مساء الخير اليوم طبخته صاج😍 وطريقه عمل الخبز مالته بشكل كلش سهل وطعم رؤؤعه
عجينه الصاج
المقادير 🍒
3كوب طحين صفر أو اي نوعيه متوفره
كوب وشويه حليب حسب حاجه الطحين ملح ملعقه اكل نعجنهم ب الايد مده من 10الى15دقيقه لحد ما تصير عجينه ملمسها ناعم وشكلها حلو ونتركهم نص ساعه ترتاح
بعدها نقطعهم ونكورهم حسب الحجم الي تردوه وهمين نتركهم يرتاحون 15دقيقه
بعدها نفتحهم على شكل دائري ونرفع العجينه كلش منخليها ثخينه الى عدها صاجيه اسوي عليها والى ماعدها طاوه تقلبها وتشغل عليها نار تحمه وتأخذ الكرصه الي سويناها ونخليها ع الطاوه لحد ما تضهر فقاعات وتستوي بشكل بسيط نقلبها على الوجه الثاني بعدها نشيلها ونخليها بكيس أو علاكه نايلون حت تبقه رطبه وتكلمون بقيه العجين بهل طريقه صار الخبز جاهز وياكم بهل شكل
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
بعدها تحضرون الحشوه لحم أو دجاج اني سويت الدجاج حمست بصل وخليت عليه دجاج مقطع شرائح رفيعه وخليت عليها ملح بهارات تتحمس زين ونطفيها نحضر طماطه مقطعه شرائح فلفل اذا تحبوه همين شرائح طرشي همين بس لتخلون بيه مي نشفوه مايونيز أو كجب أو صاص اي شي تحبوه
ناخذ كرصه الصاج نخلي الوجه المستوي للداخل نخلي بيه حشوه دجاج وفوكاه طرشي طماطه فلفل اي شي تحبوه بعدها نخلي عليه مايونيز ونلفه ونبرمه ويصير جاهز
نخلي داخل صاجيه ونكبس عليه واذا ممتوفره عدكم نجيب طاوه ندهنها بشويه زيت ونخلي الصاج ونضغط عليهم بمهراسه البتيته بشكل خفيف حت يستوون بشكل متسواي دقايق ونقله على الوجه الثاني ويصير جاهز أو الف عافيه
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
