اه ياقلبي اللي مابقى فيك حيل
من كثر ماطواك الشوق ولد الحرام
قلت لك لاتميل إن طعتني لاتميل
بس هذا أنت ملت وماسمعت الكلام
-
اول ماطلع استقبلته اشعة الشمس البارده غطى عينه
وهو يزفر وقفت قدامه سيارة:طالع من الشر يالخوي
ميل فمه وهو يقول بداخله(الا والله انتوا الشر بعينه)
مارد ركب السيارة وغطى وجهه بالشماغ:لاتصحيني لين نوصل
مد له الجوال:ابشر بس لازم تبلغه انك طلعت
تعدل بتأفف:هاتتت
شاف الابراج ضعيفه انتظر لين وصلوا حدود الابراج
واتصل سمعه يرحب فيه:ياهلا ومرحبا ماصدقنا تطلبنا خدمه
:اكيد ماتصدقون عشان تمسكونها علي الس
قاطعه:إن كان ودك نهد حيلهم ترانا جاهزين
قال ببرود حاول مايبين العصبيه بصوته:والله لويطول اذاكم ديرتي لااكون اول من يحرقكم ويفضحكم تسمعني
ضحك بخبث:حقييير مالك صاحب ياخالد
قطع الاتصال بوجهه مااحقر من الي جنبه الا هو
وصلوا للمستودع نزل تمنى ترجع سنينه ولايدخل هالمستنقع النجس ويسلم منهم حتى السلام مايعترفون فيه تحيتهم كم بعت وكم وزعت
اول ماشافه التفت وراه:الشنطه وين؟
خالد بإستفزاز :صح ما عطيتكم خبر انحرق بيتي بالي فيه
مسكه مع ياقته بعصبيه:وانت صاحي تحطها ببيتك
خالد:موانت الي تقول خلوكم على المكشوف
لكمه على وجهه بقهر مسك فكه وهو يناظره بحده:قد هالضربه ياجبر
جبر بعصبيه:ايه قدها وشبتسوي
اعتدل وهو يبتسم بسخريه:لاابد موانا الي بسوي
التفتوا كلهم على صوت سطام الي جاء اول مابلغوه ان خالد موجود بالمستودع :شصاير هنا
خالد ضحك من سمع جبر يشكيه وهالشي خلى جبر يولع غضب سطام التفت لخالد:نسمع ياخالد
خالد:ابد هذا جبر وهذي حركاته مضيع الشنطه وحاطها براسي
وسع عيونه جبر:كذاب هو الي استلمها من...
رفع يده يسكته:القصه كامله ياخالد
خالد بخبث من زمان غاثه وساد طريقه هالجبر:اول ماسلمتنا الشنطة حطيتها عنده وبعدها بيومين جيت اتأكد منها واكدنا تسليمها للموزع لكن التاريخ الي اتفقنا عليه ماجاء لاهو ولاالشنطه
التفت بشر لجبر:الشنطه وين
جبر بلع ريقه بخوف ولاتكلم فز من صرخ سطام:الشنطه فين ياجبر
جبر:والله مااعرف عنها شي وخالد يكذب الشنطه عنده
مااعطاه اي فرصه اشر للي وراه يجرونه وياخذ نصيبه
ابتسم لخالد:ياحي بطلنا
:
بالليل
دخل البيت بثوبه الاسود وعليه جكت ثقيل بنفس اللون شافته متجهه لها سحب منها الكبريت الي كانت تحاول تشعل النار قدامها: لاتشبين هالوقت وترا بكره طالعين كشته جماعيه
رفعت عيونها له:مع مين
تأمل عيونها الي من عرفها وهي معانقها الكحل الثقيل وزايد حدت عيونها انتبه لها تأشر بيدها قدامه تنهد واعطاها ظهره:بنطلع مع اهل سياف واهلي واحتمال نواف وزوجته
وقفت وهي تشيل اغراض القهوه الي كانت بتزينها بحماس:اخيراً هواء طلق لاجدران ولاغمه بشوف الناس
ابتسم وهو للان معطيها ظهره الي يسمعها يقول انه حابسها بالبيت مرت من جنبه للمطبخ مسح على وجهه بزفره طويله (اخخخ بس نظره لعيونها تلخبطني وتهدني هد يارب كيف بتركها ويختفي حسها من البيت كيف برجع مااشوفها ياربي صبرني) رفع راسه من قالت وهي تطل عليه من المطبخ:فيك شي
هز راسه بلا ورجعت دخلت للمطبخ رفع راسه للسماء
مبتسم بحسره عقد حاجبه من وصلته ريحة القهوة وقف عند باب المطبخ تزين القهوه بدله صغيره:قهوة تالي الليل
رفعت فنجان:تتقهوى معي
هز راسه بلا:فيني النوم
طلعت شايله صينية القهوه مشت من جنبه للحوش
راقبها لين جلست بنفس مكانها المعتاد كيف انقلبت وصارت هاديه حتى عقدت حواجبه مفكوكه دخل الغرفه
الدافيه ناظر للسرير الي مرتب ومقسوم بمخدات كان هذا اقتراحها بما ان الغرفه الثانيه صغيره وبدون اثاث ينامون على السرير ومحد يقرب الثاني وهي ماتنام الا بعد ماينام هو
حس بقلبه يشتعل نار بكل شي تبين له انها ماتبيه ولاعندها نيه بالبقاء وتوده حتى التسريحه مقسومه اغراضهم فيها
ضغط على اسنانه بقهر سحب المخدات وهو يرميها بعيد
رمى نفسه على السرير بدون لاينزل ثوبه في محاوله للنوم
سحاب تمنت انه يجلس ويسولف معها طفشت وهي لحالها امها تطردها ماترضى تسهر عندها وهبوب اخر الليل تنام وايمن من يدخل البيت يهجد وينام وكلامه رسمي معها
تأففت وهي تقلب بجوالها بملل رمته جنبها:اااف ليت فيه نت سنع هنا عشان اطير هالملل ماغير مقابله هالجدران
وقفت بسرعه اول ماسمعت طق على الباب الفاصل
قالت بشويش:ميين
فتحت اول ماسمعت هبوب بفرحه: تكفين قولي بتسهرين معي طفشت لحالي
هبوب بهمس :ورجلتس وين
سحاب بقهر:نايم
هبوب :تدرين انهم مخططين بكره على كشته
سحاب:ايه قالي ايمن كلكم ؟
هبوب بنفس الهمس :ايه عمتي بتروح وفاتن بعد يمكن تجي
سحاب:وأمي
هبوب:امتس وجده بروح لهم الصبح بقولهم
مدت لها كيس:امسكِ
اخذته وهي تفتحه بإستغراب:وشو
رفعت راسها لهبوب بإمتنان:شكراً تعبتس معي
ضربتها على كتفها بخفيف وعتب:هذي اخر مره تسمعيني مره ثانيه تبين شي رجلتس عندتس اطلبيه ماراح يقصر وبعدين خرابيطتس هذي موجوي فكل مره اوصي حمد يشك فيني وين اوديهم مايشوفني اكلهم
سحاب ضمتها بضحكه:اسفين تعالي يلا
هبوب بعدتها:وين اجي اقول طسي انتِ حقت سهر وانا اقدر لازم انام
سحاب:مالت الامالت تقل عجيز
ضحكت هبوب واضح انها طفشانه لاخر حد:تعالي عند جده عشان نجهز للكشته
هزت راسها وودعتها قفلت الباب بالمفتاح وراحت للمطبخ حطت العصيرات في الثلاجة والشبسات والبساكيت بدولاب ورجعت جلست تتقهوى
جلس بقوه وهو يتأفف له حول الساعه يتقلب يحس راسه ثقيل اتجهه للشباك فتحه بهدوء كان مطل على جهة الحوش الي هي جالسه فيه ابتسم متكيه بظهرها على الجدار تناظر للسماء تتقهوى وتدندن بهدوء
حط يده على قلبه:ياكذبك تقول بتنساها وانت لالمحتها فزيت
بعد تأمله قرر يروح لها ضحك بهدوء من فزت لما جلس جنبها:ريحة قهوتس ماخلتني انام
انبسطت موعشانه لا عشان بيروح الطفش وبتسولف مع اي احد حتى لوهو وقفت بتجيب له فنجان لكنه مد فنجالها بإبتسامه تخصرت:لاوالله فنجالي
نزل يده وسحب الدله وصب له كانت القهوه على النهايه مع ذلك شربه عقدت حاجبها:كيف تشرب اخرها
ارتكى واشر على مكانها:عادي اجلسي
جلست وصارت اقباله بالضبط قريبه لان الفرشه صغيره
سكتت وهي تلعب بالخاتم الي باصبعها لكن صدمها من سحب يدها: من أمي الخاتم؟
توترت من مسكته:ايه اهدتني اياه امس
ماسك كفها بيساره وتلمس الخاتم بيمينه ابتسم بحنان :ماانساه هالخاتم اشترته قبل سنه كنا بالرياض فجاءه قررت نروح محلات الذهب واصرت علي وعلى حمد كل واحد يختار خاتم اخترنا واحنا مستغربين لما رجعنا للديره قالت هالخواتم بتظل عندها ومحد بيلبسها الا حريمنا
سكتت لودرت ان الخاتم من اختياره مالبسته من تطلق يرجع الخاتم له ضم كفوفها بيده:يدتس بارده
سحبت يدها بسرعه ودستها بحضنها توتر الجو بينهم
ايمن مايقدر يسيطر على مشاعره لاكانت بجنبه وبهالهدوء
وهي تنخرس تماماً من حركاته الي يفاجئها فيها وقفت:بجدد القهوه
ماتكلم هز راسه يناظر مكانها حطت الدله وهي تهف على نفسها :وش جاتس ياسحاب
:
يادوب يفتح عيونه من النوم الي هاجمه واقفه عند باب الغرفه
:ارحم روحك من هالشغل قوم نام
رمى القلم فوق الاوراق المبعثره حوله وبجنبه كوبين قهوه مسح على وجهه بتعب:لازم اخلص هالاوراق قبل ارجع
جاته وهي تسحب الكوب الي رفعه يشرب:بتذبحك هالقهوه
رجع اخذ الكوب منها:تكفين ياافنان اتركيني
تكتفت بزعل:طيب نام والصبح تكمل صارلك24ساعه صاحي
شافته طنشها ورجع لاوراقه تكرهه شغله الي يضيع اغلب وقته عليه رجعت انسدحت مكانها الا دقايق انفتح الباب شافته متجهه للسرير يجر نفسه جر اهتز السرير من انسدح بقوه لفت بجسمها لجهته منسدح على بطنه ووجهه مقابل لها مغمض عيونه وهالات قل النوم واضحه بوجهه:لاتصحيني الا للصلاه
مسحت وجهه وظهره بحب وهي تدعي ربي يسهله هالقضيه ويفتك منها اخذت صحته واخذته منها ابتسمت من سمعت شخيره يرتفع من الجهد الي باذله جسمه عدلت سدحته ولحفته ونامت وهي تستودعه
:
أنت تقرأ
كل مخلص في الهوى واعزتي له...لوتروح سنين عمره ينتظرها
Randomرواية كل مخلص بالهواء واعزتي له ... لو تروح سنين عمره ينتظرها الكاتبة: آمان القلب الرواية كتبتها سنة 2019 لكن مانشرتها وقررت انشرها الان تم التعديل على فصولها وبعض الأحداث ** نزول البارتات حسب الوقت الي اكون فاضيه فيه اتمنى تدعموني بتعليقاتكم وات...
