لڪم من المرات جعلوا دمي يغلي في عروقي حتى نشف ذات يوم فإستغربوا كيف للأنسان أن يكون بهذه الصلابة بين ليلة وضحاها واي قوى عظيمة اوقفتني واوقفت معي الكثير من الأحاسيس ثم دست على العديد من الأحلام وكثير من الأشخاص
فـ صنعت دستوراً جديداً لي كتبت على مغلفهه غير قابل للتحريف او النسيان وخطيت أسماءاً في ذاكرتي تحت عنوان لا أرضى أن الدغ منهم مرتين
لم يدركوا ولن يُدركوا أي ألم قادني الى هنا والى هذا الحد
ثم
عزيزتي الأنثى : ~
أنتي رائعه تستطيعين فعل ڪل شيء لوحدک ستصبحين ما تريدين رغم كل العقبات والضغوطات سواء النفسيه او الجسديه
أنتي حتماً ستنجحين و تتخطين الصعاب اترڪي كل مخاوفک لا تستسلمي أبداً و لا تيأسي مهما حصل حاولي قدر المستطا؏ وابذلي قصارى جهدک لا تنسي أن هذه الحياة تخصک وحدک اجعليها كما انتي تتخيلين و عيشي كما تحبين وتريدين حتى لو فشلتي مره واثنان حاولي ولا تستسلمي وبنجاحک وتفوقک اغيضي الڪل اهتمي بنفسک فلا جميل إلا أنتي
اكاليل من الياسمين وفيض من السعاده لقلوبكم
بقلمـــــــــي
٭۬ﮧ۬ ﻋﯧۦٚ۬ﹻۦٚ۬ﹻۦٚ۬ﹻون آﻟﻣﹻۦٚ۬ﹻۦٚ۬ﹻۦٚ۬ﹻﻬﺂ ٭۬ﮧ۬
أمآني : ~
اجه سلام من كربلاء غصب علي بسبب التهديد حضرت روحي حتى امشي اطلگ منه واخيرا الفرحه ما سايعتني راح اخلص من كل معاناتي واتحرر من القيود وافتك
سجاد : يله أمآني خلصتي امشي راح اشغل السياره ابين ما تجين وبدلي لجهالج وجيبيهم وياج اثلاثتهم
أمآني : اني راح اروح الجهال شكوو ليش اخذهم وياي اخليهم اهنا يم أمي
سجاد : گتلج جيبيهم وتعاي وفضيني
اني نغزني گلبي من گلي هيج خفت وخاصتا شكله معصب واذا عصب ابوي يخرب الاول والتالي بسرعه بسرعه بدلت للجهال وخذتهم وياي صعدنه بلسياره رحنا للجامع اجه ويانه عمو ميثم الشاهد وابوي همين شاهد وصلنه وما انشوف اله عموو أمجد اجه وجد سلام ابو امه وخاله اضاهر چان خايف خاف ينكتل هلي جابهم كلهم اما عموو عادل ماكو ولا راوانه وجهه ابد المهم
دخلنه للجامع الجهال خايفين اغادير ضلت تبچي اريد اسكتها ماكو اول مره هيج تبچي وما ترضى تسكت بيدي اجه السيد طلبني اگعد يمه حتى يعرف اسباب الطلاق خليت اغادير عند حسون ودخلت
أمآني : السلام عليكم
الكل : وعليكم السلام
السيد : ليش بابا تردين تنفصلين عن زوجج وانتي عندج ثلاثه لا واحد ولا اثنين شنو ذنبهم ذولي
أمآني : ذنبهم اني جبتهم للدنيا وما عدهم ابو بي خير
سجاد : سيدنه انا امسولفلك اسباب الطلاق خو ما انطلگ بطر غير هم عايله سايبه وابو محتار بنسوانه والسحوره والولد شراب وسكير وانوب مخدرات يعني منو تعيش بهيج اجواء طلگها وخلصنه رحمه لاهلك ترى احنا هم نعرف بلدين صح الطلاگ بغض بس حل لأزمه ومشاكل وهذا الشي شرعي حلله رب العالمين
أنت تقرأ
حررو آيامي المقيده (مڪتمله)
Spiritualأنا روايه قصيره ولڪن عميقه جداً لا يفهمني أحد سوۍ القليل بت أجاهد في صراعات وحياة كنت اضنها خير حياة ولڪن بعد فوات الأوآن اكتشفت كل الذي مر بي ضيا؏ لعمر عشته بين طغاة ... حررو أيامي المقيده بـ قلمي عيون ألمهآ 21 ــ 11 _ 2022 بدأت اكتبها وانت...
