ယုထာပြောတဲ့စကားတွေက ထယ်ယုံးခေါင်းထဲက မထွက်နိုင်ဘဲ ဖြစ်နေလေသည်။ ခြံဝန်းအကျယ်ကြီးလမ်းလျှောက်ရင်း ဂျပန်ရဲ့လေထုက သူ့နှာခေါင်းထိပ် တဝဲဝဲလည်လည်ဖြစ်နေသည်။
ခေါင်းရှုပ်နေတာတွေရှင်းဖို့ ထယ်ယုံးက အိမ်ထဲပြန်ဝင်လိုက်ပြီး သော့ယူလို့ ယုထာရဲ့ ကားတစ်စီးကို ဆွဲထုတ်လိုက်တော့သည်။
.
"ယောင်းဟို ရောက်ပြီပဲ၊ လာမကြိုနိုင်လို့ ဆောရီးကွာ "
"ရပါတယ် "
ယောင်းဟိုက အထုတ်အပိုးတွေချပြီးတာနဲ့ လက်ဆေးကာ မင်ဟျောင်းလက်ထဲက ကလေးကို ချီဖို့လုပ်တော့သည်။
ရုတိုက မျက်လုံးလေးဝိုင်းကာ ပြူးကြည့်ရင်း ယောင်းဟိုလက်ထဲပါလာလေသည်။
"သားသားကလေး"
ယောင်းဟိုက ရုတိုကို ချီမြှောက်ကာ ချော့မြူတော့ လက်ကြိုက်တဲ့ ရုတိုက ပြုံးပျော်လာတော့သည်။
"အကြီးကြီးပါပဲလား သားသားက၊ ဂျဲနိုတုန်းကထက်တောင် ပိုကြီးသေးတယ်။ "
တစ်တုံးတစ်ခဲရုတိုကို ယောင်းဟိုက ပွေ့ချီထားပြီး ပါးလေးကို တရှုံ့ရှုံ့နမ်းနေလေသည်။
"တော်တော့ကွာ၊ ငါ့သားလည်း ပါးပိန်တော့မယ်၊ ထယ်ယုံးကလည်း နှာခေါင်းပဲ လာလာထိုးနေတာ"
"ကျွန်တော့်ကို ပေး Hyung"
မင်ဟျောင်းက ရုတိုကိုပြန်ချီသွားသည်။
"ထယ်ယုံးဆိုမှ သတိရတယ်၊ သူဘယ်ရောက်နေတာလဲ အိပ်နေတာလား"
"ညနေက အပြင်ထွက်သွားတာပဲ၊ ဘာမှတော့မပြောသွားဘူး "
"အင်း၊ မိုရင်းကိစ္စပြောစရာရှိလို့ "
"ဘာကိစ္စလဲ"
"သူ့အဖေ မိုရင်းကို သိမ်းဖို့ကြိုးစားနေတဲ့ပုံပဲ၊ ရှယ်ယာတွေ လိုက်စုနေတာ "
"ဘာ "
"ငါ စုံစမ်းကြည့်သလောက် ဂျယ်ဟျွန်းနဲ့ကိစ္စကို သိပြီး လုပ်နေတာဖြစ်မယ်။ အဲ့တာကြောင့် ရှယ်ယာတွေကို နာမည်ခွဲတွေနဲ့ ဖြန့်ထားပြီး သူ့အဖေ ဝယ်လို့မရအောင် လုပ်ထားတယ်။ "
ВЫ ЧИТАЕТЕ
Try again //TYxJH//
Фанфикsingle father နှစ်ယောက် တွေ့ကြတယ်၊ ရင်းနှီးကြတယ် နောက်.....။ single father ႏွစ္ေယာက္ ေတြ့ၾကတယ္၊ ရင္းႏွီးၾကတယ္ ေနာက္.....။
