يسعد اوقات كل متابعيني ومشاهدين الاعزاء الكرام لكم مني أجمل وارقى التحيه والسلام
هاا أنا بدأت بقصة آخرى حقيقيه وكل أحداثها حقيقية ما عدى الأسماء وهميه حفاظاً ع معرفة الشخصيات لانها معروفه في المجتمع البصري ☺️ نعم أنها قصه بصراويه 😍 يقدمونها لي أشخاص معروفه ومشاركين بيها اهواي وبطلة القصه فتاة 👧 وربما شاب 👨🏻
راح اگولگم شي
صناعة الحب من صناعة أيدينا نحن من نضيع أنفسنا بأنفسنا
نحن من نعطي أهميه للمقابيل ليتمادى علينا بسوءه وضرره قبل نعمه ومنافعه
نصدق من نحب ونكذب الكل من حولنا
لأننا نراه بقلوبنا لا عقولنا
عندما يكون الحب بدافع جنون المراهقه سيكون آخر خطواته نحو الجحيم
هذا ما إستنتجته من تجربه.
أبدأ معكم بمشهد صغير من أعماق القصه
أماني : سلام أگعد أگعد راح يطيح السگف علينه والباب جاي يندگ
سلام : همممم
أماني : يمعود گوم الباب جاي يتفلش مدري منو اجالنه
سلام : منو بهالليل يجينه أشبيج تتحلمين
أماني : يا اتحلم گوم إفتح الباب مو راح يطيح البيت فوگانه
سلام : هاي شنو منو هيج وكت يدگ الباب علينه وتفليش شكوو وبيش الساعه هسه
أماني : وانه وين أدرى منو يدگه كوم وشوف منو مو صار ساعه اگعد بيك وانته ولا انته ولايمي بـ ٣٠ /١٢ هسه
سلام : أماني وج هذا الجيش اجانه
أماني : ياستار ليش شكوو
سلام : انه راح البد وانتي هم لبدي مو اطلعين
أماني يا صدگ عود تحجي اطلع شوفهم شنو يردون وافتح الباب مو الجهال ارعبت شوف غدير وزينب اشلون يبجن
سلام يا اطلع يا اشوفهم وج ذولي راح يجفتون علينه و ياخذونه
أماني وانت تريد تلبد عشتوو
بهلأثناء حاولت اصير قويه واروح اغير ملابسي واستر روحي خاف كلشي يصير وانوب يدخلون علينه واني بهاي حالتي بين ماجاي ابدل ملابسي دخلوا علينه كومة زلم وكلها لابسه اسود بأسود دخلت بلكنتور
لبست حجاب و عبايه لبستهم كوه من الخوف والرعب الي تملكني هجموا هجوم واسلحه اتخوف عمري ما شايفه منها واشكولهم اتخوف الطول والعرض والاشكول ابد ماشايفه منهم بلعراق يخوفون مرعبين
الجبان سلام لبد بلمعرض مال لفراش والغراض صار جنه فاره بوكتها مدري
اضحك على ضيمي مدري ابجي من الموقف
طلعوا سحل من المعرض جتفوا واخذو بره
طلع وهو يباوعلي بنظرات توسل حتى لا احجي شي
وانه وجهالي ضلينه بلغرفه ويحجون وياي ويسألون بيه
رجلج شنو شغله
أماني حداد
هم عنده شغلات غريبه
أماني مثل شنو يعني
يعني گلوبات جداحات شكلها غريب يدخل شباب للبيت احد يجي بره ويا
أماني لا خويه ماكو شي من الي تگوله
يمعود عوفها مااشوفه اشلونها هيه لو من ذني النسوان جا مو حالها هيج هسه
يحجون بصوت ناصي بس اسمعهم انه
اشعندج جنتي بلكنتور من دخلنا عليكم
أماني جنت البس حجاب وعبايتي دنيا ليل اشلون حالنه تتوقعه بلبيت ونايمين
فتشوا الكنتور بله
سيدي كلشي مابي گلبت كل الكناتير والفراش والهدوم ماكو شي
أماني على شنو ادورن انتم شنو تردون
احنا جهاز مكافحة الارهاب والمخدرات والقوات الخاصه والاسناد ورجلج مشكوك باامره يبيع او ياخذ مخدرات
هل أماني راح تبلغ على زوجها المدمن ام تتركه
مارأيكم أنتظرونا ببارت و أحداث مفصله للقصه
حررو أيامي المقيده
بقلم
عيوטּ ألمهآ
االقصه حقيقيه والاسماء وهميه للتنويه
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
شكر وتقدير للمصمم الاخ الكريم
عادل السماوي
أنت تقرأ
حررو آيامي المقيده (مڪتمله)
Spiritualأنا روايه قصيره ولڪن عميقه جداً لا يفهمني أحد سوۍ القليل بت أجاهد في صراعات وحياة كنت اضنها خير حياة ولڪن بعد فوات الأوآن اكتشفت كل الذي مر بي ضيا؏ لعمر عشته بين طغاة ... حررو أيامي المقيده بـ قلمي عيون ألمهآ 21 ــ 11 _ 2022 بدأت اكتبها وانت...
