.... شيخة
كل شخص اله قصة حياة خاصه بيه ومادام احنه عراقيين فاكيد قصصنا موجعه ومولمه من الفقد والحرمان والاوضاع الي عشناها قبل وهسه
راح ابدي كتابة قصدي من سنة ١٩٩٧ وبالتحديد بشهر اب وفي مدينه البصرة
كلنا نعرف او سامعين عن الاوضاع بذاك الوكت من جوع وفقر وتعب ومآسي وغيرها من الامور الي الكل سامع او عايش بيها..
الصبح الساعه ثمانيه انه نايمه بغرفتي اندكت باب الغرفه عليه واسمع عمتي ام علي (ام زوجي) تصيح .. ديله كومي مدام ماشبعتي نوم خانو يله عشر دقايق واشوفج جوى
صار عمه هسه انزل
جنت الليل مانايمته لان شرجي نهاية شهر الثامن وحاره تموت وكهرباء ماكو الليل كله وما اجت اله الفجر
نزلت جوى وانه متحظره للكليشه الي راح تحجيها عمتي
صباح الخير عمه
عمتي.. ياصباح هذا ترى مو حاله انه جم مره كتلج كعدي من وكت علمود شغل البيت ما يصير يوميه صاده وادك بابج
صار عمه تددلين
اووف ياربي شورطني وزوجت وهسه مو عدها بنات انثين خلي تكعدهن لو انه جايبتني خدامه اله ولبناتها شكول عليج عمه كريمه شكول كله منج ورطتني
رحت ع شغل البيت تنظيف وعجن وخبر وطبخ والدنيا حاره مووت وانه ما شبعانه نوم
العصروانه جاي اغسل الطرمه حسيت بدوخه وما حسيت ع روحي اله ونايمه بالفراش وزوجي علي وامه وخواته فوك راسي
ها شبيج سلامات شلون صرتي
دايخه كلش
علي .. شبيج حبيبتي اوديج للطبيب
ام علي .. لا عليمن تتعاير حته لا تشتغل لا تاخذها هسه تصير زينه
علاوي حبيبي اخذني للطبيب احس روحي تعبانه كلش
علي .. صار حب كومي بدلي وهسه اخذج
اشوف خوات علي سهام انسام وحده تباوع ع الثانيه وعيونهن شرار من الغيره جانو اكبر مني وما مزوجات والغيره ما احجيلكم
كمت بدلت واخذني للطبيب سويت تحاليل وطلعت حامل وعندي هبوط بالضغط
ماحسيت بذيج اللحظه انه سعيده بالعكس زاد الهم بقلبي لان راح انحرم من دراستي
رجعنا للبيت تلكتنا ام علي .. ها خيرج
علي الفرحه ما سايعته .. يمه باركيلي زينب حامل راح اصير اب
ام علي .. صلوات ع النبي حامل خوش خبر واخيرا راح اصير بيبي
حماتي سهام .. شبسع
المهم انه عفتهم وصعدت فوك لغرفتي لان الدكتور كلي لازم ترتاحين وماتعبين بشغل البيت ومايدري بضمي
حطيت راسي ع المخده وظليت ابجي واكول شكول عليج عمه كريمه ( اخت ابويه) ورطتني بالزواج وانه رايده اكمل دراستي
اذكرت يوم جنت راجعه من الامتحانات اخير امتحان الي جنت صف خامس علمي ولكيت عمتي كريمه جايتنا ع الغده وفرحانه وتلكتني زنوبه شلون شفتلج عريس ما يتفوت والله تندعيلي عليه
عمه بس انه اريد اكمل دراستي
عمه كريمه.. ولج يادراسه هاي الما توكل خبر وتظلين بعدين معنسه وراتبج ٣٠٠٠
عمه ليش اعنس انه حلوة والف من يتمناني
عمه كريمه.. ولج موظف بالنفط يلكف بسع وابوه متقاعد وعنده اسواق وحالتهم ميسوره الحمدلله وانتي تعرفين بظروفكم كوه مدبريها ابوج شهيد وامج مالها احد يعيلها وخوانج بعدهم طلاب وكوه مدبرين عيشتكم
اباوع ع امي اريدها تحجي وترفض ماكو ساكته
يمه ماتحجين
امي.. اي يمه قبلي خوش قسمه تفوتج وهمه خوش ناس عن طريق عمتج
وعمتي منين تعرفهم بله
عمه كريمه ... ولج جوارينه بنفس المنطقه وشفت ام علي مره وسالتني اذا اعرف بنيه حلوى وبت اوادم لابنها كلتلها عندي بت اخوي
والله عمه انه ادور مصلحتج قبلي والله تندعيلي
جانت امي قابله واختي فاطمه اجت تقنع بيه يله قبلت بشرط اكمل دراستي فقبلت من لا جاره وصار وزواجي بسرعه اسبوع خطبه والاسبوع البعده العرس وهذا حالي وبيش اندعيلج عمه كريمه
دخل علي للغرفه ولكاني ابجي
علي.. هاي شنو حبيبتي ليش تبجين ما اريد اشوف دموعج مو زين ع الجاهل
يعني كل همك الجاهل مو ام الجاهل
لا ولج انتي الروح والريه
اي مبين
هسه كليلي شبيج تبجين
ما اريد الي بطني
ليش لا تحجين هيج حجي غيرج يتمنا هاي اللحظه
تعبانه والله تعبانه
شبيج عمري منو متعبج
عمتي ذابه حمل البيت كله علي وحسره علي اكعد شوي وخواتك نوم للظهاري
لا حبيبتي راح اكللها تخفف عليج واحجي ويه سهام وانسام يساعدنح
علي انه هاي اول مره اشكيلك صارنه شهرين من ازوجنا ما شكيت بس طف الكيل
علي .. حبيبتي اذا ع شغل البيت فهذا البيت بيتج وانتي ام البيت واذا ع خواتي فهن خطار اول وتالي تجيلهن قسمه ويزوجن
انه طكيت من البجي شحجي بله وهو شبكني وظل يواسيني
شوي واجه اخوه عمار دك الباب وكله علي جماتك بره يتانوك
انه ظليت ابجي لحد ما نمت
يتبع....
