تخطيتي حصون النمر

الفصل الرابع

بسم الله الرحمن الرحيم
ــــــــــــــــــــ

🌺صلى على محمد 🌺
      ༺༽ﷺ༼༻

۞ فَدَعَا رَبَّهُ أَنِّي مَغْلُوبٌ فَانتَصِرْ ۞

إهتف بوجعك ، بمرضك ، بانكسارك ، بهزيمتك ، بعجزك ، حينها سيأتيك الفرج من رب السّماء..فقل يا رب 🌸
......... 🍃.........

عند افنان و كانت قاعدة قدام الشباك بتبص على اللي بيحصل تحت و بتاكل ضوافر ايديها من التوتر و تبص مرة للي بيحصل تحت و مرة لنسرين اللي كانت بتفرد ورق العنب على السفرة فقالت...

افنان بقلق:

"يا خالة نسرين انتي مش خايفة على شعاع ولا ايه دي الستات تحت طول بعرض ده انا مرعوبة ليعملوا فيها حاجه"...

" لا يا حبيبتي متخفيش عليها انا من ساعة ما قامت صفية بتربية شعاع و انا رميت طوبتها من زمان،يا بنتي ده الشيطان يخاف منها فتقوليلي اخاف عليها من شوية ستات..دي لما بتصدق تتخانق معاهم،متخافيش هتلاقيها شوية طالعة و صفية بتكمل عنها الخناقة تعالي انتي بس ساعديني و قطعي الكرنب ده اعبال ما صفية تخلص ضرب تحت و تطلع تساعدنا"...

"والله انتم ناس ما يعلم بيها إلا ربنا"...

نسرين بضحك:

" هههههههههههههه...معلش اتعودي"..ثم اكملت بغمزة:
"و اديكي هتبقي منها عن قريب...ادعي انتي بس"...

افنان بخجل:

" قصدك ايه يا خالتي"...

" مش قصدي..يلا تعالي عشان نخلص بدل ما تطلع صفية تكمل علينا انا و انتي"

و بالفعل ذهبت افنان لتساعد نسرين و بعد مرور دقائق شعروا بفتح الباب فقامت افنان سريعاً بتجاهه و وجدت صفية تدخل سريعاً و هي بتقول...

"المحشي!!!!...اكلي يا ولاد كوم شكاير اليهود!!!!...خلطة المحشي اتحرقت صح يا نسرين؟؟؟؟!! قوليلي ياختي متخبيش عليا...قوليلي انزل اجيب بنت المقشفة من شعرها تاني...ما تتكلمي يا نسرين الله"...

نسرين بضحك:

" هههههههههههههه...يعني هو انتي مدياني فرصة اتكلم، و كمان متخافيش انا طفيت النار على الخلطة عليكي انتي بس تدخلي تفضيها و تيجي عشان نخلص الأكل..بس فين شعاع؟؟؟؟"..و هنا رد عليها مصطفى و هو يدخل و خلفه افنان و قال...

"رجعت الشغل يا خالتي هي جت عشان العلاج بتاع حضرتك و مشيت بس صدفت في وشها الخناقة تحت"...

نسرين ببتسامة:

" طول عمرها مش نسيا حد فينا...ربنا يرزقك يا بنتي على طول و يفرح قلبك"...و هنا تكلمت صفية و هي بتدخل بصينية بها خلطة المحشي و قالت..