بالليل ..
دخل بيت أهله وباستقباله امه: وينك يا يمه ماتسال عني ولا كان عندك ام.
عبدالعزيز حّب راسها : هالفتره مضغوط مره اعذريني يمه
طلع أبوه: شجايبه ذا ليكون حّن لا أيامه معانا
عبدالعزيز ببرود: جيت أشوف امي ومو من حقك تحرمني منها
أم عبدالعزيز: ابو عبدالعزيز خل الولد بحاله
أبو عبدالعزيز : انا عندي خيارين دامك جيت وأمك تدافع عنك!
عبدالعزيز ببتسامة أستفزاز: وش هو؟
أبو عبدالعزيز بشّر : يأما تتزوج بنتّ عمك اللي رفضتها وفشلتني قدام أخوي يأما اطلق امك بالثلاث وانا خابر انك ماترضى الاهانه لا امك والطلاق!
ام عبدالعزيز بدموع: لاتخرب بيتي وانا امك وافق وصدقني بترتاح معاها هي صح صغيره عليك ولا تناسبك بس وافق عشاني
عبدالعزيز استوقف : والبنتّ اللي تزوجتها شلون اظلمها معي بسبب خيارك!
أبو عبدالعزيز: تزوجت! ومن متى!
عبدالعزيز ببرود : اي تزوجت والبنت حامل!
أبو عبدالعزيز: وينها!
عبدالعزيز: بيتي وانا خابر ان الشخص اللي قدامي مايحب يخرب بيوت عياله ولا ياغريب؟
أبو عبدالعزيز : انا الحين صرت غريب؟ ياحسافة التربيه فيك رفع عقاله وأبتسم عبدالعزيز من اللي بيسويه وهو يلتفتت لورا: يلا إضرب يبه اضرب لين تبرد قلبك.
بدا يضرب بقوة بظهره ومع كل ضربه تنزل دمعه من عيون عبدالعزيز ولا زال مبتسم وامه اللي كانت تبكي وتحاول توقف زوجها عشان ضناها مايتاذا
-بعد نصف ساعة طالت بالضرب بـ عبدالعزيز ولا انهز فيه شيء طلع من بيتهم وركب سيارته وهو يحرك لـ السكن اللي ساكنه فيه العاتيّ نزل بعد ماوصل وهو يجلس على الدرج وينتظرها برا ..
عند العاتي كانت تمشي وتدندن بصوت خافت اقتربت من مدخل السكن واستغربت من وجود عبدالعزيز تقدمت وهي تناظره بـ استغراب : عبدالعزيز؟
عبدالعزيز وعيُونه تلمع مد أيده وبغصه: ابي احد يطبطب على شوي.
نزلت شنطتها بـ استغراب ومارفصت طلبه وهي تجلس جنبه وتحضنه ولازالت مستغربه من دموعه وكلامه!
YOU ARE READING
رُبما ذات شتاءٍ بين غيم ومطر سنلتقي .
Actionلمن ينتهي مُصيرك مع أنسانة عنيده بشكل وأنت بارد وقاسي خصوصاً عليها تتزوجها بعد ماعطت مدرستها رقمك وصارت كل مشاكلها عندك ولمن رحت المدرسة بخصوص تشوفها تهيم فيها وتقول إنك زوجها وماتحسب حساب انهم بيطلبونك الكرت ❤️🔥! « اقراء لي واوعدك ماتندم » حسابي...
