كنت ابيك إنتقام و صرت لقلبي غرام

الجزء الثالث

الفصل الثالث
___
(عند رسيل و وسيم)
رسيل مسكت كتفه و بعدت عنه و لفت بظهرها من دون اي كلمه او رياكشن و بدات ترتب علبة الاسعافات .
وسيم ابتسم و تقدم وحضنها و همس في اذنها:القبلة في الحب كالراية البيضاء في الحرب و معناها أن معركة الحب والغرام قد بدأت فعلاً....I l o v e u ، و ابتسم و باس خدها و طلع.
رسيل بعد ما شافته طلع ابتسمت و زفرت براحه و حضنت علبة الاسعافات بفرح.
__
(مركز الشرطه)
سالم ما زال يحاول حل قضية سطام و وسام و كان يدور على عنوان سكن وسيم و اخوانه و لا كان لهم اي خبر عن مكانهم.
بدر:احتمال يكونون رجعوا السعوديه.
سالم ماسك راسه:لا تأكدت أنا من الخطوط ما كان فيه اي سفر خارج الولايه او داخلها.
بدر:أجل وين راحوا؟
سالم يرفع ورقه:ما أدري.
بدر وقف:طيب ،أنا باروح ادور في الحي اللي كانوا فيه من قبل و بالاحياء اللي جنبها يمكن نلاقيهم.
سالم وقف:حلو و خذني معك.
بدر:ما تبي ترتاح.
سالم:لا ، لان بعد مشوارنا بنروح لمزرعة سطام ، و طلعوا الاثنين مع بعض.
__
(بالكلوب)
بغرفة ماغي كانت تتزين عشان تطلع تغني و فجأه حست فيه صوت ناحية الدولاب و ناظرت وراها:شو هالصوت؟ ، و فجأه وقف الصوت، رفعت اكتافها و رجعت ترسم مكياجها و كانت ثواني الا بيطلع زياد من الدولاب.
ماغي صرخت و ناظرت بسرعه:شو هاد، مين حضرتك؟
زياد مسك ظهره بالم و وقف:اهدي أنا جاي بس عشان اشوفك و اتكلم معك.
ماغي بعصبيه:عن شو بنحكي؟ اطلع لبرا.
زياد بترجي:تكفين اسمعيني، انا تعبت لين دخلت لهنا و تركت شغلي من بدري و كذبت عشان الطلعه كلها عشانك.
ماغي تخصرت و بابتسامه:شو بدك مو بيكفي اني بشوفك برا.
زياد تخرفن:لا و الله ما يكفي، أنا...أنا شخص معجب فيك و معجب باول يوم شفتك فيه و أحبك لا مو احبك الا اعشقك و أعشق عيونك و جمالك و كل شي، كلك على بعضك كيكه..كيكه تهبل.
ماغي ضحكت.
زياد:لبى الضحكه و صاحبتها و الله.
ماغي:اوكيه يا...
زياد ما زال متخرفن:زياد ياروح زياد.
ماغي بدلع:اسمك بيجنن، اوكيه زياد دامك بتحبني انا كمان بحبك.
زياد:لبى عيونك اللي تحبني و قرب منها بس ماحس الا و احد يمسكه و يسحبه و صرخ:هيييه لحظه، وش تسوون؟
ماغي خافت:شو صاير هون؟
الحرس:احنا اسفين يا انسه بس المفروض ما يكون هون.
ماغي تخصرت:و هاي اوامر مين.
الحرس:اوامر السيد طوني.
ماغي بامر:اتركوه.
الحرس ماسكينه بقوه و يناظرون لها.
ماغي صرخت:قلت اتركوه.
الحرس فكوا زياد و زياد سحب نفسه منهم و وقف جنب ماغي.
ماغي:قول للسيد طوني اني انا باحكي معه بعد ما اخلص شغلي برا، فهمت.
الحرس هزوا رووسهم بايه.
ماغي اشرت بيدها و بعصبيه:لبرا.
و طلعوا الحرس.
زياد:أنا آسف اذا سببت لك إزعاج.
ماغي ابتسمت:انت اجمل من يزعجني ، و قربت منه و رفعت يدها و رفعت شعره عن وجهه:و بكذب عليك اذا ما قلتلك إنه انا من زمان بدي كون معك ، و قربت منه اكثر:ومن اليوم و رايح ، وهمست:بدي تكون معي على طول.
زياد ابتسم و توتر من قربها و فز لما صرخ طوني من عند الباب:مااغي.
__
(بالمزرعه)
رند طلعت بسرعه من غرفة رسيل بعد ما خلصت من الشاور، اخذت نفس من عند الباب و دخلت بهدوء و انتبهت لعدنان واقف، دق قلبها وكشرت في وجهه:وش تسوي هنا؟
عدنان ابتسم:ابد، واقف مع العامل عشان مسألة حمامك الوصخ.
رند بحده:الوصخ انت، تفضل اطلع برا.
عدنان:و أخليك مع العامل لوحدكم.
رند:عالاقل مأتمنه نفسي معه و لا معك، و بعصبيه:اطلع من هنا اطللع.
عدنان كان بيتكلم بس انتبه ليزن خرج و يناظر له باستحقار:انا خلصت يا استاذ عدنان.
عدنان بتكبر:السيد عدنان.
يزن ببرود:كلها نفس بعض.
عدنان طلع فلوس ويعدها قدامه:كم حسابك؟
يزن تنهد:الحساب ما اخذه منك اخذه من الانسه رنا.
عدنان ناظر له:و ليه؟ بالاخير كلنا واحد.
رند تخصرت:لا رنا المسئوله عنهم و انت مالك اي علاقه فيهم.
عدنان:اسكتي عشان ما اسكتك بطريقتي.
رند وقف شعر جسمها و رجعت ورا بخوف وهالشي ما خُفي عن يزن.
يزن وقف قدامه:شكراً لك سيد عدنان و انا اتفقت مع الانسه رنا اني ما راح اخذ اي شي، و ناظر لرند:ممكن توريني الطريق، و غمز لها.
رند بلعت ريقها و مشت قدامه و يزن مشى وراها و نزلوا تحت و وصلته الين الباب.
يزن:شكراً.
رند:شكراً لك أنت.
يزن ناظر للدرج و بهمس:رند قوليلي، الرجال اللي فوق مهددك بشي.
رند بلعت ريقها و ناظرت فوق و ببحه:لا.
يزن بنفس الهمس:صدقيني ان سرك ببير و اوعدك ما راح أقول لأحد.
رند هزت راسها بلا:مافيه شي يا يزن خلاص روح، و رفعت يدها بتوتر تبعد شعرها و ترجع تمسك يدينها.
يزن مسك اكتافها و ناظر لها:انا مو مصدقك و اذا انتي مو حابه تتكلمين معي فلا تخبينه عن اخواتك و الا صدقيني راح تندمين بعدها لانك كتمتي هالشي بقلبك.
رند نزلت دموعها و عضت على شفايفها و هزت راسها بايه.
يزن رحم شكلها و باس جبينها و طلع بسرعه.
رند بكت بصمت و مكانها.
يزن طلع و شاف وسيم واقف ينتظره، تنهد:وسيم خلصت.
وسيم ناظر له:ادق على زياد ما يرد.
يزن حط العده بالصندوق:ايه خبرني انه الانسه رنا سمحت له يطلع.
وسيم دخل جواله ببنطلونه:وأكيد رايح عشان المغنيه المعفنه.
يزن قلب فمه:مادري عنه، و كشر.
وسيم ضرب كتفه:وش فيك؟
يزن تنهد:قابلت ذا عدنان فوق و خرب علي فرحة اليوم.
وسيم كشر:وجع و الله، ما عليك منه بس قولي وش الفرحه فيه شي معين.
يزن هز راسه بلا:بس... و سكت، ناظر لوسيم:ممكن نرجع البيت لاني ميت جوع.
وسيم ما حب يضغط عليه:ابشر، اركب انت و انا باشيل ذي.
يزن ابتسم و لف لما نادته رنا:يزن.
يزن:نعم آنسه رنا.
وسيم ابتسم لما شاف رسيل مع رنا و رسيل ابتسمت له.
رنا:قالوا لي انك صلحت العطل بحمام رند، كم حسابك؟
يزن ببرود:ما راح اخذ شي يا آنسه.
رنا:ليه و هذا تعبك.
يزن:مافيه شي يتعب اعتبريه هديه.
رنا برفض:لا لا ما ارضا على هالشي.
رسيل ناظرت ليزن:انا مع رنا يا يزن لازم تاخذ حقك.
يزن عصب:و انا قلت ما راح اخذ و لا تناقشون لو سمحتوا.
وسيم بصدمه:يزن
رسيل ناظرت في رنا باستغراب.
يزن انتبه لنفسه:أنا اسف يا أنسه بس صدقيني لو انا بحاجتها ما راح اردها.
رسيل بشك:سمعت من احد شي؟
يزن هز راسه بلا.
رسيل:متأكد.
يزن هز راسه بايه.
رنا:اوكيه دام ما راح تاخذ فلوس انت و وسيم ماراح تروحون من هنا الا لما تتعشون هنا و هالكلام مافيه رجعه.
رسيل لوسيم:و هالكلام امر و جاري التنفيذ بسرعه.
وسيم ابتسم:بس يا انسه.....
رنا قاطعته:و لا انسه و لا شي عالمطبخ عند سميحه بسرعه ، و ناظرت ليزن:عالاقل اكافئك بشي ، و مشت.
يزن لف عن وسيم و رسيل اعطته غمزه بعينها و مشت بسرعه تاركه وسيم مبتسم.
__
(عند رنا)
دخلت و شافت رند جالسه عالكنبه و سانده راسها عالكنبه و تمسح دموعها، عقدت حواجبها:رند.
رند ببحه:نعم.
رنا:وش فيك؟ ليه هالدموع؟
رند:و لا شي، بس تذكرت بابا.
رسيل دخلت و شافتهم:وش فيهم الحلوين؟ و جلست جنب رند:ليه الدموع؟
رنا:تقول تذكرت بابا.
رند بغصه:اشتقت له حييل من يوم راح و انا احس ان ماعاد فيه أمان بهالدنيا.
رسيل:حبيبتي، و حضنتها و رنا جلست على ركبها قدامها وًمسكت يدينها.
الخال لؤي من وراهم:قبلة اولى، ضحكة اولى ،وعناق اول..هي كل ما احتجت اليه يوماً لاعلم انك لست انثى كأي انثى
ولاعلم انني لست رجلا لاي انثى سواكِ
قبلة من شفاهكِ لها طعم السكر واكثر
لها مفعول كأس نبيذ واكثر ،لها تاثير السحر واخطر....
البنات ابتسموا على كلامه.
لؤي ماسك كتاب بيده:بربك قولي لي؟
من اين لك هذا الحسن كله
ومن علمك سرقة القلوب
لتسرقي قلبي بخفة لص متمرس
لتسقطيني عاشقا ،بمهارة قاتل محترف
يا كوكباً اخر، يا شمساً أُخرى يا قمراً ثانياً يا عالمي كله
كوني وطنا لي وحدي ، حلمي وحدي .. واسطورة حبي الابدية.
البنات يتذكرون اللي صار لهم و ساهيين.
لؤي عقد حواجبه و ناظر لهم:بوش سارحين؟
البنات ما سمعوا و لا كلمه.
لؤي صفق بيدينه:صبااايا.
البنات ناظروا له كلهم وكل واحده تناظر الثانيه عشان تقول لها وش صاير؟
لؤي:وين رحتوا هاه؟ جالس أقول شعر و أنتوا سارحين بخيالكم لبعيد هاه، قولوا لي وش صاير؟
رسيل تصرف:تو يعني انت تقول شعر جميل زي هذا و لا تبينا نتخيل كيف كان احساس الشاعر وقت ما كتبه.
رنا فهمت عليها:تصدقين شكلها كانت مخرفنته.
رند:و انتوا وش عليكم منه؟
رنا وقفت:اي و الله، عن اذنكم باروح اخذ شاور.
رسيل وقفت:خذيني معك ، و طلعوا الثنتين.
لؤي ناظر في رند:وش قصتهم هالثنتين؟
رند رفعت اكتافها بهدوء.
لؤي تنهد ومسك يد رند:حبيبة خالو وش فيها؟
رند:و لا شي بس بابا وحشني.
لؤي:و إذا وحشك تجلسين شهر ونص متغيره علينا و لا تتكلمين و تصرخين مثل اول، قولي لي يا روحي وش مضايقك.
رند زفرت بقوه و وقفت و مسكت كرسي خالها:ما فيني الا العافيه و ممكن ترجع تقرا لي الشعر اللي قبل شوي لان ابي اصف احساس الشاعر.
__
(بالكلوب)
زياد يناظر في ماغي بحب و بابتسامه ما فارقته، انتبه لطوني جلس جنبه:شو بتحب تشرب يا اخ زياد.
زياد:و لا شي.
طوني:ولو ع حسابي.
زياد:انا ما اشرب، شكراً لك.
طوني:حتى البيره الحلال.
زياد من دون ما يناظر له:كلها.
طوني:ايه براحتك ، و ناظر في ماغي و سكت شوي ، اخذ نفس:ماغي حلوه مو؟ وناظر له.
زياد هز راسه بايه و مبتسم.
طوني:كل الناس بيجو لهون من شانها ومن كل مكان، شهرتها واسعه كتير.
زياد ببرود:شي طبيعي لانها حلوه وصوتها حلو.
طوني يسكب له شراب:معك حق، سبب وقوفها عالمسرح هونيك و حب الناس الها هو انا.
زياد ساكت و يسمع.
طوني أشر عليها:لميتها من الشارع بعد ما طردها بيها من البيت و وقتها كانت عم تبكي من شان تصير مشهوره و حققت لها حلمها بهالشي، بس،وشرب الكاس كله:بس شرطت عليها بانها ما تفكر تحب اي حدا لانها بتنفصل من الشغل على طول و ما راح تلاقي شغل متل هون لاني انا مدير اعمالها وعدتها باني راح اخليها مشهوره بكل انحاء العالم مثل بيونسيه و شاكيرا و مايكل جاكسون، بس دخلت انت بحياتها و شكل الحلم بدأ يتلاشى من قدامها و من دون ما بتعرف.
زياد ساكت.
طوني وقف:بصحتك زيزو و مشى.
زياد تنهد و مسح وجهه بتعب و يناظر لماغي.
__
(بالمزرعه )
و بالمطبخ مع سميحه يزن و وسيم جالسين ياكلون و يسولفون مع سميحه.
يزن بصدمه:يعني اللي اسمه عدنان بيصير ولد خالتهم.
سميحه هزت راسها بايه:و ما حدا عرف الا من كم شهر.
وسيم:قصته غريبه.
يزن:طيب قوليلي ، و مسح بابهامه حاجبه:كيف سلوكه بالبيت؟
سميحه عقدت حواجبها:ما فهمت.
يزن:اقصد انه مؤدب مع البنات يحترمهم يكرههم يغلط عليهم.
سميحه:اها، بالنسبه الي اذا شفته بشوفه انسان مهذب و مرتب بس، و قربت منهم همست:طاح من عيني بعد ما حاول يتعدا على الانسه رسيل بوسط غرفتها.
يزن و وسيم بحلقوا عيونهم.
سميحه تنهدت:و هيدا الشي صار قبل ما يموت السيد سطام بيوم و طرده من البيت بعدها.
وسيم بحقد:حققير.
يزن:كيف و انتي قلتي ما عرفوا ان عندهم ولد خاله الا قبل شهور.
سميحه هزت راسها بايه:موو السيد عدنان خطيب الانسه رسيل.
وسيم كأن احد صفقه كف و بصدمه:خطيب رسيل.
يزن:ما تستاهله و الله.
وسيم:يعني رسيل مخطوبه.
سميحه كانت بتتكلم بس انتبهت لعدنان و وقفت:اهلاً سيد عدنان عاوز شي.
عدنان بعصبيه:ليش ما تردين عالتليفون و الا لازم انزل هنا عشان اقول لك.
سميحه:العفو منك بس التليفون تبع المطبخ عطلان.
عدنان بعصبيه:و ليه ما تكلمتي عشان احد يجي يصلحه و الا عاجبك دق الحنك مع العمال و الا لقيتي اللي من نفس طبقتك و نسيتي خدمة اسيادك.
وسيم بحده:هههييه احترم الفاظك.
عدنان ناظر له:و انت وش دخلك؟ ماعطيتك الاذن عشان تتكلم.
وسيم بقرف:و من حضرتك عشان تعطيني الاذن.
سميحه:وسيم حبيبي بيكفي روحوا من هون اذا شبعتوا و مشكلتي أنا بحلها.
يزن مسك يد وسيم و اشر له بيلا، و وسيم اخذ كابه و طلع و لما وقف عند الباب عدنان بضحكه:مسوي نفسه رجال و قوي و الرجوله بصوب وهو بصوب.
وسيم هنا ماعاد مسك نفسه و رجع:مين اللي مو رجال هاه.
سميحه صرخت:لحظه وسيم.
وسيم بسرعه ضرب عدنان بوكس بوجهه و يزن بسرعه مسكه و وسيم يصرخ بوجهه و سميحه ماسكه عدنان اللي يمسح فمه من الدم و يناظر وسيم بحقد.
وسيم:مين اللي مو رجال الحين.
عدنان صرخ:اطلع برا.
يزن ماسك وسيم:وسيم اهدا ما يحتاج تفور دمك عشانه.
عدنان فك نفسه من سميحه و راح لوسيم و بسرعه ضربه بنفس الطريقه و قعد عليه.
يزن صرخ:ابعد عنه ،و دفع عدنان و لا قدر و بسرعه وسيم رجع ضرب عدنان وعدنان رجع ضرب وسيم و سميحه و يزن ماقدروا يبعدونهم عن بعض.
نزلوا البنات و الخال لؤي على صراخهم و انهبلوا من اللي يشوفونه و البنات يصرخون و فجأه صار طلق نار من لؤي خلاهم يوقفون اثنينهم.
رسيل جات بسرعه و بغضب دفشت عدنان عن وسيم:وش فيه وش صاير؟
رنا:ليش الخناقه هذي، بتذبحون بعض.
رسيل ناظرت في وسيم وجلست و مسكت جروحه:صار لك شي.
وسيم بعد يدها و وقف بتعب.
رسيل انصدمت و وقفت معه.
رنا:وش صاير هنا يا عدنان؟
عدنان يتنفس بتعب:هو اللي بدأ و اعتدى عليه.
يزن ماسك وسيم:انت اللي بديت تغلط عليه.
عدنان:لا و الله حطوها فيني لانكم اثنين، و أشر:سميحه شاهده إنك أنت اللي بدأت.
سميحه ساكته و منزله راسها.
يزن:انسه رنا هو نزل لهنا و تكلم على سميحه و غلط عليها وعلينا و سكتنا و لما طلعنا من الباب تكلم على وسيم و وسيم رجل شرقي و دمه حار و ضربه و السيد عدنان رجع يضربه.
رسيل ناظرت لسميحه:صدق الكلام اللي قاله يزن.
سميحه هزت راسها بايه.
وسيم لرنا:مو اول مره يغلط معنا بس حنا ساكتين عشانك و الا هو شخص ماله شغل فينا حتى لو كان من اهل البيت و ياليت تشوفين حل يا انسه رنا، مسك مقدمة كابه:بالاذن.
و طلع مع يزن.
رسيل ناظرت له بحقد:انت شخص حقققيير و غبي و ما يفهم كمان ، و مشت من عندهم و طلعت ورا وسيم.
رنا:اطلع لفوق عدنان عشان نتكلم مع بعض.
لؤي:هذا أول خططك انك تتعدا عالعمال و تتضارب معهم، عيب و الله عييب ، و مشى بكرسيه.
و طلع عدنان مع رنا و سميحه جلست بتعب.
__
(عند رسيل)
طلعت ورا وسيم و شافته يمشي مع يزن و صرخت باسمه:وسيم.
وسيم غمض عيونه و وقف و يزن وقف معه.
وسيم:امش روح قبلي السياره.
يزن هز راسه بطيب ومشى.
رسيل:وسيم.
وسيم ناظر لها:نعم.
رسيل رفعت يدها:أنت بخير.
وسيم:ايه بخير.
رسيل تمسح جروحه:جروحك يبي لها تعقيم، تعال معي عشان....
وسيم قاطعها لما مسك يدها و نزلها:لو سمحتي يا انسه ما تمسكيني، و اذا كان عالتعقيم فخطيبك هو اللي محتاجه.
رسيل عقدت حواجبها:خطيبي.
وسيم هز راسها بايه:ايه، شكراً على كل شي سويتيه معي و آسف اذا تعديت حدودي معك، بالاذن.
رسيل تناظر له بصدمه، غمضت عيونها و بتنهد:وسيم، عدنان مو خطيبي عدنان كان خطيبي و كَانَ فعل ماضي.
فتحت عيونها تبي تشوف ردة فعله بس ما كان فيه احد، التفتت يمين و يسار و مشت شوي و شافت وسيم راكب السياره و شغلها و مشى.
__
(جواة الفيلا)
رنا تناقش عدنان اللي يمسح جروحه بمهل:أتمنى من كل قلبي انك ماعاد تتكلم معهم او تقول لهم اي كلمه او تعتدي عليهم ذولا صاروا بامانتنا و اللي يصير فيهم احنا اللي نتحمله.
عدنان يمثل البراءه:انا عارف، بس ذا اللي اسمه وسيم هو اللي شايف نفسه وهو اللي اعتدا عليه بالاول و الا انا ماجيت ناحيته.
رنا رفعت حاجبها بعدم تصديق:يعني اللي صار تحت و اعتراف سميحه بالصدق كللله كذب، يعني سميحه اللي عاشت معنا كل هذا العمر و السنوات تكذب علينا.
عدنان سكت و ناظر لها بزعل:يعني تصدقينهم و انا الكذاب بينهم، الله يسامحك بس، و يمسح جرحه بزعل.
رنا تنهدت:عدنان انت ولد خالتي و اهم لي من شقفة العمال اللي يشتغلون هنا، بس عشاااان خاطري اترك بينك و بينهم خخخط احمممر ، و رفعت يدها و ضمتها بترجي:بلييز عشان خاطري.
عدنان ناظر لها و ابتسم:حاضر، لعيونك انا ما راح اكلمهم و لا اغلط معهم.
رنا مسكت يده بفرح:شكراً عدنان.
عدنان اتسعت ابتسامته و ضرب على يدها:عن اذنك، أنا باروح اسهر مع اصحابي تبين شي؟
رنا بفرح:سلامتك.
عدنان:عن اذنك ، و طلع.
رنا تنهدت و ناظرت حولها و لفت عالباب اللي اندق جرسه و مشت له بهدوء:شكله ناسي شي ، و فتحت الباب و بابتسامه:وش نســ...، و سكتت و عقدت حواجبها:المحقق سالم.
__
(عند وسيم و يزن)
وصلوا للبيت و نزلوا من السياره بهدوء و مشوا ناحية باب العماره.
يزن وقف قدام وسيم:وسيم.
وسيم عقد حواجبه من حركته:وش فيك؟
يزن:ممكن طلب؟
وسيم تنهد:يزن ترا مالي خلقك ابعد عن طريقي.
يزن:ماراح اطلب منك شي بس ابي اقول لك لا تهتم لاي شي يسويه عدنان، هو انسان مستفز و يبي يسوي مشكله عشان نطلع من المزرعه.
وسيم:عارف هالشي، الحيط باقي له كم يوم و نخلصه و نطلع من ذيك المزرعه نهائياً، مشى وسيم لكن يزن مسك يده و وسيم ناظر له ويزن مبحلق عيونه:وش قلت؟
وسيم:اللي سمعته يا يزن ما عاد لنا شي بالمزرعه.
يزن ضرب راس وسيم بخفه:صاحي انت، مجنون و صرخ:وين الانتقام اللي قلت عنه، ليه تبينا ننسحب من هناك و احنا ما بدينا باللي نبيه.
وسيم ناظر حوله:اسكت احنا بالشارع.
يزن:لا مو بسااااكت، اعطني سببك الحين وش اللي يخليك تنسحب.
"خير شو فيه صوتكم واصل لاخر الشارع"
وسيم و يزن ناظروا بخوف و بهمس واحد:مايكل.
__
(بالكلوب)
ماغي دخلت و دخل وراها زياد وهو يصفق:نجمه نجججممه.
ماغي ابتسمت:حبيت الشوو.
زياد يقلد كلامها:اجمل شوو بالدنيي.
ماغي ضحكت.
زياد تنهد:عارفه انك تذبحيني بضحكتك الحلوه.
ماغي قربت بدلع:عن جد.
زياد متخرفن:اي و الله عن جدين.