حررو آيامي المقيده (مڪتمله)

بارت 29

واستنار المكان وازدادت عطوره
هلا يـ جنة المكان و روحه ونوره
يسعدكم ويفرح قلوبڪم متابعيني ومتابعين القصه
اتمنى لڪم قراءة ممتعه ❤🕊

الدكتوره :: النتيجه ايجابي مابيج شي ورمه حميده بس الغدد ملتهبه وهاي أبر دورة كامله تستمرين عليهن تخلصينهن تبدين بلكبسول لمدة شهر بس اديرين بالج لازم اتراجعين كل ثلاث اشهر واسوين فحوصات كامله ممكن تتحول عندج لخبيث واذا اتقلعين الغدد ايكون أفضل

أمآني :: تمام دكتوره شكراً
سلام وامي وياي يسمعون الحجي رد الدم بوجهم من سمعوا الكلام طلعنه للبيت وصلنه كل خواني التموا يطمنون عليه طمناهم اجالي حسون يركض حضني
يمه عمري اروحلك فدوه

ضليت عند اهلي اكمل دورة الابر أمي تضربني عمو عادل وسلام كل يوم يجون يشوفني يطمنون عليه ويرحون صار اسبوع اجو عليه اخذوني وياهم ضليت مستمره على الادويه بديت اتحسن الحمدلله من اهدها خليت حسين يترك صدري ضل على الأكل بعد كبر سنتين اله شهرين
بهاي الفتره استغربنه عموو جاب غرفه اخشاب اله جديده عدة الأيام طبيعية الحمدلله ماكو شي هدوء

وهذا الهدوء ما قبل العاصفه صار بلنسبه لاوضا؏ البيت احنا كلنه ندري بعموو عادل متغير واكو من غيره وحسينه بهذا الشي وعرفنه بي مزوج بس ماكو دليل قطعي يكتل الشك وخصوصا ما يغيب عن البيت عدا الشغل من الصبح للمغرب يرجع

هنا عهود ضلت تحرگ وتشتغل ما گعدت اشوف كل شي بس ما اگدر احجي شي وهذا الي اثر عليه و على نفسيتي سلام بسبب اجواء البيت والمناگر مال امه وابوه رجع لسوالفه وشربه وچان حجته اهله اني تعبت ومالي قابليه لشي عفته اگوم بواجبي على أكمل وجه حتى ما اصير عليه حجه

اتحمل واسكت وهذا غلطي الي متندمه علي بگد شعر راسي واكثر همين گام يهددني بحسون ياخذه مني بس اطلب طلاگ يحرمني منه وما اشوفه بعد اني خفت ياخذه صدگ لانه حقيرر كل شي اتوقع منه خوفي على إبني عم عليه ضليت أخذ حبوب مانع الحمل بدون ادريهم محد يعرف بيه أخذ حتى ما يصير عندي طفل ثاني

يوم هدوء گضه مابي شي صار بداية الليل خلصنه عشا و كلمن بغرفته دخل ضلو عمي وعمتي گاعدين بلهول والتلفزيون على الأخبار اشويه وگبت عيطه للستار اصريخ ولطم صوت عمتي كلنه گمنا نتراكض

سلام :: شكووو يا ستار اشبيكم

عهود :: تعالوا ولكم طلع الافندي مزوج عليه انا نايمه ورجليه بلشمس انوب يگلي صار لي سنتين

أمآني :: احنا ضلينه متفرجين جهالنه گاموا يبچون على صوت الصريخ احتارينه انسكت منو حجايه منهه وحجايه منه صارتلك عرگه لا صارت ولا استوت غلطها وفشايرها علي ما تنحجي حتى اني استحي اذكرها هو رجال وين يتحمل هذا الحجي گام كتلها كتله غسل ولبس كلنه نفتح بي ما گدرناله ليلو اخذت تليفون امها دگت على بيت جدي