يومان بالكامل احاول فيهما تجنب الشجار مع نور ومواجهه خديجه لا احصل علي شئ سوي الشجار والاختلاف لكننى لا اهتم
على الصعيد الاخر اقض اجمل الاوقات مع اسر نخرج نتنزه نتصور ندردش واساعده فى مذاكرته اشعر بالفخر لانني اساعده من الان!
فى الواقع انا راضيه عن نفسى هذه الفتره ولكن تبقى ان اقطع علاقتى بخديجه وساكون اكثر رضا هى تحاول ابعادى عن الشي الوحيد الجميل بحياتى ولكننى لن اسمح لها بذلك لازلت اتذكر حديثها فى اليوم الذى تشاجرت فيه مع نور
"للدرجه دى مش هامك نفسك مش خايفه مش خايفه مامتك التعبانه اللى نفسها تفرح بيكى هيحصلها اى لو عرفت مش خايفه من التشتت فى المذاكره مش خايفه على سمعتك مش خايفه على حلمك وحلم عمى الله يرحمه!
اقلك سيبك من دا كله مش خايفه من اللى خلقك؟! مش خايفه من ربنا يا ساره"
" فى اى يا خديجه هو انا قتلت حد هو الحب حرام"
"قولت ليكى مليون مره الحب مش حرام بس مش الحب بتاعك دا"
" ملكيش دعوه يا خديجه انا عارفه انا بعمل اى وانا حره "
"هتندمى والله يا ساره لا مش هندم وبكره نشوف سلام" وقمت بعمل بلوك وحذفت الرسايل
كلما اتذكر اشعر بالغضب لذلك قررت مراسله اسر
ولحسن الحظ كان (اون لاين)
"اسر عامل اي"
ثواني ورد عليا احب هذا الرد السريع يشعرنى انني شي كبير فى قلب ذاك الشخص!
"تمام ياحبي انتي عامله اي وحشتيني"
"وانت كمان انا مضايقه والله يا اسر"
"ليه بس يا حبيبتى"
"خديجه ونور زهقوني فى عيشتي كل شويه يدوشوني ويقولوا كلام وحش عنك وانك هتسيبني والصلاه ومش الصلاه والصوم والعباده والموت زهقوني"
"سيبك منهم يا ساره وخليكي معايا انا
انا مستحيل اسيبك ابدا وهفضل احبك لاخر عمري دول عيال مقعده اصلا مش بحبهم ومش عايزك تصاحبيهم وبعدين كل واحد حر يصلي ولا لا 💔"
"حاضر يا اسر متزعلش مش هعمل حاجه تضايقك!"
وبقينا نتحدث كعادتنا ساعات وساعات الى ان اصبحت الساعه 2ليلا اغلقت المحادثه وقمت بفتح الفيس بوك
اول منشور قابلنى كان عن فتاه تحادث فتي ياحظي كأن الدنيا اجتمعت على ان تفرق بيني وبين اسر ولانني اثق به قمت بتجاهل المنشور!
_________________________
استيقظت صباحا لاذهب الى درسي
جلست لاتناول وجبه الافطار مع والدتى
ابتسمت ابتسامه غريبه على غير عادتها وجلست تحدثني
"وحشتيني يا ساره!"
"ازاي يا ماما وانتي معايا كل يوم" قلتها بضحك
"ياعالم يابنتى مش يمكن امشى عايزه اشبع منك"
"بعد الشر عليكي يا ماما متقوليش كده"
"ساره يا حبيبتى انتي مش بتعملى حاجه تغضب ربنا صح؟"
تركت ملعقه الطعام وسكت قليلا ثم نظرت فى وجهها
"ليه بتقولي الكلام دا يا ماما"
"قولي بس يابنتى بطمن عليكي مش عايز ربنا يكون غضبان عليكي"
"لا يا ماما"
"بس انتي مش بتصلي يا ساره"
"بصلي يا ماما اللى بقدر عليه" كذبت ايضا انا لم اسجد ابدا فى حياتي
"لا ياساره انا عايزاكي تصلي وتنتظمي فى صلاتك عايزاكي تقربى من ربنا يابنتى محدش هياخد من الدنيا دي الا اعماله لا هياخد لا مال ولا سلطه ولا احبه ولا عيال هياخد السيره الطيبه والدعوات الحسنه والاعمال عايزاكي تكوني فى الجنه يا ساره وربنا يرضى عنك والناس تحبك صلي يا ساره وقربى من ربنا وحبيه وصومي واذكريه واسمعى كلام رسوله عليه الصلاة والسلام واتبعيه وذاكري يابنتى وحققى حلمى انا ووالدك كان نفسى اشوفك وانتي دكتوره قد الدنيا واشوفك يوم التخرج وانتي بالبالطو الابيض وتاني مره بالفستان الابيض "
ادمعت عيناي واحترق قلبي لكلمات امي
"متقوليش كده يا ماما" نهضت واحضنتها وبكيت احضتني كان حضنها هذه المره دافئا اكثر من اي مره
"بس خلاص عياط انا كويسه يلا عشان تروحى الدرس يلا بقى يا بت قومي كده انتي تقيله" قالت بمزاح فضحكنا اخذت حقيبتى وقبلتها وذهبت ذهبت وياليتنى لم اذهب ياليتنى تمتعت باخر دقايق لى مع والدتى
________________________
قامت والده ساره تنضف المنزل تستمع الى صوت الشيخ عبد الباسط وهو يتلو القرآن وتردد وراءه
حتى شعرت بنغزه فى قلبها
"يارب اااه يارب بنتى يارب" جلست على الكرسي
تبكى" ياااارب "قالتها باعلى صوت" احمى بنتى يارب ملهاش غيرك" اشتد الالم اغمضت عيناها بكل راحه ابتسمت ابتسامه بريئه
اشهد ان لا إله إلا الله واشهد ان محمد عبده ورسوله وفارقت الحياه بعد ان ادت واجبها
_____________________
ااااه
شعرت بالم غريب يعتصر قلبى
مالك يا ساره سالت اسماء
مش عارفه يا اسماء قلبى وجعني فجاه حاسه بحاجه وحشه
انتظرت حتي انتهي الدرس لاعود بفارغ الصبر لمنزلى اريد رؤيه امي وحقا انتهي الدرس ذهبنا انا واسماء الى المنزل ظلتت ارن الجرس وانادى على امي خمس دقايق لا رد
اسماء انا خايفه
استني ننادى حد يكسر الباب
نزلت اسماء تنادى احد جيرانهم وبالفعب اتي الجيران وكسروا الباب حالما كسر الباب جريت الى الداخل ورايت اسؤا مشهد فى حياتي امي وهي مفارقه الحياه اقتربت وجسدي يترعش خوفا من احتمالى
ماما يا حبيبتى اصحي قلت وانا اهزها برفق
ماما ياروحى اصحي انا جيت من الدرس مش هتصحي عشان ناكل
لم ترد
ماما اصحي بقى يلا والله هقوم اصلي وهحل الواجب وهرضى ربنا بس قومي
ماما ماما بالله عليكي ما تعملى مقالب احنا كبرنا على الكلام دا اصحي بقى والله ما هزعقلك تاني وهصلي والله اصحي بقى
اقتربت اسماء ببطي مني" ساره ياحبيبتى طنط عند ربنا "
"لا اخرسى ماما نايمه وهتصحي دلوقتي"
رفعت يدي امام انفها لاري ان كانت تتنفس ام لا لم تتنفس لم ترد علي امي لم تعد موجوده صرخت باعلى صوتي بكلمه امي حتي اغشي علي تمنيت لو فارقت الحياه انا ايضا 💔
___________________
💔😂معلش طبعا على الحزن دا بس دا اللى المفروض يحصل واسفه على التاخير عشان تعبانه خالص الايام دي♥🙏🏻
