لستُ حزيناً ولستُ سَعِيداً ،
أنا فِي المَرحَلة الأصعَبْ ، أنا لا اشعُر بشَيٍء أبَداً ..
°°°°°°°°°°°°°°°°°°°°°°°°°°°°°°°°°
ترف: عرفت بيها تجذب بس ما حجيت كلت يجوز ما تحب تسولف لو بعدها ما مأمنة بية حقها ليش هو اكو امان هنا
طلعنا من الحمامات ضليت كالعادة اقدم سم للموجودين وترانيم ما ادري بيها وين مر الوقت وخلص شغلنا
طلعنا للسيارة رجعونا للشقة
ترانيم : تسبحين؟
ترف : اي
ترانيم : اوك لعد روحي طبي علمود اطب وراج
اخذت ملابسها وطبت سبحت وخلصت وطلعت
طبيت وراها سبحت وطلعت رحت للغرفة مشطت شعري باوعت لـ فراش ترف ما موجودة
طلعت للمطبخ لكيتها كاعدة على الميز
ترانيم : شتسوين؟
ترف : ما اسوي منتظرتج تكمليلي
ترانيم : اكملج بس بشرط
ترف : وهو؟
ترانيم : تضفريلي شعري اذا تعرفين
ترف : تعاي
رحت كعدت بالكاع وهي كاعدة على الكرسي
ترف : انطيني المشط
ترانيم : ما يحتاج مشطته
ترف : حتلو انطيني
انطيته الها مشطته شوية وبدت تضفر بي
ترف : اي كملي
ترانيم : لوين توقفنا احنا؟
ترف : الـ رحيم العار
ترانيم : اي كلتلج رجعوني للشقة بعدها انعرضت على واحد ثاني
ترف : الي كالت عليه ريحانة؟
ترانيم : اي، بس شوفي اني راح افتحلج گلبي واكلج الحقيقة
ترف : جذبتي علية بالحمام من كلتي لبالي راح انكشف مو؟
ترانيم : شمدريج؟
ترف : مبينة هذيج وينج تجذبين بس عاذرتج لان صدك ماكو امان
خلصت ضفر شعري كمت كعدت مقابيلها
ترانيم : اي صح جذبت عليج ما اعرف بس خفت بس هسه لا احس داخلي مطمئن من اسولف وياج
ترف : اسمعج
ترانيم : بديت احجيلها من اخذني النشهل لمن رجعني للنادي
ترف : والله نبه لبالي مثل رحيم الاثول تعبر عليه
ترانيم : واني اغفي، اني هم لبالي، اكلج بيساعة؟
كامت ترف للساعة الي بالصالة
