Unicode
နဂါးဧကရီ၏ ပျော်ရွှင်ဖွယ်ဇာတ်သိမ်း
အပိုင်း(၁၇) သူငယ်ချင်းအသစ်
.....သူမရောက်ရှိသွားတဲ့အခန်းမှာတော့ ကုတင်နှစ်လုံးက နံရံတစ်ဖက်စီကပ်ထားပြီး ကောဇော်နီနှင့်ရွှေရောင်အိပ်ရာခင်းများပါရှိသည်။ ဒါကြောင့် ရင်းယွဲ့ကသူမတကယ် နန်းတော်ထဲမှာပဲနေရတော့မယ့်အကြောင်းကို သူမကိုယ်သူမသတိပေးလိုက်သည်။ အလင်းရောင်ခပ်ဖျော့ဖျော့ရှိတဲ့ထိုအခန်းလေးထဲတွင် ရင်းယွဲ့နဲ့ကျိရွေ့ကတူတူထိုင်ပြီး တော်ဝင်မိသားစုမှစီစဉ်ပေးသော ညစာကိုထိုင်စားနေကြသည်။
ညကမှောင်လာပြီး ရင်းယွဲ့ကတော့ သူမအနားမယူရသေးဘူးလို့ပဲ ခံစားနေရသည်။ အိမ်တော်ကသူမအမေအဆင်ပြေရဲ့လားတွေးလိုက် သူမတို့ကောဘာဆက်ဖြစ်မလဲတွေးလိုက်နှင့် ရင်းယွဲ့အိပ်လို့မရပေ။
ရွေးချယ်ခံမိန်းကလေးများကို နှစ်ယောက်စီတွဲပေးထားပြီး ရင်းယွဲ့ကတော့ အမတ်တုန်းရဲ့သမီး ကျိရွေ့နှင့်အတူတူနေရသည်။ ကျိရွေ့က သူမအဖေနဲ့နည်းနည်းမှမတူဘဲ အေးဆေးတည်ငြိမ်လှသည်။ ထို့အတူ ပိတုန်းရောင်ဆံနွယ်ရှည်များ၊ အညိုဖျော့ဖျော့မျက်ဝန်းများအပြင် ပန်းဆီရောင်ပါးမို့မို့နှင့် နှုတ်ခမ်းလေးတွေလည်းပိုင်ဆိုင်တာကြောင့် အတော်ကိုလှသော မိန်းကလေးပင်။
ရင်းယွဲ့ထက်လည်းငယ်ရွယ်တာကြောင့် ထိုမိန်းကလေးက ပိုသနားစရာကောင်းနေသည်။ ပြီးတော့ သူမတို့ကတစ်ပတ်လုံးအခန်းကိုမျှသုံးရမှာမလို့ ရင်းယွဲ့က အခြားသောမျိုးရိုးမြင့်သခင်မလေးများနှင့် မိတ်ဆွေဖွဲ့ဖို့ဆုံးဖြတ်ထားသည်။ ဒါကြောင့် သူမ အိပ်ရာပေါ်မှထလိုက်ပြီး ကျိရွေ့ရှေ့ကိုသွားလိုက်သည်။
"ကျိရွေ့ ငါနင့်ကိုတခုခုမေးလို့ရမလား?"
"ဒါပေါ့, မေးပါ ရင်းယွဲ့"
"နင် ကြောက်တာလန့်တာတွေလုံးဝမဖြစ်ဘူးလား? ဒီနေ့ကြေငြာချက်ထုတ်တော့ နင်လုံးဝမငိုတာကို ငါသတိထားမိတယ်"
''ဟူး.. ရင်းယွဲ့ , ဘဝမှာ ငါတို့ရှောင်လွှဲလို့မရနိုင်တဲ့အရာတွေဆိုတာ ရှိနိုင်တာပဲလေ။ ငါတကယ်တော့ကြောက်ပါတယ်။ ပြီးတော့ ငါ့အဖေကိုလည်းစိုးရိမ်တယ်။ ဒါနဲ့ နင်မငိုတာကိုလည်း ငါသတိထားမိလိုက်တယ်"
ESTÁS LEYENDO
နဂါးဧကရီ၏ ေပ်ာ္ရႊင္ဖြယ္ဇာတ္သိမ္း ( Myanmar translation)
RomanceTranslation work of Best Novels Collection Team- BNC Team U can search 'Best Novels Collection Team' on Fb💛 Every Saturday, bonus day⭐ (စဆုံးPaid gp coming soon)