حررو آيامي المقيده (مڪتمله)

39

مساء الخير أما بعد:
سيمر بلطفه كل ما ضاقت به صدورنا وعلقت فيه عقولنا وإن كنا تائهين لا ندري كيف نبدأ أو كيف سننتهي من كل هذا ليغلبن لطفك كل هذا القلق

واحلى عشا لست سرياس 😂
اتمنى لكم طيب المتابعه والاستمتاع بلقراءه

أمآني : يوم بعد يوم ومشت الأيام انتهت سنة ٢٠١٣ بدينه بسنه جديده ٢٠١٤ چان البعد والشوق سيد الوقت البعد الي بيني وبين سلام قربنا أكثر من بعض وتعلقنه حييل رغم مسافه الي بينه صارت مراسلاتنه دائماً و رسائل حب وغرام على طول

بهاي الفتره ليلو رجلها دز ناس حتى يتفقون وي عموو عادل على الطلاگ سمعت ليلو لو انگلبت الدنيا

ليلو : اشلون يطلگني ولكم اريده ما اريد اعوفه

عادل : ولج بابا دز ناس ما يريدج ويريد يطلگ شني اگله تعال اخذها اشبيج انتي مخبله

ليلو : هو خواته يقرن براسه انا متأكده هو ما يريد يعوفني بس الصوچ من خواته هن يگرن علي حتى يطلگني

عادل : وهسه شني ترديني اگله عوف امك واخواتك وتعال اخذ بتي رجعها الك شو انتي ما تعرفين تحجين

ليلو : خوش عود انا اعلمهم

يمه فدوه ما اريد اطلگ دبريني شسوي

عهود : اندري يمه شسوين
ليلو : چاا هذا الشغل كله وما فاد ما راح يرجعني يعني

عهود : ما بقى غير حل
ليلو : شنو هو

عهود : من ترحين للسيد گليله انا ما اموافقه واذا جبروج گليلهم اريد الحاضر و الغايب وكل غراضي حتى الغرفه بهيجي راح اضغطين عليهم وما ايطلگون

ليلو : وابوي وجدو خاف ايضلون يحجون عليه

عهود : خلي يحجون واذا حجوا اشراح ايصير ينوكل نصج

ليلو : انشوف اذا اجوا الله كريم
بعد أيام انطونه خبر بجيتهم واتفقنه على يوم الي راح اروح نطلگ جهزت نفسي وكشخت ما عبالك راح اطلگ عبالك راح اعقد للعرس كل ضني يشوفني و بلكت يغيير رايه

طلعت انا وابوي واجه ويانه جدو ابو أمجد مشينه هم طول الطريق يحجون وياي وانا بغير عالم ومحتاره اشلون انفذ الخطه الي براسي دخلنه الجامع شفت محمد ورجل اخته جايين قبلنه انا عيوني على محمد هو ولا رفع راسه ولا باو؏ اريده بس يشوفني ماكو

بدو يحجون ويتفقون حجه السيد وي محمد جاوبه بدون ما يدور علينه وانا گمت افور وهو ولا عبالك رد عليه السيد يسألني گتله انا ما اموافقه اطلگ رجلي واريده ابوي وجدو انصدموا من ردي ومحمد انگلب وجهه أحمر دم بس ولا التفت عليي أبد

السيد ما وافق يطلگ ومحمد طلع يركض وانا جدو وابوي جابوا الطريق كله يرزلون بيه ويحجون عليه آخر شي وصلت للبيت وگامت العيطعه من ابوي علي ورااد يطگني ولزمنه البنات بعدين خله وطلع راح لمرته الثانيه