ماخليت
وطلعت بالباب شفت سياره حديثه مظلله لونها زيتوني اكو سايق كدام انفتح باب السياره الوره جفت رائد كاعد صاح يله وصعدت
يتبع...
ركبت السياره وهو خله ايده ورا ضهري الطريق كله ساكت محجه شي بس يدخن بجكارته ورجل ع رجل
وانه افكر وين راح ياخذني ودايره وجهي ع الجامه
وصلنا للكورنيش ع شط العرب و نزلنا للشيرتون ارقى فندق بالبصره محد يدخله بس المسؤلين والاغنياء بيه حديقه جبيره وقاعه اعراس ومطعم وفندق نزلنا وجان بيد رائد علاكه انه استغربت منها.. دخلنا للشيرتون الناس الي بيه اشكال البس والاناقه مبين عليهم العز وانه استحيت من روحي وجهي اصفر وعيوني حمره من البجي ولبسي عادي
وفقنا بالرسبشن وكفني ع جهه وكلي انتضري شوي حجه وياهم واشوي اجه يمي كلي هاي المفاتيح مالت الغرفه وهذا اللولد هسه يوديج للغرفه
وهاي العلاكه بيها ملابس اريدج تلبيسها وانه شوي اكمل الاجرائات واصعد
صعدت وانه متفاجئه من الموقف جنت متوقعه عازمني ع العشى ماتوقعت هذا الشي رايده وبهل السرعه
ودخلت للغرفه جانت كلش حلوى صاله صغيره وحمام وغرفه نوم فتحت العلاكه جان بيها بدلة نوم لونها ابيض ويها روب ابو الريش وشريط دوى ما عرفت شنو وليش بس كلت اكيد هذا مانع الحمل احتاريت شلون البسها لو لا بذيج اللحظه كانما اول مره ازوج كلت خلي البسها لا يصعد ويشوفني ما لابستها اخاف منه
رحت للحمام وغسلت وجهي وبدلت فتحت جنطتي جنت دائما اخلي بيها مكياجي والعطر مالتي خليت مكياج قليل ورشيت عطر وفتحت شعري اندك باب الغرفه فتحت الباب لرائد بس دخل كلي اخذتي حبايه كتله لا كلي شربي ليش
بدون ليش
شربتها شالني واخذني للغرفه وكمل شغلته وكام ونام ع ظهره وجر باكيت الجكاير وظل يدخن كمت اسبح وهو وراي دخل للحمام وخابر يصعدوله عشه وتعشينه
وهو كله ع الصامت لاانه احجي ولا هو بس جان يباوع علي عينه ما شالها من علي
ومشغل التلفزيون وانه متكتره ع الجربايه صفنه تجيبني وصفنا توديني والاكثر صفنت ع شريط الدوىً
شوي واندار علي
رائد ... سمعي زين راح احجي اريدج تسمعيني زين وتخلين كلامي بالج
انه ازوجتج علمود الفراش وبس وخلفه ما اريد افتهمتي
انه حاليا دوامي بغداد كل اسبوعين اجي للبصره ٣ ايام بهاي الايام اريدج بيها عروسه تهتمين بنفسج وهندامج اريد مكياج ولبس وعطرج من باب الحوش اشمه
شما اكلج تكولين صار ما تناقشين ولا من حقج تسالين اي سؤال يعني اريدج خرسه والابتسامه تارسه وجهج مو مبوزه جنج بومه هذا البوز ما اريده
انه بس اهز براسي
شوفي اشتريت بيت النا قبل لا اجي ادز السايق ابو عبدالله لبيتكم ترحين للبيت وتودين اشيائج وملابسج وترتبيهم وترتبين البيت هو ماثث و كامل واي نقص بيه توصين ابو عبدالله هو يجيبه وحته مسواك وصيه وهو يجيبلج
كلامي واضح
هزيت براسي اي
اجه نام يمي وانطاني ظهره الليل كله دموعي تنزل من عيني واكول داخل نفسي هذا الي حبيته رادني بس لرغباته مو حبا بيه وجنت متوقعه يحبني الله اعلم شكم وحده قبلي سوالها الي سواه بيه خنكتني العبره من البجي حس بيه هو اجه ادنه علي وخله ايده جوى راسي وحظني ومسح دموعي بس ماحجه شي
اوف حظنه حسيت بيه الدفو والحنان والرحه وكلشي ما حسيت اله صار الفجر كعدني وهم اخذ حاجته وراح سبح وبدل وكلي انه رايح لبعداد انتي ظلي نايمه وانه راح اوصي ابو عبدالله يجي عليج بالعشره يوديج لاهلج واي شي تحتاجيه ابو عبدالله موجود وراح
انه هم نمت جنت نعسانه كلش وكعدت بالتسعه ونص ع دكت الباب جايبيلي ريوك تريكت وبدلت ونزلت جوى لكيت ابو عبدالله سلم عليه وصلني للبيت
دخلت للبيت اتلكتني امي وبجت وانه هم بجيت اشوف خواني حاطين ايدهم ع راسهم من الي صار وعيونهم حمر شافو اختهم وعرضهم خذوه من كدامهم بس همه ماكدو يسون شي مثل المربطين بحبال صعب عليهم الموضوع اختهم تزوج غصب وبدون ما يعرفون
كاعدين الارض وروسهم بالكاع
كعدت يمهم .. شوفني انه زينه والله وهو اخذني بالحلال وانه مو بنيه هم جنت مزوجه قبل يابعد عمري لاتنقهرون وتهظمون بروحكم
مصطفى .. ولج خذاج غصب و مستصغرنه كال لااب ولا سند الها وخوانها شحدهم يفكون حلكهم ويهو يجي هددنا بخوالي وترديني ما انقهر وما اضوج ولج انتي عرضنا وشرفنا ماجايبج من الشارع
مصطفى خويه بالحلال انه بعتبار مزوجه
ولج يامروجه ماخذج يكضي وياج وكت لو معتبرج زوجه جان اجاج من الباب وجاب اهله
ولج يستنكف منج ماخذج بالسر وتكولين زوجه يا زوجه تقشمرين عليمن
حسبي الله ونعم الوكيل اله يوم واخذ حقي منه ومن عرضه الكلب الحقير النذل
مرتضى ما حجه شي بس مدنك
يوم كامل مر علينه وهم ع هذا الحال والف حسره بقلوبهم وانه اباعلهم يكسرون القلب واموت قهر عليه والوم بنفسي اكول لوظاله عند علي ومتحمله ضيم اهله ولا اخلي اخواني بهيج موقف
ثاني يوم اجه ابو عبدالله وياه موضفين من البريد علمود يشدونا تلفون لان رائد موصيه وانطاني رقم تلفونه كلي يمته ما تحتاجيني اتصلي
وخابر علي رائد بس مجرد سلام
مرت اسبوعين وبهل السبوعين
