طبخاتي 😍

مقلوبه♥

صباح الخير  

رمضان كريم عليكم

مقلوبه خضار

المكونات....

باذنجان
بتيته
طماطه
بصل
فلفل بارد حسب الرغبه
تمن اي نوعيه
معجون طماطه
شعريه
البهارات
دارسين نص ملعقه اكل
هيل مطحون ملعقه اكل متروسه
كركم ملعقه صغيره
نوم بصره مطحون ناعم نص ملعقه اكل
وملح للتمن وللخضراوات

طريقه تحضير...

نغسل تمن ونگعه نص ساعه او اقل وبعدها نسلگه لحد ميستوي ونبزله ونتركه

نحضر الشعريه همين نحمسها زين ونخلي عليها مي ونهدرها مثل شعريه العاديه بضبط
بعدها
نقطع الخضراوات كلهم على شكل دائره واذا تحبون اضيفون نوع خضروات بعد بكيفكم
نگليهم بزيت كل نوع وحيده ونتركم
نجي للتمن بعد ما سلگناه نحمس معجون حسب الكميه الي تردونها والي تكفي التمن الي عدكم
ونخلط التمن وي المعجون زين ونضيف نص البهارات الي ذكرتهم ونص نبقي للاخير
..
بعدها نخلي زيت شويه بجدر ونخلي طبقه بتيته باذنجان وبصل ونخلي تمن بعدها نخلي شعريه ونرجع نخلي الخضراوات الي ذكرناهم ونرجع نخلي تمن واخر شي نخلي على الوجه الشعريه ونرش البهارات الي بقت
نخلط مكعب ماجي دجاج او لحم بكوب مي ونخلي ع تمن اذا مموجود الماجي استغنو عنه خلو بس مي ♥
ونخلي الجدر ع نار ناصيه ونتركه ع تهدير لحد ما يستوي
يتقدم وي الروبه والزلاطه
والف عافيه