قدام اكبر شركة ديال الاشهار فكازا وقفات مرسيديس كحلة باقا كتلمع ونزل شيفور كيجري يحل لباب اللوراني وكيف حلو خرج منو راجل شان وهمة ... فورمة متقونة وكتافوو مقادين ولابس كوستيم جا عليه وعطاه رونق زوين ورجولي بإمتياز ... عطى الاشارة للشيفور باش يتراجع ويمشي يكمل خدمتو بينما هو تم داخل باللبسة ديالو المعهودة وكل الاعين عليه ... ولي دازت اولا داز من جنبوو كيلقي عليع التحية بكل احترام ويكمل طريقوو ... وكيف دخل للسانسور ضغط على زر 3 وتسنى حتى تلقى اشعار فالتيليفون عاد خشى يدو فجيب الفيسطا الدخلاني وجبدو قاري نيشان داك الاشعار لي كيبلغوو بخصوص الاجتماع لي عندو اليوم ...
شاف فالساعة بنص عين وطفى الطيلي مرجعو لبلاصتوو حتى تحل سانسور نيشان للطابق فين كاين المكتب الخاص به ...
وفطريقو تلاقى بالسكرتيرة ﺩﻳﺎﻟﻮ ولي خسر عليها جملة طويلة وزاد بحالو : ﺟﻤﻌﻲ ﻟﻴﺎ ﻛﺎﻉ ﺍﻻﻋﻀﺎء لي مكلفين باشهار ديك الماركة التجارية الاخيرة لي خدمنا عليها فالمكتب ديالي ...
ﺳﻜﺮﺗﻴﺮﺓ حركات راسها بالايجاب وقالت بهدوء : ﻭﺍﺧﺎ ﺍميسو عيسى ...
ﺩﺧﻞ عيسى على غفلة ﻟﻘﺎﻋﺔ الاجتماعات لقى كاع الشركاء جالسين كيتسناوه و ﻛﻴﺸﻮفو ﻓﻴﻪ وهوما ساقلين ...
عيسى توجه لبلاصتوو كيف العادة وجلس بكل اريحية وقال بتساؤل : ﺍﺵ ﻛﺎﻳﻦ ﻣﺎﻟﻜﻢ ﻛﺘﺸﻮﻓﻮ ﻓﻴﺎ ﻫﺎﻛﺎ
عم السكوت فالمكان الشيء لي خلاه هو بنفسوو يكسر هاد اﻟﺼﻤﺖ ويدوي بحدة : ﺍﻟﻤﻬﻢ ﺧﻠﻴﻮﻧﺎ ﻓﺎﻟﺨﺪﻣﺔ ﻭﺍﺵ ﻓﺮﻗﺘﻨﺎ ﻣﻮﺟﻮﺩﺓ ﺭﺍﻛﻢ ﻋﺎﺭﻓﻴﻦ ﻏﺪﺍ ﻣﻨﺒﻐﻲ ﺣﺘﺎ ﻏﻠﻂ ...
ﺍﻟﻜﻞ : ﻣﻔﻬﻮﻡ
عيسي شاف لبعيد وقال : فين ﻫﻲ ﺍﻓﻨﺎﻥ ؟؟
مع ذكر سميتها تحلات الباب بجهد وتمات داخلة كتنهج : كنعتاذر على التاخير طريق كانت عامرة شوية ...
عيسى شاف فيها بحدة وقال : ﺍﻳﻼ ﺳﺎﻟﻴﺘﻲ ﻣﻦ الهضرة تقدري تبداي لعرض ...
أحد الشركاء شاف فالملف لي قداموو ونطق بتساؤل وموجه السؤال لعيسي : ﻭﺍﺵ ﻣﺘﺄﻛﺪﻳﻦ بلي هاد نوع من الاشهارات غادي يدير ضجة كبيرة ...
ﺍﻓﻨﺎﻥ ﺟﻠﺴﺎﺕ ﻋﻠﻰ ﺍﻟﻜﺮﺳﻲ ﻭﺩﺍﺭﺕ ﺭﺟﻞ ﻋﻠﻰ رجل وقالت بكل ثقة : حنا ﻣﺘﺄﻛﺪﻳﻦ اولا لا اميسيو عيسى ...
الشريك 2 بقى كيشوف ﻓﻴﻬﺎ ﺑﻨﺺ ﻋين من بعد ضار شاف فعيسى وقال : لا استعملنا الطرق التقليدية فالاشهارات غادي نكونو كنديرو غلط كبير حيث جيل هاد الوقت كيبغي شيء حاجة لي تجذبوو وتخليه يبحث على المحتوى ...
إفنان كمشات يديها وهي تشعل داطاشوو حتى كلشي هز راسوو كيتفرح : لا شفتوو هنا طرق تقليدية لي انستعملوو لاشهار ماركة العطور غادي يكون غير لواحد مدة قصيرة بحالا غادي نروجو لفكرة انوو العطر لي هنا ماخود اولا مصنوع من عطور الزمن القديم ... ﺍﺵ ﺑﺎﻥ ﻟﻴﻚ فالفكرة اميسيو عيسى
أنت تقرأ
أحببت زوج أختي
Romantizm_ماذا لو أحبك سجين واصبحت انت حريته_ من الوصايا المفضلة لجبران خليل جبران، قوله: "صدّقني .. لو فقدت ما فقدت، لو كسّر الحرمان أضلاعك، ستجتاز هذه الحياة كما يجتازها كل أحد....
