكيف تجرأت ونطقت تلك الكلمات لهذا الشاب وكيف لم تستحي وتذهب بسرعة كما فعلت مع غيره "
- فاطمة : ماهو انا كان لازم ارد عليه هو انا هسيبه يغلط كدة كتيير ؟ .بس برضو كان لازم اسكت ..خلاص بقا اللي حصل حصل هقابله فين تاني
" ذهبت لتسأل الممرضة عن الطبيب  لتطمئن علي صحة صديقتها"
- فاطمة : السلام عليكم
- الممرضة : وعليكم السلام اؤمري حضرتك .؟
- فاطمة : الدكتور مصطفي فين
- الممرضة : للأسف حضرتك هو مشي من نص ساعة كدة كان عنده حالة طارئة ومشي بسرعة
- فاطمة : طب حضرتك متعرفيش حالة صحبتي الطبية اقصدي يعني حضرتك الممرضة اللي مشرفة علي حالتها
- الممرضة : لا مش أنا دي واحدة زميلتي بس للأسف هي متغيبة نهردة لظروف ممكن حضرتك تستني هو ساعة وراجع انا هكلمه تاني
- فاطمة : طيب تمام شكرا خالص
- الممرضة: العفو تحت امرك