طبخاتي 😍

كبه برغل

مساء الخير عليكم زمان ع الوصفات والطبخات 🥲

طبخه اليوم كبه برغل

المكونات...

جريش مخلوط 4 كوابه اني استخدمت كوب القياس سعه250ملم
وقصدت ب المخلوط انو كولو لبو المحل اريد جريش كبه برغل هوه راح يخلطلكم للكبه

سميد ناعم 2كوب

ماء كوبين ونص ونزيد بمرحله العجن اذا شفناه يحتاج لان اذا من البدايه اخذ مي هوايه راح يخرب وياكم

نخلط المواد ذني كلهن سويه ونعوفهن ساعه ونص

نحضر الحشوه..

لحم
وبصل
وكرفس
ملح
وفلفل اسود
و بهارات لحم او كبه الي متوفر
نحمسهم سويه وتصير الحشوه جاهزه

بعد مرور ساعه ونص نعجن العجين وتضيف مي شويه شويه لحد ما يصير عجينه بقوام مطلوب لا قويه ولا لينه
وبعدها ابلش الف بيها وحشيها وكملها خلوها تصير سمكها خفيف ولا تخافون متنفتح مجرد ما تتخله بسوب راح تجمد يعني لا تخلونها ثخينه تصير موطيبه

اما السوب
بصل مثروم
معجبون وماء ملح
اكو ناس اضيف شعريه  اني ماضيف الي يحب يضف عادي تصير.
احمس البصل ونوب اضيف المعجون وحمسه شويه وضيف المي عليه اخلي يفور شويه ورجع اضيف الكبه وحده وحده واعوفه بس تستوي الكبه راح تطوف اليفوگ معناها صارت جاهزه طفو النار عليها والف عافيه

طبعا نسيت اصور الكبه من كملتها 💔🥲