هذه قصه جديده اتمنه تعجبكم
صباح يوم الاحد صوت دقات اجراس الكنسيه تعلن موعد الذهاب اليها كثيرون ددخلو الى الكنيسه
اليوم هو اجمل ايام حياتي اليوم سازف لحبيبي
ارتديت فستان زفافي بالون الابيض الؤلؤي مع عقد من الالماس ليزيد من جمالي جمال ويعطي انوثه راقيه لمظهري انتهيت من التحضيرات
بدئت امي بالبكاء والدعاء لي
لم اقاوم ذرف الدموع واحتضانها اليوم اول مره لن انام معها في مكان واحد
رايت ابي قبلني من راسي بكى على ابنته الوحيده التي تفارق عينه لاول مره
حضر جميع المدعوين الكاهن موجود اقيمت التحضيرات عريسي ينتضرني
لايفصلنا سوى ممر طوله اقدام
امسك والدي يدي دخلت الىً القاعه كل الحضور انبهروً بجمالي
اشبيناتي اخذن اماكنهن تقدمت مع ابي وقلبي ينفض رعبا
وصلنا الى النقطه التي يجب ان اترك ابي واذهب مع حبيبي لنتزوج
تركت ابي وكانما تركت قلبي
بدئت المراسيم
اعلنا زوجا وزوجه
كان حفلا من الاحلام كل ما تمنيته تحقق
حبيبي زوجي واهلي سعداء حفل رائع مالذي يمكن ان يقتل سعادتي
دخلت الى الغرفه مع زوجي حبيبي حلم كل فتاه ان تجتمع مع حبيبها في غرفه واحده فالحلال
بلا مقدمات قال لي
سالار:حبيبتي ارد اكلج شي هو اعتراف بس لازم تتفهمي
تاره:كول حبيبي
سالار:حبيبتي اني من جنت خارج العراق
تاره:اي
سالار:سويت علاقه وي بنت
تاره:شنو يعني خنتني من احنه مخطوبين
سالار:بس اسمعي جنت سكران ومعرفت اصرف هسه البنت حامل
تاره:شنوووو
هسه اترجعني البيت اهلي
سالار:تاره حبيبتي افهمي اني اعشقج بس هاي حامل مني وانتي تعرفيني ممكن اتخلى عن شخص اني اذبته وماساعده ولا بيوم انهزم من اخطائي
تاره:يعني شنو
سالار:سمعي الامً محتكدر تعترف بالطفل احنه حناخذه بحجه نتبناه ومحد يعرف هو مني بس انتي والام والام حتختفي من حياته تماما
تاره: اني موافقه بس لان ماحد احد يتاذه بسببي وهذا روح حرام ينقتل ويتعذب بسبب اخطاء بشر
ادمرت احلى لحضات حياتي سافرت اني وسالار للدنمارك
انتضرنه الام تولد ولدت بنت
هاي الاشهر كلها مجنت طايقه سالار حته مخليته يتقربلي ولا ام البنت جنت اكرهم اثنينهم حته الطفل جنت حاقده عليه قبل مينولد
بس من ولدت رحت شفت البنوته حبيتها من كل قلبي
ماعرف شنو الخلاني انجذبلها هيج
سميتها تيا
يعني الاميره باليوناني
اخذنه الطفله وكملنه اجرائات الطفله بسهوله لان سالار ابوهة ومسجل ابوها بالبطاقه مالت الطفله
رجعنه للعراق طبعا الكل سالونه ع البنت كنالهم اتبنيناها
ام تاره:وليش تتبنون مجان انتي حملتي
تاره:ماما اني حبيت هالبنت ماعرف اني ردت اتبناها
ابو سالار:وشلون قبلو تتبنون بنت اجنبيه وانتو عرب
سالار:موسجلتهة ع اسمي واسم تاره
ابو:وشلون امها رضت
سالار:هي متريد الطفله اصلا
اهلي محبوً تيا ومعتبروها من عدنه ابد حتى اهل سالار ميحبوها
تيا جان شكلها اجنبي وجمالها موطبيعي
جنت اخاف عليها هواي حتى ماقبل تطلع بالشارع ولا بالمنطقه اخاف يبوكوها لان جمالها مميز
بدت تكبر تيا وصارت ٥ سنوات
سالار اتعلق بيها حيل ً
جنت اغار منها لان احس سالار يحبها اكثر مني واخاف يذكر امها من يشوفها بس مبينت غيرتي ابد
صرت حامل وهالفتره شوي اهملت تيا
جان صديق سالار يحبها حيل يضل يطلعها ويونسهة جنت افرح لان انظل اني وسالار بوحدنه
بس سالار زاد تعلقه بيها وصرت بالشهر التاسع
واجاني ولد سمينا جيريوس ع اسم الكاهن الكنيسه
طبعا ولاده جيريوس لهتني تماما عن تيا وصار عيد ميلادها السادس جنت ناسيته اني بس سالار وصاحبه كيان منسوً سيوولها حفله وعزمو الكل اني ضجت ومخليتهم يسوون الحفله بالبيت كتلهم جيريوس ميصير يضل بهيج هوسه اخذو تيا وراحو لمطعم واحتفلوً
وصار عيد زواجنه وسلالار متذكره
بيومه تعاركنه عركه جبيره وضليت اصيح علي انت متذكر بس تيا لان بنت حبيبت القلب مو
هو طلع معصب صار الصبح وماجه حبيبي
اتصلت بيه امه كلتلي احنه بمستشفى اليرموك
وصيت جارتنه ع الجهال ورحت للمستشفى
شفتهم يبجون توقعت مصاب مسوي حادث مكسوره رجله
فتت للغرفه لكيتهم حاطين شخص ومغطي
الهاي الحضه اني ممصدكه الموقف
فتحت الغطه لكيت حبيبي مات
حسيت تيا هي السبب هي الدمرت حياتي
رجعت للبيت راسا جريته وطردته وضربته وهي طفله وادري اني غلطانه بس كرهته هي بيضه ومن ضربته خدودها صارو حمر وتبجي اول مره اضرب طفل والمن تيا الي جنت اعشقها
اجه كيان وشاف الموقف سحب تيا من ايدي وكام يصيح عليه
تاره:لك خل اذبحها هي هاي الموتت صاحبك
كيان:شبيج مخبله هاي جاهله ومنو مات
تاره:سالار مات مات من وراها هي الحقيره خل اذبحها عوفني
كيان:تيا اركضي ركبي بسيارتي هسه اجيج
تاره:جييبها
كيان:ضربت تاره راجدي واغمى عليها اجوي اهلها ماعرف ليش كلهم ضد تيا هي طفله شعليهة هي
اخذت تيا ويايه البيتنه
كيان:يوم يمه
امه:ها شبيك يوم
كيان:يمه جبت تيا ويايه
امي متعوده انو اجيبها وياي لان احبها حيل اعشق الاطفال
امه:هلا بيها هلا
كيان :يوم تعاي وياي للمطبخ تيا كعدي ع التلفزيون بين ماجيج
تيا:ماشي عمو
كيان:حجيت الامي كوووولشي
امه:عزه وهسه هاي وين تروح الطفله
كيان :ماعرف يمه شلون ومستحيل اخليها تروح ملجئ ايتام
امه:اني جانت امنيتي يصير عندي بنيه بس الاجل اخذ ابوك ومارزقني ربك قبل وفاته بس بيك هل نربيها هم نكسب اجر هم تونسني وانت تحب الجهال
كيان:ماشي يمه
صار يوم الاحد
تيا:اني كملت تبديل
كيان:ليش شعندج
تيا:مو نروح للكنيسه
كيان:ها حبيبتي اي صح بس هسه اصبري
يوم هاي تريد تروح للكنيسه
امه:لايمه ميصير خل نعلمها ع الاسلام احسن حتى نفسنه تصير
كيان:تعاي حبيبتي اعلمج شلون تصلين
وسجلت تيا بالمدرسه وكيان وامه علموها الصلاه وشلون تتوضى وحفظت بعض الايات
كيان :يمه اريد ازوج
امه:اي هاي الاخبار الحلوه من باجر اخطبلك
كيان:بس بشرط تشبه تيا
امه:يمه تيا ايه من الحسن منين الكه مثلها
تيا:ها تحجون عليه
كيان:جكمه دنمدح بيج
تيا:شكلت عني بابا شكلت
كيان:تيا جانت تعتبرني ابوها صح اني اصغر من ابوها بهواي بس لان ربيتها
مقبلت بولا وحده من اامي شافتهم الي وجنت مصر مازوج اله وحده تشبه تيا
