حررو آيامي المقيده (مڪتمله)

54

مثل الحديد صقلتني الأيام وبشده
شعرت بـ إستقامتي وأنا التي دفعت ثمن كل إنحناء أنحنيته وكل إذى التصق بي وكل حرارة إثرت بي حتى حقي بممارسة يومي يشعرني بلغثيان

ففي كل مره أنظر بها إلى المأضى أتيقن أنني كنت محأربه قوية أنتصرت على نفسي و مخاوفي وانتصرت على الخوف لأمور كنت اجهلها و أظنها أنَ بنهآيتها ينتهي الكون وها أنا هنا أبدأ من جديد كل يوم

‏وكما يقولون إن « القلوب شواهد »
نحن نعرف من يحبنا ومن يكرهنا نعرف القلب النظيف من الحاقد نعرف مايبذر من كره وشماتة وما يبذر من محبة ومواساة
فـ سواد القلوب واضح مهما اخفوه ولكن لا نحب إن نبحث في الخفايا ولا وقت لدينا لنكشف ظلام المقابل ففي النهاية قلب الحقود هو من سيحترق من سواده وحقده والنار تأكل بعضها
ثم
أنت قوي جداً عندما تكون وحيداً فلا تبالي للشوق ولا للضعف ولا للخوف ولا تهتم لڪلام الآخرين عش مبتسماً وكأنك لاتعاني من شي عش من جديد

بقلمي
٭۬ﮧ۬ ﻋﯧۦٚ۬ﹻۦٚ۬ﹻۦٚ۬ﹻون آﻟﻣﹻۦٚ۬ﹻۦٚ۬ﹻۦٚ۬ﹻﻬﺂ ٭۬ﮧ۬

كفايه : أمآني خالتج راح اسوي عمليه وراح اروح وياها

أمآني : خير ان شاء آلله عمليتيش واشوكت
كفايه : رفع مراره وباجر تريدني وياها محد وياها
أمآني : خوش

راحت امي وي خالتي من الصبح بلسم بدت تنظف واني رحت اسوي غدا كملنه گعدنه اشويه سالفه منا وسالفه منا بلسم مستمعه جيده وتواسي من واحد يحجي وياها بس ما تنطي حلول واحنا وحدنه تعودنه وحده على الثانيه كل سوالفنه سوه وحده تاخذ راي الثانيه باي شي نحاول نسوي جو لنفسنه من گد الملل والكئابه صرنه حتى لو عدنه شي محزن نحشش ونرفع من معنويات بعض ماشين بقاعده اسعد نفسك بنفسك

اشويه خابرت امي امخلصين العمليه وراح يرجعون للبيت طلبوا مني اروح يمهم اساعدهم واسويلهم غدا محد بلبيت يم جهالهم

أمآني : هسه اني شلي بهلسالفه اني شكو خليتوني بلنص يا اختي ما يصير هيج اگعد اگابلهم طنطل وامگابله طناطله

بلسم : ههههه خرب ابليسج
أمآني : والله خيه الصراحه ما اريد اروح هسه ايصيرون اهل الحنيه وكلها تجي وتلتم والصراحه اكثر اني ما اريد اشوف واحد من عايلة صاحب هذا صاحب وعايلته امخلين بگلبي وجعه

بلسم : دروحي وغيري جو وهم عمل خير اتگومين بي

أمآني عمل خير ولبيت صاحب ما اريده
بلسم : ولج خالتج هاي
أمآني : ورجلها يصير عمي قصي اذكري
بلسم : اهوو علينه دروحي والله كريم

اخذني حميد وداني يمهم گعدوا يسولفون المواقف الصايره بيهم بالمستشفى كملت الغدا صبيتلهم اتغدوا وسويت چاي شربوا حميد اخذ امي لان تعبانه من الصبح وياها ضليت اني وبتهم نظفت البيت وعدلته وغسلت اماعين تركض اركاض اباوعلها نادره بس ما تدنه للطبخ ما يخلونهه المهم هي كشكوليه وگعدنه نقلد ونضحك