Seize Everything

Chapter 3 - Apartment

8:15 na ng umaga ng imulat ko ang aking mga mata napansin ko ring wala na si Tito Paul sa aking tabi. Wala din akong naririnig na ingay mula sa labas. Tila'y walang gulong nangyayari hindi naman sa gusto ko ng gulo pero yung pinangako ni Tito Paul na aayusin na niya ang pagkakamali niya ay alam kong gulo ang mangyayari, pero, parang hindi tinupad ni Tito Paul ang pangako niya, so ibig sabihin lang non ay mahal niya si Tita. Kaya para wala ng gulo siguro ako na lang ang iiwas ako na lang ang lalayo dahil ako naman ang dahilan ng problemang ito. Para hindi na lalong masira pa ang pagsasama nila.

8:40 ng bumangon na ako sa aking pagka kahiga isinaayos ko ang mga unan at tinupi ang kumot. Inayos ko na rin ang aking buhok at kinuha ang sipilyo at twalya upang isabay sa pagligo. Paglabas ko ng kwarto ay napansin kong nakaupo si Tita habang nag kakape ito. Wala sa bahay si Tito siguro pumasok na ito sa kanyang trabaho.

"Good morning Tita." masayang pabati ko "Good morning Alex." nakangiting pabalik nito sa akin. "Oh, mag almusal ka muna." dugtong pa nito

"Mamaya na lang Tita pag tapos ko sigurong maligo." sagot ko. Pumasok na ako sa cr upang mag sipilyo at sinabayan ko na rin ng pagligo. Mga ilang minuto din ako sa pagligo ay nagpunas na ako ng katawan at nag tapis na, binuksan ko ang pinto ng cr upang makalabas na. Nagtungo na rin ako sa aking silid upang magbihis ng pang alis.

Mga ilang minuto ng pag aayos ng katawan ay inayos ko na rin ang aking mga gamit sa iisang bag, tinignan ko ang mga documento ko kung nailagay ko na sa aking bag, kumpleto naman ito kaya lumabas na ako sa aking kwarto upang samahan si Tita mag almusal at makausap na din sa aking plano.

"Tita, anong almusal natin today?" nakangiting tanong ko kay Tita

"Tinapay at kape lang Alex, san punta mo bakit nakabihis ka?" nagtatakang tanong nito habang humihigop ng kanyang kape mula sa may lamesa.

"Ahhhh, Tita aalis na ako." kinakabahang paalam ko dahil kabago bago ko palang dito sa Maynila at alam kong nagtataka siya ngayon.

"Saan ka pupunta? Hindi naman kita pinapalayas ah." nagtatakang tanong nito.

"Ahmm, Tita doon na ako sa kaibigan ko makikituloy" pagsisinungaling ko kay Tita kahit alam kong hindi siya maniniwala pero kailangan kong galingan ang pag rarason.

"Kailan kapa nagkaroon ng kaibigan dito Alex, yung totoo saan ka talaga pupunta?" pagtatakang tanong nito habang nakataas ang kaliwang kilay nito.

"Ah, Tita nung nilibot ako ni Tito Paul sa barangay natin nakilala ko yung kaibigan ko si Michael taga Ilocos din siya. At tsaka nakausap ko siya na pwede daw akong makitira sa kanila tsaka mas malapit don yung school na papasukan ko. Kaya balak kong doon na lang ako sa kanila para mas malapit." pasinungaling kong sa kanya at bumaba naman ang kanyang kilay ng marinig niya ang aking rason.

"Maasahan ko ba yang Michael na yan? Baka kung anong gawin niyan sayo ah, ang ganda ganda mo baka anuhin ka niyan." seryosong tanong nito sa akin.

"Oo Tita, mabait si Michael. Matagal na kaming magkakilala non." nakangiting pagsisinungaling ko para hindi niya mapansin na puro rason lang ako.

"Oh sige kung saan ka masaya pero mag iingat ka ah." pag-alalang tugon nito sa akin.

"Salamat Tita." pasasalamat ko. Tama lang ang desisyon kong umalis na dito sa bahay dahil hindi ko na kayang saktan si Tita. Sobra yung pagmamalasakit sa akin ni Tita, sobra din ang pagmamahal niya sa akin kaya tama lang na ako na lang ang aalis, tama na yung ako yung masaktan wag lang siya. Bumalik na ako sa kwarto ko upang kunin ang malaki kong bag.

"Tita, aalis na ako. Salamat sa pagpapatuloy." nakangiting sambit ko.

Sa paglabas ko ng pinto ay biglang sumigaw si Tita.