«وضعُوني في إناءٍ ثم قالـوا لي تأقلم، وأنا لسـت بِماءٍ، أنا مِن طينِ السماء...»
••••••••••***************••••••••••
•الحاضر•
النشهل : صارلج شكد من انخطفتي؟
ترانيم : تقريباً شهرين هيج شي
النشهل : زين البنات الي وياج كلهن مخطوفات؟
ترانيم : اعتقد اي او لا ما ادري
النشهل : شنو ماتدرين؟
ترانيم : بنتر اي شمدريني اني
بس حجيت هيج كام بسرعة اجاني جر اذني
النشهل : هاي عليمن تزمخين وتنترين؟
ترانيم: اخخخ وخررر اذنيي انت منووو وتلمسنني؟
هد اذني باوع الايدي بحركة سريعة منه حرك ايدي التوجعني
فدد شاغت روحي ضليت اكمز من الالم
ترانيم : واني ابجي نذللل حقير ليش حركتتة الله لا ينطيك
بعدني ما مخلصة كلامي وما احس غير اجاني راشدي احس وجهي نفر من قوته
احس اكو شي نزل على شفتي
حطيت ايدي واشوف الدم
رجع لزمني من اذني
النشهل : اذا انتي مره عيدي الحجيتي
ترانيم : باوعت بعيونه نذل حقي...
جرني من شعري بكل قوته
ترانيم : اخخخ لا شعرييي وخرررررر عنيي
قوه لزمته ويعتني منا ومنا اخر شي ثبتني
النشهل : شوفي شعرج هسه تكطع بأيدي اذا رجعتي غلطتي وياي اكصه بأيدي خوش؟؟؟
ترانيم : بس هدني
هد ايده من شعري اباوع الـ ايده كلها شعر
بهاي الحضة ما اعرف الم ايدي لو خشمي الي يكت دم لو راسي احسه انشلع لو قهري على شعري الي صار بأديه
الدم ما توقف رحت للحمام غسلت والدم ما جاي يتوقف يزيد انترست المغسلة وما اعرف شسوي خفت ليش هيج دم
اتذكرت امي جانت من يطڪ خشمي تخليني اكعد وادنك راسي
طلعت من الحمام شفته كاعد بالصالة يشرب جگاير
ترانيم : الله ياخذگ
طبيت للغرفة واخذت من الكلينس الي حاطة على الميز ورحت كعدت على الجرباية وحطيت الكلينس على خشمي ودنكت راسي شوية
وره شوية والدم كام ينگط من الكلنس اني شفته ينگط لو احس بطني انمغصت كلت هاهيه راح اموت لان خشمي هواي وگع من دم ادور حطيت كلينس كام يطلع الدم من الكلينس
