ليس ڪل شيء في القلـب يقال
لذلك خلق الله التنهـيدة، الدموع، النوم الطويل، الابتسامة الباردة
ورچفة اليدين ♡
•••••**************•••••
انفتحت الباب وطبت ريحانة!
ريحانة : يلا عيني اجة وقتج
ترانيم : وين؟
ريحانة : دگومي گومي مچنصة الخوينسة اجوج من هذول التوب التوب
ترف : هذول التوب التوب خليهم الج يلوگولج
ريحانة : انتي اصبريلي وراها جايتج
ترانيم : كمت واني ميتة خوف معقولة هذيج المرة ضبطت هالمرة تضبط وياي؟
قبل لا اطلع شفت مثل الشال مشمور على القنفة اخذته حطيته على متوني وطلعت
طلعت ريحانة كدامي واني وراها وصلنا الـ طاولة كاعدين بيها اثنين يطلعون بالثلاثين او نهاية العشرين
ريحانة : وهاي البضاعة الجديدة عيوني مثل ما تحبون ما ملموسة
النشهل : ان شاءلله تعجبني
ترانيم : طلع صفطة فلوس وشمرها على الميز وگام
النشهل : تهني بيهن
ريحانة : اذا منك نتهنا
وعافنا وطلع
ريحانة : ترانيم بعدددج واكفة؟؟
ترانيم : هاا
جرتني من ايدي وطلعتني برا النادي
ريحانة : اي غلط محسوب عليج ترانيم والباشا ما يرحمج
عافتني وطبت طبگت كبالي سيارة عالية
نزل الجامة وباوعلي من فوك ليجوة
النشهل : عاجبتج الوكفة؟
ترانيم : بدون ما احجي فتحت الباب وصعدت
النشهل : الگحـ** مستشرفة
ترانيم : وياي؟!
النشهل : اكو احد غيرج هنا؟
ترانيم : لا
النشهل : اذن الكلام موجه الج
ترانيم : تمام
حسيته دار وجه عليه باوعلي ورجع باوع للطريق
طبگ السيارة كدام عمارة
نزل واني نزلت وراه طبينه للعمارة صعدنا للطابق الثاني وطبينا للشقة
طبيت الشقة عبارة عن ممر بعدها تجي صالة وممر ثاني صغير يودي على الغرف
غرفتين ومقابيلهن حمام ومن الجهه الثانيه مطبخ
هو طب الوحدة من الغرف
اني رحت كعدت على القنفة الي بالصالة وبداخلي اردد ادعية ونخيت الأئمة كلهم ما خليت امام يعتب علية
