حررو آيامي المقيده (مڪتمله)

35

‏مساڪم سعاده واتمنى لڪم قراءة ممتعه
                ✍ﮩ. ★ ​​﮼​ ★

سجاد :: تعال شو طفرت مو امسوي روحك زلمه واتبيع مراجلك علينه واتهدد وتراسل چاا وين حچيك

ام أمجد :: يمه فدوه اروحلك استهدي بلرحمن عوفه يولي مو راح تخسر نفسك على واحد سگط

كفايه :: استر علينه الله يستر عليك يولي عفيه عيفه ولا اتبهذلنه بسببه

أمآني :: يمه احجي فدوه شنو صاير ليش هيج الصريخ والصياح

كفايه :: دروحي يمعوده صايره مكاتل وانتي بطرانه امطفيه من الرئيسي وخر مني دخلي جوه لا يودونه بتوهگه

أمآني :: ضليت اصفن بلساحه لوحدي وي مرت علاء اريد افتهم شي ماكو والهوسه بره
اگلج زهراء شنو السالفه

زهراء :: خيه هذا رجلچ جاي يتهدد على ابوچ وابوچ خذه البندقيه وطلع والولد راحوا يرگضون وراه بس سمعت امچ اتگول امخابر لابوچ ويغلط مدري شني من امس بليل ولهسه

أمآني :: اصخام الصخم سلام على هاي سوالفه ولا يجوز راح يرحون بيها اخواني وابوي شگول عليك ولچ حسون عدهم هسه ما يودونه بعد الي

زهراء :: اي ابوچ من اجه من الدوام سأل على حسون ومن گناله خذوا ضل يحجي

أمآني :: الله يستر هسه يذب حرگته بيه انوب
دخلوو الولد اخواني وعمامي دخلو ابوي دخلنه جوه احنا دخلو كلهم وگعدوا يسولفون اصاير ياله افتهمنه كل شي

حميد :: والله لو امخليني الزمه

قصي :: هسه احنا قصرنه كسرنا اتكسر خلي يولي بعد
زين هسه هاي الهوسه على شنوو بله

سجاد :: امس بـ ١٢ بليل يراسل أريد احجي وي أمآني على رقم كفايه رديت علي أنا جاوبني صايرلي حنين وشريف السگط وهو ما يدري وين الله خالقها يهدد ويحجي ويغلط بلشار؏ گدام الناس وهسه جايلي يراسل مو تايهتله هي

انوب ما كفاه من دره بيه انا احجي ويا ضل يتمادى گتله اذا انت زلمه تعال لا اضل اتلوص بلتليفون عود صار رجال و اجه ضل يمصرن ابني ومرتي واريدها على ذمتي و ما اطلگ وما اعوفها استلمته راشديات وبوكسات

شايل سچين على اساس يريد يطگني لزموا الولد شبعوه كتل رحت جبت الرشاشه ردت ارمي والله اله شويه فلت منه صارت الطلق على الگا؏ راح يرگض على ذني المحلات الفارغه ضام بيهن مسدس لزموا الولد ما قصروا واجيتوا انتو

ميثم :: صارتله عبره هسه كسرنا وانغسل غسله معدله وبعد اشوي اخابر حتى اسوي أمر القاء القبض علي لأن اتهجم عليكم

أم أمجد :: ذكروا الله يمه انتم اخوان لا تخربون خوتكم واليسوه والمايسوه يحجي بيكم وعليكم خلو يولي بعد ما راح يدنالكم

قصي :: زين أمآني حاجيه ويا شني ليش هو راسل من وحده يعني

كفايه :: خويه التليفون عندي وهو بليل راسل احنا نايمين وهاي السالفه كلها ما تدري بيهه أمآني چانت نايمه وگعدت على صوت الصياح والصريخ مستغربه كل شي ما تدري