اجت ام سيف ودخلناها بالدوانيه جانت دوانيتنا اثاثها بسيط كرويتات قديمه وطبلات وزليه وبرده ام الورد اكيد جيل الطيبين يذكرون هذا الاثاث لان اغلب البيوت العراقيه القديمه البسيطه هذا اثاثهم
امي راحت جابت الصوبه واجت لان جان شته بوكتها
انه وامي انخطف لونه وسؤال يدور باذهانه ليش زايرتنا معقوله عرفت بالموضوع
وحده تباع للثانيه
انه عفتهم و رحت اجيب جاي وماي
وامي كعدت يمها بس هي جانت تبتسم وعادي
دخلت للدوانيه وانه كلبي بس يدك وقدمتلها الجاي وكعدت
يمها بس هي جانت تبتسم وعادي
دخلت للدوانيه وانه كلبي بس يدك وقدمتلها الجاي وكعدت
ام سيف.. البارحه رحت للصالون وشفتها لام ضحة عدها عرايس وجايبه البنيه الي كانت سابقا تشتغل وياهه وتكولي ام ضحى انه كولش مشغوله خليها لسهى تشتغلج بس اني شغل سهى ما يعجبني لان قبل لتجين انتي ع الصالون اشتغلتني بس معجبني شغلهه
بس انتي ماشاالله كلش حلوى ايدج بالشغل وسالت ام ضحى عنج وكالت بطلت فكلت اجيج للبيت واني مستعجله لان ورايه سفر
فياريت تشغليلي والي تطلبيه اني تحت امرج
انه وامي شوي اخذنا نفس من ورا حالة الخوف والتوتر
امي .. يمه عادي بس اخاف اخوانها ما يقبلون
ام سيف .. لا خاله ممقبوله منج احنه جوارين مو غربه وكل العالم تعرف بينا وباخلاقنا وبصيتنا وانتو ادرى خاله وانى والله لو ما اردي بزينب شغلها حلو ولما مستعجله جانت شفت صالون ثاني ووكلت افيدها احسن ما افيد غيرها ويفيدها مصرف الها وانه ماقصر وياها
امي .. اي اكيد خاله والنعم منكم انه ماحاجيه عليكم ع خوانها ما يقبلون اخاف
ام سيف .. انتي قنعيهم خاله اني اول مره ادخل بيتج وترديني
امي .. لا خاله هاي هو يمته ما تردين
( انه جنت ساكته بس اسمع الحجي )
ام سيف .. والله ياريت هسه لان باجر اسافر اني والعصر اريد ازور اهل زوجي
امي .. هاي هو خاله هاي الدوانيه فارغه واخذي راحتج وخلي تشتغلج
ام سيف .. لا خاله خلي تجي بيتنا فوك بغرفتي ناخذ راحتنا محد يجي يمنا وابو سيف يظل يم الجهال لان مااكدر اعوفهم لوحدهم يم ابوهم
( انه وامي بس عيونه تحجي مانكدر نكول شي)
امي .. هاي هو خاله ام سيف خلي تروح
عفتهم وكمت ابدل ملابسي شوي واجت امي ورايه وام سيف بالدوانيه لوحدها ظلت
امي .. انوب هاي منين طلعتنا الشغله احنه ما صدكنا نخلص انوب تدخلين بيته سترك يربي
يمه مايكدر يسوي شي ومرته بالبيت
امي .. انوب المصخم مرته تخبل ما قاصره شكره وبيضه جنها ليلى علوي تكول للكمر كوم وانه اكعد بمكانك
والله يا يمه علمي علمج انه هم مستغربه اكثر منج
يمه انه رايحه ولا يظل بالج زين
رحت وياها وركبت بالسياره كلمة السلام عليكم كوى طلعت من لساني
نزلنا ودخلنا للبيت من المطبخ.. المطبخ جان فد شي دافي كله سيراميك والكاونتر صاج وميز الطعام والورود كلش مرتب يعني مثل المطابخ الي تطلع بالفلل بالمسلسلات المصريه وحته مكيف بيه
دخلتني ع الصاله كلش جبيره اثاثها كلش حلو ومرتب تخم قنفات وطبلات وثرياث ولوحات ومعرض عليه التلفزيون واتنيكات .. والدرج يصير مقتبيلها .. البيت جان دافي بكل غرفه مدفئه ومكيف بالوقت الي كانت بيوتنا بخيت الي عنده صوبه ومبرده والي عنده مكيف لا هذا زنكين وطاك.. من الفقر الناس جانت حته البنكات تنزلهم وتبيعهم حته ياكلون بفلوسها الله لا يعود ذيج الايام الي باعت الناس الهدوم العليها حته تحصل لكمه لجالهم
صعدتني فوك لغرفتها وكلتلي حنزل شوي واصعد
الغرفه جانت كلش حلوى الاخشاب والفرشه لونها بنفسجي والورود وصور زواجهم وثريات ودافيه وجان الجو برى كلش بارد
شوي وصعدت ام سيف
ها ام سيف شنو تردين اسويلج اول
ام سيف .. اول اريد شيره لجسمي كوله وبعدين تصبغيه لشعري اني عندي صبغ انتي بس تصبغيه وتكصين اطرافه وجهي نضفتي الاسبوع الفات فميحتاج
انتي عندج شيره لو اسويلج
ام سيف .. لا والله اني معرف اسوي شيره امشينا ننزل جوى ونسوي وابو سيف طلع مو هنا راح يجيب غده رالجهال بالغرفه الي بصفنا ديشوفون كارتون
نزلنا جوى وسويت شيرا الها وكملت وصعدنا فوك وبلشت اسويلها وبدت السوالف بيني وبينها
اول ما سالتني ليش اطلكت وسولفتلها القصه وكتلي الله يعوضج بالاحسن الله خلصج منهما
صار عندي فضول اعرف قصتها وحياتها ويه رائد بدت تسولفلي
يتبع...
