![]()
قصص واقعيه روايات ( لــ بنت الانبار)
قصة زينب ﴿ حب في زمن النظام ﴾ حقيقيه 🔥
بارت 11 تابعو القصه مع اصدقائكم @C77iQ ♨️
3.5Kviews17:37
![]()
قصص واقعيه روايات ( لــ بنت الانبار)
الولد
كالت ما كو حل غير نروح لابو وسام
يتبع...
امي خذت الورقه وراحت لبيت خالتي
صار الغروب واذن المغرب وصليت ورفعت ايدي للدعاء
اللهي انه تعب وتعبت امي وياي اللهي وكلتك امري فانك نعم المولى ونعم الوكيل ان كان هذا الامر خيرا لي فقربه لي وان كان شرا لي فابعده عني وانت اعلم بما في جوانحي وما في قلبي اللهم انت حسبي وانت وكيلي وانت قاضي الحاجات ومفرج الكربات فرج همي وفكركربتي يالله
ظليت ابجي وانه اندعي
كملت صلاه ورحت خليت راسي ع الفراش وتفكير يجيبني وتفكير يوديني واذكرت كلام مرته وحبه الها
اذا هو يحبها هذا الحب كله لعد انه شنو شنو ليش يريدني
معقوله يحبني لا لا هو يحبها
خلي افرض انه مجرد نزوى زين ليش كاتب رايدج بلحلال وهو كلشي يكدر يسوي وياي
ظليت ع هذا الحال لحد ما اجت امي
اخواني بالدوانيه يدرسون واجت بالغرفه كعدت والتعب والتفكير مبين ع وجهه
ها يمه شنو سويتي
امي ... يمه كلتلهم وزوج خالتج كال ما بيدي شي هو رتبته العسكريه عاليه ومعروف بالدوله وانه مجرد عضو بالحزب واذا اوصي احد من جماعتي اخاف الشغله تكبر ما تصغر ونروح كلنه بالرجلين وانتي تعرفين انه صاحب عائله
كتله والحل ابو وسام شنو
كال بعد يومي تعالي انتي وزينب النا ونتصل بيه بالوقت الي حدده الها واخابره واشوف اذا رايد صدك يزوجها خلي ياخذها وتوكل امرها لرب العالمين ماكو غير هذا الحل
خلصت اليومين وصار وقت اليوم الي حدده النا العصر انه وامي رحنا لبيت خالتي واخواني بالبيت وما بلغناهم ابد بالي صار
وصلنا لبيت خالتي وصارت ب ٤ وانه والكل بحالة توتر وقلق اتصل زوج خالتي ورد عليه رائد ..
ابو وسام ... الوو حظرت النقيم رائد
رائد .. بلي تفضل منو حظرتك
ابو وسام .. انه الرفيق عادل ال...... عضو .... واشتغل مدير برائره ... واصير زوج خالة زينب جوراينكم وهي يمي وانه كلشي اعرف واتصلت حته نحل الموضوع
رائد ... والنعم منك والموضوع ما ينحل بالتلفون انطيني عنوان بيتك وانه هسه جايك واجيب وياي شيخ يعقد النا
ابو وسام ... سيدي بس ....
رائد .. لا بس ولا شي وماكو اي نقاش بالموضوع انته تعرف انه بامر مني شاسوي انطيني عنوان بيتك
حنه جنا كلنا كاعدين بس ماافتهمنه شي بس سمعنا جاي ينطي عنوان البيت
سد التلفون منه وكال هسه جاي بالطريق وجايب الشيخ وامي ظلت تبجي وتخرط بخدودها انه جنت هادئه بس اباوع لان ما اعرف الجاي شنو وشلون ازوج بهيج طريقه صح احبه بس اخاف منه ومن طريقته وشلون جبرني ازوجه بيهج طريقه
زوج خالتي قنع امي وكلها كلشي لا تحجين خلي تزوجه مادام رايدها بالحلال وكلي امرج لرب العالمين
زوج فاطمه وسام ما قبل وظل يحجي امه كلته لا تظل بالبيت روح يم جماعتك استر علينه كافي الي سووه بخوالك وجدك وطلع من البيت
ورا ٣ ساعت اندكت الباب دخل رائد وياه الشيخ ورجال كعدهم زوجت خالتي بالدوانيه
وكله يله خلي نعقد روح كول للجماعه
اجه زوج خالتي .. خالو ما بليد حيله قبلي والله كريم راح يعقد الشيخ
انه بس هزيت براسي
راح وكلهم هاي هو حاضرين
كمل الشيخ العقد مال الزواج وطلب يسمع موافقتي من ورا الباب وكوه طلعت النعم من لساني
والشهود جانو رجل خالتي والرجال الي جاي وياهم
كملو رائد وصه الرجال يوصل الشيخ ويرجع عليه
ظل هو وزوج خالتي
رائد ... ابو وسام هسه صرنا اهل احنه ما اريد ايا كان يكون يدري بهذا الزواج لا اهلي ولا اي احد واذا وصل خبر زواجي لاحد انته المسؤول
صح الطريقه الي اجيت بيها غريبه شوي بس انه اجيت اخذتها بلحلال لو رايد غير هذا الشي جان اخذتها غصب عنكم ومن غير زواج
ابو وسام .. لا والنعم منك سيدي كفو منك
( ابو وسام جان خايف )
رائد ... هذا المليون انطيه لام مصطفى الحاضر وهذا عقد الزواج مال بتها زينب ومثل مكتلك ما اريد اي كائن يمون يدري بالموضوع وروح كول لزينب خلي تحظر نفسها اخذها
ابو وسام .. بس سيدي بعد وكت بعدها ماتعودت عليك حته تجي وياك
رائد ... رفيق عادل انته عليك تسمع الاوامر وتنفذ
ابو وسام .. صار سيدي هسه اروح انطيهم خبر
اجه ابو وسام وكلنا بالي صار وكال هذا مليون حاضرها و١٠٠ الف غايب طبعا المليون بذاك الوقت يحجي محد جانت ينطوها مهرها مليون اعلى شي٥٠٠ الف
كلي يله خالو حظري روحج حته ترحين وياه
امي .. وين تروح بنيتي ابو سام
ابو وسام .. ام مصطفى صارت مرته بعد وين ماياخذها ياخذها وبتج مو صغيره هم جانت مزوجه وهي كبرت وتعرف شلون تصرف لا تخافين عليها مو خالو
انه بذيج الساعات الله ذب علي هدووء ما فتحت حلكي ابد بس اهز براسي
خذتني اختي لغرفتها وشبكتني وظلت تبجي علي وع حالي وانه هم طكيت بجي ع الرغم جنت احبه بس خفت منه موقف صعب ع الرغم انه مزوجه قبل بس احس بخوف منه وين ياخذني وشراح يسوي بيه ما اعرف
فاطمه .. يله زينب روحي غسلي وجهج وعدلي روحج وروحي وياه وطمنينه عليج زين حبيبتي
اجت امي ونفس الحاله بجي وخالتي همين سوينها عزه
اجه زوج خالتي يله خالو الرجال ينتظر
غسلت وجهي ولبست حجابي حته مكياج ....
