سيـمر ڪل مُر.
قد يطول حزنك، قد تطول استجابة دعوةٍ دعوتهـا فـي يومٍ من الأيـام ونسـيتها ومضيـت أيامـك وانـت تظن انـها لن تستـجاب أبداً فتتفاجأ بأن الله اختار لك اليـوم المناســب لتحقيقها، لا تتوقف أبداً عـن الأمل مهما كانـت مرارة الفترة التي تمرُ فيـها..
لأن عوض الله يأتي بشكلٍ خفي لا تستطيع تـخمينه، ولڪنك ستدرك بعد مواجهة كل هذا، بأنـك اصبحت اقوى وأنضج اڪثر من أي يومٍ مضى..
فقط تحلَ بالصبر، فالله يحُب الصابرين.
•••------------------------------•••
في احدى مناطق بغداد
بردانة وكتلني البرد بالرغم اني لابسة اهواية وحتى وجهي مامطلعته مطلعة بس عيوني
واكفة بالتقاطع واحس الوقت ما يمشي
شفت الشارع شوية فرغ كعدت على حافة الرصيف
ورجلية اموتاتني يصلن علية مديتهن وما احس غير هورن زرف اذني
شلت راسي اشوف سيارة قريبة علية يعني لو ما داگ هورن جان سحگ رجلية
تقدمت السيارة وگفت يمي نزل الجامة
: شنووو هل گعدة هاي؟ بالله لو داعمج ما طلعتي معيشة العائلة
ترانيم: عمو ما انتبهت باوعت للشارع فارغ ومديت رجلي
: زمخ عمة العماج
دمعت عيوني
: شنو السالفة يوم تريد تطلع حرگتك بالبنية حرك وعوفها متشوف شصاير بحالها
؛: يمة مو انتي ماتعرفين هاي النماذج
: دمشي يا يوم
باوع بعيوني وشخط سيارته وراح
صارت دنيا المغرب واجونا اخذونا رجعوني للشقة رحت بسرعة على الصوبة ميتة برد سبحت دفيت جسمي ونمت...
ريحانة : يلا كومي شنو نايمة لو ميتة؟
شمرت الفستان علية
ريحانة : عشر دقايق ادخل الكاج لابسته والا تعرفين شنو اسوي
كمت طلعت من الغرفة تلگتني ريحانة بالباب
ريحانة : شو لسة مااا لابسسسة؟
ترانيم : شبيج اريد اروح للحمام
ريحانة : بسرعة
غسلت ورجعت للغرفة بدلت اجت نرجس حطتلي المكياج ماخليتها تحطلي هواي وطلعنا صعدنا بالسيارة
اخذونا للنادي نزلت واني اغطي بفتحة الفستان الي واصلة الفخذي طبينا واشوف طاولات محطوط عليها
الشرب والعياذ بالله واكل ونرگيلة وكاعدين زلم او
بالأحرى ذكور لان هذول عار على الزلم أووع لعبت نفسي
ترانيم : عزااا فدوة رجعوني ما اريد بطلت
ريحانة : اذا فكيتي حلگج صدگي الباشا ما يرحمج ويدفنج وانتي عايشة
