مرت يومين بقلق على حمد الي ينتظر جيت ابو زايد ويشيل عنه هالحِمل الي مايقدر عليه ومااشاف سياف الا عدت مرات بينهم سلام وسكوت كل واحد فيهم ينتظر الثاني يبادر كبر الصد بينهم والكل حزنان عليهم وكيف دخل الشيطان بينهم
سحاب تحاول انها ماتجلس لحالها عشان مايطري عليها ايمن طول وقتها عند امها وجدتها او مع جنى الي ماتخلص سوالفها
الجده للان ببيت العم لافي ماهي مرتاحه ودها ترجع لكن تبي سياف يتعود على سجى ومجالسها لانه لورجعت بيحطها عذره ومانست فاتن من دعواتها
سياف عايش بين نيران الاختيار مابين مشكلته مع حمد وبين فاتن الي يشوفها تروح منه يوم بعد يوم ولابيده شي وبين سجى الي تطبخ وترتب وتجلس تاكل وتتقهوى معه بدون حكي وترجع غرفتها تقفلها
حامد وفريقه اضطروا يأجلون المداهمه كم يوم ينتظرون يراقبون كل الجهات وبعض الاشخاص ونواف على نار ينتظر متى يحن حامد عليه
بعد يومين وليله وصل ابو زايد الديره شايل هم ايمن تواصل مع نواف قبل يجي وللاسف ماتحركوا ومافيه اي خبر عن ايمن اول ماوصل طق الباب وانتظر كثير جاه صوت حرمه غريب عليه:انا ابو سحاب يابنتي
سجى: الجده وعمه هبوب تلقاهم ببيت ابوي
عقد حاجبه:انتِ بنت لافي
سجى:ايه
ابوسحاب:تسلمين مع السلامه
مشى لبيت لافي بيرتاح ومن بكره يروح لحمد وابوه فتح له لافي وانبسط بجيته رفض ابوسحاب القهوه بسبب تأخر الوقت وانه بس يبي النوم دام كل الي بالبيت نايم تقلب طول ليله مابين وساويس وتفكير
:
عند ايمن بالمستودع كل يوم يحاول فيه سطام الي مُصر ان لهم احد ثاني عنده وعصبيته كل يوم تزيد بسبب توقف اشغاله وطبعاً يفرغ هالعصبيه بايمن الي ساكت ماغير ابتسامه ساخره على وجهه
دخل خالد بسرعه وهو يمسك يد سطام قبل توصل لوجهه ايمن كاتم عصبيته:بس ياسطام لاتوصخ يدك تعال نحل بيعت ساطي
نفض يده وتنفسه عالي واعطاه سبه وهو طالع
تنهد خالد لف بنظره لايمن الي بالارض لاحول ولاقوه بهمس:اصبر هاليومين بس واطلعك خويك موراضي يتحرك
طلع بسرعه من سمعهم ينادونه اعطاه سطام نظره غريبه :اذلف للكلب ساطي افحص الي معه
اسرع للسياره الي واقفه خلف المستودع كان ساطي يدخن ويدندن
خالد مد يده:هات الي عندك
رمى عليه الشنطه الصغيره بحجم الكف فتحها خالد ونثر شوي على كفه ميل فمه وهو اكثر واحد يورط سطام بزباينه ان بضاعتهم مغشوشه ويحطها براس اي احد ببرود ولايهمه مستغل ثقة سطام فيه:اممم
ساطي رفع حاجب بعدم اعجاب:وشعندك
خالد قفل الشنطة ورماها عند رجل ساطي:توكل مالك بيعه عندنا
ساطي وسع عيونه:من انت عشان تقرر هااا
خالد ابتسم:ابد بس مايتحرك سطام الا بشوري فتوكل
ساطي مصدوم من هالشخص كيف يقول كذا سطام معروف بسوقهم يمشيهم كلهم مستقيم كيف ذا يجي ويقول هالكلام :انت صاحي للي تقول روح روح ناده بس
طنشه خالد ومشى يضحك تارك ساطي واقف مكانه اول مادخل للمستودع غير ملامحه توجهه لسطام على طول:ساطي لازم تأدبه
سطام:وش صار
خالد:جايب بضاعه رخيصه وغصب عنك تشتريها
سطام :غصب عني اشتري
خالد ابتسم من سمع سطام يقول للاثنين الي واقفين:شوفوا شغلكم مع الكلب ساطي علموه مين سطام
خالد:ايه هذا سطام الي اعرفه رجاال
أنت تقرأ
كل مخلص في الهوى واعزتي له...لوتروح سنين عمره ينتظرها
Overigرواية كل مخلص بالهواء واعزتي له ... لو تروح سنين عمره ينتظرها الكاتبة: آمان القلب الرواية كتبتها سنة 2019 لكن مانشرتها وقررت انشرها الان تم التعديل على فصولها وبعض الأحداث ** نزول البارتات حسب الوقت الي اكون فاضيه فيه اتمنى تدعموني بتعليقاتكم وات...
