والعُسر مهما قسـى
فـاليُسر يتبعـه
وعدٌ مـن الـلَّـه
وهذا الوعـدُ يكفـينا
☼︎☼︎☼︎☼︎☼︎☼︎☼︎☼︎☼︎☼︎☼︎☼︎☼︎☼︎☼︎
الباتر : ترانيم صديقتچ بالمستشفى!
ترف : بخوف، شنو؟؟ شبيها؟؟
الباتر : مريضة
ترف : گوم اخذني الها
الباتر : چؤ
ترف : هسسةة تاخذني الهاا
الباتر : كلت لا يعني لا
ترف : مو بكيفك
الباتر : چا بكيفمن؟
ترف : بدموع باتر فدوة اخذني الها
رفع نظره إلية
الباتر : شو بالله كولي باتر مرة ثانية
ترف : اني وين وانت وين صدُگ تحچي
الباتر : گومي بدلي بين ما اشرب الچاي
بدون ما ارد عليه
عالسريع كمت ، ما بدلت لان اصلا ماعندي ملابس مال طلعة ضليت بتراكي
بس لبست العباية والنقاب وماعندي حذاء كمت لبست حذائي الكعب الي اجيت بيها
وطلعتله
ترف : يلا خلصت خلي نمشي
باوعلي وهو يعقد حواجبه
الباتر : شنو هاي رجليج؟؟
ترف : باوعت على رجلية، قصدك الحذاء؟ اي لعد اني ماعندي غيرها شلبس اروح حافية؟؟
الباتر : لا مو الحذاء
ترف : لعد؟
الباتر : رجليج يبرگن تردين تمشين للمستشفى هيج بنص الناس ، ماعندج جواريب؟
ترف : لا منيلي، هسة وقت جواريب خلي نروحلها اشوفها شلونها
الباتر : ماكو ما ترحين
ترف : لا تخبلنييي شسوي ماعننندي جواارييب ماعنددي
الباتر : امشي البسي من جواريبي تلكيهن بالجرار
عالسريع رحت للغرفة فتحت الجرار اخذت زوج من جواريبه لبسته ورجعت لبست الحذاء طلع شكل رجلية يضحك
بس من لا چارة بس اريده ياخذني ، طلعتله
ترف : يلا لبست فضني اخذني الله يخليك
الباتر : وهو ينافخ ، يلا امشي
جر سويچ سيارته وطلعنا
صعدت بالصدر ، وهو صعد يسوق
مشينا مسافة الطريق ...
الباتر : شوفي راح نمشي لسانج ثم لسانج ديري بالج تلاسنين هناك ، ترة والله ارجعج
