شبه فصليه

بارت1

ورجعتلكم بقصه جديده لكل الي حب قصه سجن ابن عمي اكيد راح تحب هاي القصه موضوع القصه اكيد عرفتو من الوصف بس اغلبكم يمكن ما فهم شراح يصير الكل يعرف قصص الفصليات بس هاي القصه تختلف ما اريد اخرب عليكم قرائه ممتعه
♡♡♡♡♡♡♡♡♡♡♡♡♡♡♡
وديان: مرحبا اني اسمي وديان صح اسمي غريب بس اكيد ورا قصه حلوه عمري 20 ناجحه من السادس بمعدل 98 طولي 152 وزني 56 طبعي جديه ومتحفضه سافره ما البس حجاب لان ابويه من طبع منفتح ما يهمه هيج سوالف بس طبعن اني اصلي واصوم اني يتيمه الام امي توفت لمن ولدتني قبل لا تتوفه امنت خالتي عليه خالتي بهذاك الوكت ما جانت مزوجه بقيت يم خالتي لمن وره وفات امي ب4 اشهر ابويه بعد ما تحمل وجاي ياخذني من خالتي بذاك الوكت خالتي تعلقت بيه هواي صار مشاكل بين ابوي وخالتي اتفقو اهل ابوي واهل خالتي يزوجوهم علمود ابقه عدهم ثنينهم بلبدايه عارضو بس بعدين وافقو علمود مصلحتي تزوجو ابويه وخالتي وبقو مثل لاعداء كل واحد بغرفه وكل يوم عركه بذاك الوكت جان عمر ابوي 24 وخالتي 19 داوم سادس علمي من تروح للمدرسه تعوفني يم بيبي ام ابويه كلش حبابه وتحب خالتي تكول احبه عله محبت المرحومه صح خالتي اخت امي بس ما يتشابهن امي حلوه بس حنطاويه خالتي شگره وعيونه اخضر فاتح صدك تخبل مرت الاشهر وكبرت واخالتي وابوي عله حالهم كل واحد ينام بغرفه وحده صار عمري سنه بليلته سولي عيد ميلاد يخبل طبعا اني ما اذكر كل هاذ خالتي حجته الي عزم ابويه اعمامي واخوالي وسوالهم عشه وره العشه سوو العيد ميلاد جان كل الناس يعرفون بوضع خالتي وابوي لذالك ما يسالوهم عن علاقتهم اله بيبي ام ابويه كل شويه وكالت يمه زهراء زهراء اسم خالتي يمه ما ناويه تحبلين جان خالتي كلش تخجل بس تجامله وتكول بعد وديان زغيره مرت الاشهر وصار سنه لابوي وخالتي مزوجين واني صرت احجي وكول بابا واكول لخالتي ماما بهاي الاشهر ابوي وخالتي الي هيه خالتي صارت علاقتهم احسن بس بقه اكو مسافه بينهم بس الكل عرف من نضراتهم انو بدو ينجذبون لبعض صار ابوي يوصل خالتي للمدرسه ويرجعه بدل الخط صارو يحجون طبيعي بلبيت وابوي يطلب منه الي يريده وحياتنه طبيعيه بس بقو كل واحد ينام بغرفه وحده بيوم اخذ ابوي خالتي للمدرسه ورايح لشغله مكمل شغله وراجع ياخذه من المدرسه شايف ابن عمه واكف يمه ويضحكون نزل وهوه نار راحلهم سلم عله الولد وكال لخالتي يالله تاخرنه عله وديان سلمت خالتي عله ابن عمه وصعدت بلسياره ابوي ما حجه شي( راح نغير شوي بدل ما نكول ابوي وخالتي نكول خالد وزهراء وراح استلم القلم بدل وديان )

الكاتبه: بقو طول الطريق ساكتين راحو للجده اخذو وديان منه طول الطريق وديان بحضن زهراء تضحك بيه وتعلمه تحجي وصلو للبيت نزلت زهراء وبحضنه وديان خالد بس نزلو شخط السياره وراح زهراء تفاجئت بس ما هتمت هواي دخلت للبيت بدلت ملابسه وبدلت ملابس وديان وكلته وخلته علجربايه وانطته حليب علمود تنام صدك خلصت الحليب ونامت خلته بكاروكه وراحت تسوي غده كملت الغده وخالد ماكو عافت الاكل وراحت تنضف نضفت الصاله ومسحته نضفت غرفته وغسلت ملابسه وملابس وديان كملت بقه بس غرفه خالد راحت تسبح وبعدين تنضفه لان خالد دامن غرفته مرتبه راحت لغرفته اخذت ملابس وراحت للحمام بعد ما سابحه سمعت الرضي يدك (ملاحضه بذاك الوكت مجان اكو موبايلات بس ارضي)طلعت من الحمام وردت