حررو آيامي المقيده (مڪتمله)

56

هاا أنا انتظر كل ليلة بفارغ الصبر
أنتظر لحظة سعاد وفرح  تمر بدربي بلهفة طفل تائه بـ إحساس امرأه ضائعه في صحراء جرداء تلك اللحظة التي اتوسد فيها وسادتي وعيناي تغرر دموع الفرح لسعاده ابديه  تمنيتها ان تتحقق لخيال صنعته مجبرتاً حتى أهرب من جفاء وغدر البشر الذي يلازم حياتي وقسوة سنين المر التي اذقتها
عندما اغمض عيني اخذ نفس عميقاً واتنهد بحراره تخرج وكانها حصيلة تعذيب بعد شقاء وحسرة القلب يلوح لعيني ذلك الضوء الجميل المكلل بخيوط إمل  لتظهر لي من خلفه احلامي المحطمه من جهة وجهة آخرى الأمل الذي لا زال عالقاً لا أدري متى المنال و الأماني تتحقق هل سأضل أتمنى فقط وهل سأحصل على السعادة لقلبي إم أنها ستضل أمآني الذي صنعها خيالي كردة فعلاً لعجز قلبي عما أريد  

                         بقلمي
          ٭۬ﮧ۬ ﻋﯧۦٚ۬ﹻۦٚ۬ﹻۦٚ۬ﹻون آﻟﻣﹻۦٚ۬ﹻۦٚ۬ﹻۦٚ۬ﹻﻬﺂ ٭۬ﮧ۬
لكل من يقرأ سعادة الڪـــوטּ لـقلبــــــک ♡

           ــــــــــــــــــ★٭★ــــــــــــــــــ

أمآني  ~
بيوم ١٠ ــ ٣ ــ ٢٠٢١ انتقلنه لبيتنه بكربلاء وبده الهلاك وتعالي حطي وجيبي ورتبي اتكسرنه اتكسر بمعنى الكلمه رغم اعمارنه اصغيره بس احس صار بينه سوفان وانزلاق وكل شي يخص العظام والسيد الوالد يريد كلها وكلشي انسوي سوه بدون راحه يريد كل شي بمكانه من كثر الملحه الزايده منه والضغط العليه بس واحد يگلي بز ابچي و من گد التعب گمت ابچي بهضم واندب حضي اشوكت ارتاح اشوكت اخلص

بلسم  :  اشبيج أمآني
أمآني  : اشبيه بعد هسه البنكات امكترتهن لان الجو حلو گلت خل نرتاح وبعدين نشدهن ضل يصيح لان كترتهن وگلي طلعيهن خل انشدهن شوفينه كلنه نركض وما الحگ وهو بطران والله انشلع گلبي هسه شني هالعيشه هاي والله اتمنى اموت واخلص

بلسم  :  اسم الله عليج يمعوده على كيفج هسه نخلص ونرتاح

أمآني  : اي كلش صدگت هسه نرتاح همه ذولي وراهم راحه

بسلم  : گعدي ارتاحي واني رايحه ابدالج

أمآني : لا وانوب على هاي الهوسه كلها ويريد يعزم بس گليلي على يا ضيم يعني لازم اركض وارجع ليوره 

ضليت كل يوم اسوء من الي قبله بدات اوجاعي تهيج علي كل شي بجسمي يوجعني ما مرتاحه كلش حتى لو ما صاير شي بلبيت اني اگب من يمي على ياهو يحجي وياي  من غير الكوابس المرعبه الي ما اعرفها شني ما شني

واحلامي كلها سلام لاحگني بيها وكل يوم اتحلم بي وباهله واگعد مفزوعه عبالي حقيقيه واضل نهاري كله متوتره ومالي خلگ اي شي وحتى اخلص من هذا كله اروح لهذا البرنامج اضيع وقتي بي وانشر واعلق واسولف وي الناس واتناقش بمواضيع حتى لو مو مهمه بس كون اخلص من واقعي المرير والي جاي يصير وياي مدري شنو