قلق!
كانت تفكر كل يوم، ما الذي حدث؟! وما الذي يحدث غدا؟! ينتابها القلق، يتشكل على هيئة ظفر عليها أكله،
وازداد قلقها في حين لم يكن لديها ما يكفي من الأصابع
•••••*************••••••
كعدت الضحى واني مفتحة تك عين واشوف البنات مجطلات ونايمات حقهن اكيد من رگص البارحة هزيت أيدي واني اكوم
غسلت وجهي ورحت للمطبخ سويت ريوگ بيضة وخبزة وجاي اكلت وكملت
ورجعت للغرفة كعدت البنات
ترف : يلا گومن فضنها لا تجي ريحانة تشعل ابهاتجن
كملت واني ادفر سارة برجلي
لج سارة گومي لا تجيج تمعشج من شعفاتج
سارة : شو ولي عني خليني انام لا الزگج بالگاع وهي تغطي راسها بالمخدة
ترف : يطبج هريشي
صيحت ع الباقيات يگعدن وطلعت
رحت للصالة فارغة وهدوء تسوي واهس للرگص ابتسمت واني
اروح للـ ام بي ثري صغير محطوط ع الميز
مرات البنات يسون سهرة بيناتهن يفتحنه ويگومن يرگصن
جان اطلع ساجدة عبيد محد يهزني غيرها .. جريت القراصة وفتحت شعري شفت وصلة ام الليرات مشمورة ع القنفة
شديتها ع وركي وبدت الاغنية
كلمن خله وخليله .. وانه وانتي
بطلي يروحي .. من الهوا شحصلتي
بين الزعل والرضى .. ضايع وكتي
حتى الاهل وياي صاروا عدوان
كلمن خله وحبيبه .. وزايد شوگه
حامض عنبنا محرم .. ومنضوگه
حبيته يمة وجني .. بايگ بوگه
حتى الاهل وياي صاروا عدوان
مندمجة واني اهز خصري و وركي وانوب اهز اكتافي وشعري لحد ما خلصت الأغنية
ما احس غير سهى تصفر وسارة تصيح عاشششواا والبنات واگفات يتفرجن
حسيت طبيت بنص هدومي والي صدمني
ريحانة واكفة يمهن هاي شوكت طبت؟ لا هاي هي كملت السبحة
ذبيت الوصلة ولميت شعري بدون ما ارد
ريحانة : لعد شبيج من نگلج ارگصي تگلبين عاليها واطيها يرادلج جرة اذن
باوعتلها بطرف عيني ومشيت
ريحانة : عينج هاي الي يوم افگسها
عبرتها وما اهتميت طبيت للغرفة اجت سهى
سهى : لج شنو برگصج هذا تجيبين اكبر راس حتى الباشا كالتها وطگتها ضحكة
ترف : لا تخافين اني مو مثلج
سهى : وهي تگلب عيونها ديلا عاد انتي شلونج
ترف : اشرف منج ومن الخلفج
