حبني!
ومن يجي الضيم اعلى متنك
راح اشيلنه اعلى متني
꧁꧁꧁꧁꧁꧂꧂꧂꧂꧂꧂
الباتر : البسي نقابج وتعالي للصالة جبت سيد يعقدلنا!
ترف : واني احاول استوعب، شتحچي انت؟
الباتر : لا تفهين السيد منتظر
ترف : لا والله انت كلش واثق اني راح اقبل بيك روح رجع السيد منين ما جبته
الباتر : راح اروح يم السيد دقيقتين اذا ما طلعتي اطيح حظج والله
عافني وطلع!
-هذا من كل عقله؟ احلف عليه مو صاحي جايب سيد وجاي شيحس هذا بس لا يريد يغتصبني بالحلال عزا يممة
لو يموت ما اطلع ، وهاي اني كاعدة شيريد يجبرني مثلا؟
كعدت على الچرباية واني اسمع صوت سوالف وضحك بالصالة مال اكثر من شخصين
مرت دقيقتين تقريبا، انفتحت الباب طب هو
الباتر : ها شقررتي؟
ترف : لو تموت ما اوافق وهسة ترجعني الـ ريحانة وبعد غبرة الي ترضى تجي وياك
ما حسيت غير جر المسدس من ورة سترته وحطه براسي
احس گلبي ورجلية گامن يرجفن، ما توقعته يطلع هالگد حقير
الباتر : ما تكلفيني طلقة وحدة
ترف : تورط روحك
الباتر : اورط روحي ويامن؟ وية اهلج؟ اصلا ما يعرفون شي عنج لو وية ريحانة؟ الي تعبد الفلوس انطيها شدة تصم حلگها طول ما هي عايشة، اورط روحي ويامن ها؟
دموعي صارت تنزل شلال والرجفة لزمتني
ترف : ليش اني بالذات؟ كومة غيري روحلهن
الباتر : وهو يباوعلي بنظرات ما عرفت افسرهن، عقلي قفل عليچ
-وهسة شگلتي؟
ما اريد اموت واني ما شايفة اهلي روحي معلگة بيهم اريد اشوفهم وراها اموت
بدون ما ارد عليه نزلت نقابي
هو شافني هيج تقدم الـ باب الغرفة
الباتر : من تطلعين كولي السلام عليكم
ترف : حرام عليك انت هسة كاعد تجبرني
الباتر : اششش ما اسمعلج صوت الحرام علية مو عليج يلا امشي
، طلعت وراه مدنگة ما رفعت راسي بالرغم لابسة نقاب حتى لو باوعت محد يشوف
ترف : السلام عليكم
اكثر من شخص رد السلام من ضمنهم الشيخ
الشيخ : وعليكم السلام ورحمة الله وبركاته ، حياچ الله بنتي، تفضلي اگعدي
