الظهر طلعت عمداً من الباب الخلفي تبي تطمن عليه جالس يتقهوى فز يساعدها اول ماطلعت نفضت يده:مااحتاجك
سياف:افا ياجده
الجده تنزل العتبه بهدوء وترتكز على عصاها:الي يجيب بنيه مومحرم لها ويزررعها بينا غصب مااحتاجه
صار لها اسبوع وهي ماتكلمه وإذا تكملت عادت نفس الكلام عليه
مشى وراها التفتت عليه :وشهوله لاحقني
سياف يحاول مايعصب:اوصلتس
الجده وهي تدفه بعصاتها:روح هناك مكانك احرسها هي اهم مني روووح
عض شفته مايبي يقول شي لها ويندم عليه وقف مكانه بدون رد يراقبها لين دخلت بيت جارتهم تنهد ركب سيارته متجهه للاسطبل
سياف بعصبيه رمى سطل الماء الي قدامه:محمد تعال
جاء العامل محمد يخاف منه لاعصب وخاف اكثر من شاف الماء المنكب من السطل سياف يأشر على الماء:كم مره اعلمكم تعقمون السطول قبل تملونها
محمد برجفة صوت:اسف بنتي تعبانه وماقدرت اركز
زفر ومسح على وجهه:استغفرالله مين بيعوضني لاتسممت الخيول يامحمد
نزل راسه:اسف ماراح تنعاد
سياف عطاه ظهره يمشي:اخذ راحه اليوم روح لبنتك
اخذ السطل بسرعه وراح يغسله زين وعباه ماء ورجعه عشان يرووح مرتاح
ارتكى على السور الخشب يراقب منصور الي يدرب الخيل الجديد: منصور
منصور التفت له:سم
سياف:سم الله عدوك طلع كل الخيول وخلهم على راحتهم بس قبل قفل الابواب
ترك الخيل الي معه وهو ينفذ الي قاله سياف
سحب فرشه انسدح يطالع السماء يسمع صهيل الخيول المنطلقه بحريه حوالينه غمض عيونه يسترجع شكلها بالمستشفى ولوانه ماشاف الا جزئه الايمن لكن روى الشوق بداخله ابتسم بهدوء داهمته فجاءه كتمه وضيق بصدره فز جالس يكح بقوه يحس بروحه تطلع من صدره ثنى جسمه لقدام يرتكي على يد وحده ويد على صدره يحاول يهدي روحه ماقدر
جاء منصور يركض على صوت الكحه العاليه انفجع من شاف سياف وجهه يميل للسواد جلس قباله:سيااف
موقاد يتكلم ضرب ذراع منصور ثم اشر على السياره
منصور وعمال الاسطبل عندهم علم بالربو الي عنده لكن ولامره شافوه يصارع نوباته
استوعب وراح يركض للسيارة فتحها على طول فتح درجها شافه قدامه يجري بسرعه وهو يحط البخاخ بفم سياف ويعدله جلسته صار يبخ وهو يهدي نفسه
لين ارتاح وصدره ياكله اكل من قو الكحات الي جاته
صد بوجهه ويشيل يده الي على كتفه:خلاص يامنصور
منصور بقلق: بجلس عندك يمكن تحتاج شي
سياف بحده متعبه:قلت خلاص روح
وقف منصور وراح عنه يشتغل ويراقبه
اخذ نفس عميق اتعبه الربو واخذ من صحته كثثثير لانه مهملها ويدخن ارتاح شوي ثم راح للسيارة اخذ علاجه واسند راسه مادرى بنفسه الا هو نايم
:
ناظر ساعته:وقف نصلي
نواف وقف سيارته على جنب نزلوا كل واحد يمغط جسمه صلوا المغرب سوا قبل يركبون السيارة
ايمن يناظر السماء الي بدت تمطر على خفيف:ماشاءالله جاي الخير
اخذ نفس طووويل لصدره:يالريحه تنعش
ايمن ركب :يلا عشان نوصل قبل يرش اكثر
اول مادخلوا الديره امطرت بشده وقف لايمن عند بيته ثم راح
فتح الباب يمشي بسرعه ويده فوق راسه وقف وهو يسمع ضحكها جاي من الحوش بالخلف اتجهه للخلف طل عليها وابتسم وهو يشوفها لابسه بجامتها الورديه وتلعب بالمطر مع ترف الي تصارخ كل ماجاها مطر وترجع تحضن سحاب تحتمي عن المطر
سحاب تضمها وتضحك:ياخوافه المطر حلو
ترف تضحك مع بكيه:امي لوتدري تضربتس
سحاب باستها بخدها بقووه وهي تضحك
وصارت تناظر لسماء وهي مغمضه عينها ومبتله بالكامل تحب المطر بالحيييل اي شي متعلق بالسماء تحبه ابتسمت وفتحت يدها
اشر لترف تسكت وقف قبالها بالضبط حست بااحد وفتحت عيونها صرخت بفجعه حضنها بسرعه قبل تطيح يضحك عليها:بسم الله عليتس
دفته عنها وخدودها شابه نار تناظر فيه يسحبها للداخل :ترف ارجعي للبيت بسرعه تدفي زين
ترف لصقت فيه:وصلني
ترك يد سحاب وشال ترف يجري فيها للبيت وقفت تناظرهم ابتسمت
وتقدمت راجعه للمطر التفتت على صوت الباب متجه لها مبتسم:ادخلي
سحاب:لا
ايمن :بلا عناد موزين تطولين تحت المطر ادخلي احسن لتس
بوزت ومشت رايحه للغرفه بزعل ماحست الا انها طارت التفتت له وهي تتحرك بين يديه:نزلني
ايمن يضحك ويدور فيها تحت المطر:لا
تحركت بقوه ونزلها غصب ودخلت للغرفه بسرعه تنهد ودخل وراها: غيري بسرعه لاتمرضين
رفعت حواجبها تبعد خجلها:ماراح اغير برجع
ايمن:ترجعين وين
اشرت بإبتسامه طفوليه:للمطر
وتخصرت:وبعدين مواتفقنا كل واحد بروحه مايدخل بالثاني
نزل ثوبه المبلول كله:كيفتس
حست برعشه وبروده وغيرت رايها فتحت الدولاب طلعت له بلوفر وسروال ثقيل مدته عليه اخذه وهو الف كلمة شوق ومحبه عالقه بحلقه اخذت لها ملابس وراحت تغيير حطت منشفه على شعرها اتجهت للمطبخ سوت حليب وحطت زنجبيل يدفيها جلسوا بالغرفه الصغيره الفاضيه الا بفرشه وفاتحين الباب
تشرب وتسرق له نظرات حطت عينها بكوبها من ناظرها:موقلتي بتروحين عند امتس ؟
ميلت فمها:طردتني
ضحك بخفيف
ناظرته بطرف عينها:وش الي يضحك
ايمن:ولا شي سلامتتس
سكتوا دقايق ثم قال بهدوء ناظرها تمسح شعرها القصير المبلول:انا جالس خمس ايام هنا وبعدها بسافر وبطول بسبب اشغالي وإذا رجعت اسمع قرارتس الاخير بالطلاق
سحاب ناظرته:قلت لك من قبل
ايمن:يعني ماودتس تفكرين شوي
سكتت شوي وقالت:متى راجع
ايمن لف لها:ماادري
ابتسم بضيق وهو يقرب منها:بطلبتس لاول مره وبتكون الاخيره
سحاب وعينها بالكوب اربكها قربه:إذا قدرت عليه
ايمن سحب كوبها من يدها وحطه بالصينيه عند كوبه
ناظرته بإستغراب وسعت عيونها من انسدح بحضنها
نزلت راسها له بصدمه ورفعت يدها تلقائياً من استقر راسه بحضنها
ابتسم وعيونه للباب:قادره عليه ياسحابتي
سحاب من صدمتها ماردت ولارفعت راسه عنها سكتت تطالع المطر الي يرش بالخارج تاركته يتأملها وغارق فيها بيعطي مشاعره فرصه تطلع يمكن تحنن قلبها عليه دامها هاجده ولاتناقره شبك يده بيدها راقب ملامحها الي تغيرت ينتظر اي ردت فعل ابتسم من شافها هاديه باس يدها بحب وهو يتنهد كل الاشتياق الي حابسه بصدره فرغه بضم يدها لصدره غمض عيونه ولف راسه وضمها صار وجهه مقابل بطنها ويده الثانيه ضامتها نام بهدوء
اما هي تيبس جسمها من حركاته الي حركت كثيير بقلبها من انتظم نفسه حررت نفسها تناظره كيف نام بسرعه اي حركة منها بيصحى تأملته ونبرته من قال سحابتي تتكرر براسها رفعت يدها حطتها على شعره وبسرعه شالتها سندت راسها تسمع تنفسه مع صوت المطر الي بدأ يخفف شوي شوي ماصدقت تسمع اذان العشاء تبي تنفك منه ومن المشاعر الي تداعب قلبها هزته من كتفه تحرك وابعد يده عنها:اذن العشاء
انتبه لنفسه نايم بحضنها فز جالس مسح وجهه سيطرت عليه مشاعره مع المطر وضعف قدامها وهذا الي مايبيه ماوده يفصح عن حبه وهي تبي الطلاق
من قام عن حضنها وقفت بسرعه وطلعت ابتسم بقهر على نفسه [ المحبه والغلا لها لابد اكتمها افضل لي ولها ]
:
فتحت الباب على صراخها واقفه عند المرايا وشايله الضمادات وهي تتلمس الحرق بشويش وبصدمه تعتلي وجهها
وشهقاتها تتابع حضنتها افنان الي ماقدرت تمسك بكيها دخلت الجده والعمه بخوف:شبلاكن
العمه قربت منهن من شافت وجهه فاتن:لاحول ولاقوة إلا باالله تعوذن من الشيطان
ابتعدت فاتن وهي تأشر على وجهها تنتقل نظراتها بينهن :تشوفونه قولوا اني اتوهم ووجهي مابه شي صح
افنان برجاء:فاتن
انهارت فاتن على الارض وبكيها الموجوع وصل لسياف الي كان بالحوش ولاارادي منه ركض للبيت وقف ورا جدته وعينه على الي بالارض تصيح صياح يقطع قلبه انتبهت له جدته ضربته بقوه على صدره تدفعه قفلت الباب بعصبيه:انت ماعاد استحيت
التفت لجدته وعيونه مليانه خوف عليها يبي تطمنه رجعت تدفه لبرا:لاوالله ماانت سياف الي ربيته انقلع
ثبت نفسه بعد مادفته جدته للحوش بقوه كل صبره المعروف فيه تبخر موقادر يصبر لين ولادتها وده يحضنها ويهديها هو احق انه يشوفها اكثر من غيره
موقادر يطلع وهو يسمعها تبكي بهالشكل صار رايح جاي بالحوش صد اول ماطلعت افنان الي وقفت تناظره بحزن واضح لها خوفه وضوح الشمس كيف وهي شاهده مع هبوب على حبهم البريء:فاتن بخير
التفت لها:شبلاها
افنان تنهدت:شافت الحرق الي بوجهها وانهارت
بروح اجيب ممرضه تعطيها مغذي انتبهوا عليها
طلعت وهذا عذرها تبعد عن اختها هي اضعف من انها تشوف اختها بهالشكل اسرعت بخطواتها لبيتها اول ماقفلت الباب انهارت تبكي
طلع على صوتها اسرع لعندها حضنها:اقنان بسم الله عليتس شبلاتس تصيحين
شدت على ضمته :تعبت والله تعبت ماعمرها الدنيا عيشتنا بفرح كل حياتي اعيشها بخوف وقلق ابي ارتاح
مسح على ظهرها يهديها كل مره تروح لاختها ترجع منهاره:تعوذي من الشيطان
ابعدها عن حضنه مسح وجهها من الدموع وابتسم
:
أنت تقرأ
كل مخلص في الهوى واعزتي له...لوتروح سنين عمره ينتظرها
Randomرواية كل مخلص بالهواء واعزتي له ... لو تروح سنين عمره ينتظرها الكاتبة: آمان القلب الرواية كتبتها سنة 2019 لكن مانشرتها وقررت انشرها الان تم التعديل على فصولها وبعض الأحداث ** نزول البارتات حسب الوقت الي اكون فاضيه فيه اتمنى تدعموني بتعليقاتكم وات...
