صباح الخير طبختنه اليوم بتيته مقرمشه أو بطاطه مثل ميسموهة البعض
المقادير 🍒
4حبات بتيته متوسطه الحجم تنسلك ب المي سلك كامل
بعدهة تتقشر أو تنهرس أو هيه دافيه بعدهة نخلي ملح ملعقه
كمون ربع ملقعه
فلفل أسود ثلث ملعقه
ببركه ربع ملقعه اذا متوفر عدكم
كرفس مثروم ملعقتين اذا تحبون
او ملقعه اكل مليانه بقصم
او ينعجنون كلهم سويه أو بعدهة تتركيهم
حشوه البتيته جبن موزرله
أو لحم اني خليت لحم حمسته خليت عليه رشه ملح أو حشيت بيه البتيته أو تكدرين تتركين الحشوه بكيفج
بعدهة تاخذين بيضه وتخلين عليهة رشه ملح أو فلفل أسود رشه بسيطه وتغمسين بيهة البتيته بعدهة تخلينهة ب البقصم
أو تخلينهة بزيت ايكون دافي موكلش حار أو تصير لون ذهبي أو تطلعينه أو الف عافيه
طريقه عمل البقصم اذا مجان عدج طحين البقصم الجاهز
اجيبين كعك البقصم هيج اسمه
تكسرينه أو تتركينه بشمس بمكان نضيف مده 3ساعات أو أكثر اذا يوم كامل ايكون افضل
أو بعدهة تطحنينه ايصير ناعم أو هيج صار عدج بقصم جاهز أو تستعملينه
ان شاء الله تستفادون لاتنسون تنطوني رئيكم من اجربونه
الصوره مجاي تنزل هنا بسبب النت لهذا خليتهة خلفيه للبارت شوفوهة😊
أنت تقرأ
طبخاتي 😍
General Fictionحبيت افيدكم أو أضيف شي حلو أو بسيط الايامكم راح اقدملكم المعجنات والحلويات الي اني جربتهم بنفسي
